1 PIYER 2:24 - Bibəl ta Sar̄

²⁴ Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

Bible sar

²⁴ *Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

1 PIYER 2:24 Referans Kwoze

MATIYE 8:17

Ni-rāā yá̰á̰ ní i yā kadə̄ najə̄ ń Ijai nge koō ta əda ní reē udəń gírí, əda na: Ni un nujə yājí gə̄ ō, ɔy mo̰y yājí gə̄ ō dɔn tə́.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

JEJU TEĒ KUM JA̰A̰ 22:2

Kāgə̄ kógə̄ḿ ra dan ɓē ní tə́ ta mba bā kə́ tɔ̄ɔ̄ dām̄ jōó tə́. Kāgə̄ ní i kāgə̄ kə́ deē əsa anī a ndi kə kumneé ō, i kāgə̄ kə́ a an̄ nja kutə gidə i jōó kem ɓāl̄ kógə̄ḿ ō. Ni a an̄ i kə dɔ nāā gə̄ ō, mbīn i dáwá kə́ yā ngáań mo̰y yā nápar de gə̄ ō.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

KOLOSƏ 3:3

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

Makətūbə̄ ń Pol ndang adə̄ Rom gə̄ ní 6:13

Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

Makətūbə̄ ń Pol ndang adə̄ Rom gə̄ ní 7:6

Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

PĀ GƏ̄ 147:3

I ni n i nge sɔl̄ kem ngé gə̄ ń kemdə́ nujə sá sák kɔ̄ɔ́ ní ō, nge kun rɔ̄ tōr̄ yādə́ gə̄ ō ní.

Makətūbə̄ ń Pol ndang adə̄ Rom gə̄ ní 6:7

Tɔdɔ̄ deē ń oy ní, ni-teē ɓəlo rāā yá̰á̰ kə́ majaĺ tə́ kɔ̄ɔ́.

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

KƏLA RĀĀ 5:30

Jeju ń ə́ndaniī kə máyá̰ tū kāgə̄ kə́ dēsə́ tə́ ī-tɔ̄liīneé ní, Nə́ɓā yā kaají gə̄ ndólə̄n.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

MATIYE 5:20

Ādə̄ m-ə́dásí, ré háĺ kə́ gōtə́ yāsí tɔȳ yā ngé ndóō de gə̄ ndū najə̄ gə̄ ō, yā Parijiyḛ gə̄ ō aĺ anī, ā údiī kem Ɓē ko̰o̰ kə́ dɔ rā̰ tə́ tə́ alé.

HEBƏRO 12:13

Ī-njə̄rāī dɔ róbə́ kə́ súmūú tə́, yā kadə̄ njasí kə́ motə ḭḭ ta naā alé, ba kadə̄ aw̄ ta naā tə́ majə.

KƏLA RĀĀ 13:29

Dan ń nin̄-rāān̄ adə̄ najə̄ gə̄ malang ń ndangən̄ dɔn tə́ ní reē udən̄ gírí oy anī, ɔr̄nən̄ kɔ̄ɔ́ tū kāgə̄ kə́ dēsə́ tə́, ba aw̄ ənīnən̄ kem bəlo yo tə́.

KƏLA RĀĀ 10:35

Ba dan nápar de gə̄ tə́ malang ní, deē ń ɓōĺ Ndílən ō, rāā yá̰á̰ kə́ gōtə́ ō ɓáa a nelə̄n seneé.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

KOLOSƏ 2:20

Sḭḭ̄ i kə́ óyiī kɔ̄ɔ́ naā tə́ kə Kərist ō, gāngə̄n̄ dɔsí kɔ̄ɔ́ jī tɔ́gə́ kə́ dɔ nang tə́ gə̄ kə́ ngé ko̰ō̰ ɓē dɔ de gə̄ tə́ ō, anī i tām̄ rí tə́ á ī-rāāī tītə̄ kə́ sḭḭ̄ i de kə́ dɔ nang tə́ gə̄ ní? Tɔdɔ̄ ī-ndigiī kadə̄ əndān̄ najə̄ kə́ beē gə̄ dɔsí tə́:

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

KƏLA RĀĀ 10:39

Kəla malang ń ni-rāā dɔ nang yā Jipə gə̄ tə́ ō, kem ɓē kə́ Jerusalem tə́ ō ní, jḭḭ i de kə́ kum tə́ gə̄. Nin̄-tɔ̄l̄nən̄, kə ta kūl kəndan kə máyá̰ tū kāgə̄ kə́ dēsə́ tə́.

MATIYE 27:26

Loo ń noō tə́ ni-ɔr̄ Barabas dəngáyá adə̄də́, ba adə̄ əndan̄ Jeju kə ndéy mərawaá pá tá əlan jī de gə̄ tə́ kadə̄ əndanən̄ kə máyá̰ tū kāgə̄ kə́ dēsə́ tə́ ɓáý.

PĀ GƏ̄ 38:4

Rɔ̄ḿ i do malang sɔɔ̄ń wōn̄g yāí. Kem kə̄ngāḿ i lápə́ya alé sɔɔ̄ń majaĺ yāḿ.

LEBI GƏ̄ 16:22

Bal bə̄yā̰ ní a ɔy yá̰á̰ kə́ gōtə́ aĺ gə̄ malang ń ngán Israel gə̄ rāān̄ ní dɔn tə́ yā kaw̄ń dɔ nang kə́ teē aĺ tə́. Dan ń Aaro̰ əla kə bal bə̄yā̰ ní dəla loo tə́ oy anī,

Teē Ngán Israel gə̄ 28:38

Aaro̰ a do̰ō̰ yá̰á̰ súū rɔ̄ ní nɔtə non tə́ ngándáńg yā kaw̄ń ta kumḿ mā Kɔ́ɔ̄ɓē tə́. M-ā m̄-ndigə yá̰a̰ ndējə̄ gə̄ ń ngán Israel gə̄ a reēn̄neé kadə̄m̄ tə́ ní i kə ta kūl̄ yá̰á̰ súū rɔ̄ ń noō. Ká ré ngán Israel gə̄ rāān̄ yá̰á̰ kə́ gōtə́ aĺ gə̄ loo reē tə́ kə yá̰a̰ gə̄ ń ɔrə̄n̄ kam̄ tām̄ yāḿ tə́ ní gə̄gē anī, mā Kɔ́ɔ̄ɓē m-ā m̄-ndigə.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

JA̰A̰ 19:1

Loo ń noō tə́ Pilatə aw̄ kə Jeju ō, əda kadə̄ əndanən̄ kə mərawaá ō.

TƏ́DA 18:22

Gotə ngán Israel gə̄ a reēn̄ rɔ̄ kújə kənge naā tə́ ngɔr alé, tɔdɔ̄ ni ń noō i majaĺ kə́ asə yo deē.

LEBI GƏ̄ 22:9

Ādə̄ ngé tun̄ yá̰a̰ gə̄ rāān yá̰á̰ gə̄ ń m-ɔ́jə́də́ kadə̄ rāān̄ ní ō, ādə̄ ənīn̄ najə̄ dɔdə́ tə́ tām̄ yā yá̰a̰ kəsa tə́ aĺ ō. Tɔdɔ̄ ré rāān̄ yá̰á̰ kə́ táĺ gə̄ ń noō yá̰á̰ kə́ karī tə́ anī, a oyn̄. Mā i Kɔ́ɔ̄ɓē nge kɔr̄ kam̄də́.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

MARK 15:15

Anī Pilatə ndigə rāā yá̰á̰ ń nel̄ kem kósə de gə̄ ní, adə̄ ɔr̄ Barabas dəngáyá adə̄də́, ba Jeju tá, adə̄ əndanən̄ kə mərawaá pá tá əlan jī de gə̄ tə́ kadə̄ əndanən̄ kə máyá̰ tū kāgə̄ kə́ dēsə́ tə́.

Gōsə̄ najə̄ gə̄ 20:30

Do ndéy i dáwá yá̰á̰ kə́ majaĺ ō, ndéy i dáwá gír̄ kə́ kem deē tə́ kə́ to loo ɓɔ̄ɔ̄ rɔ̄ tə́ ō.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

KOLOSƏ 2:14

Makətūbə̄ ń ndangən̄ dɔjí tə́ sɔɔ̄ń rāā kə́ jə-rāāī gō míndə gə̄ aĺ ní, ni-nujə makətūbə̄ ní kɔ̄ɔ́ tū kāgə̄ kə́ dēsə́ tə́.

HEBƏRO 10:5

Adə̄ dan ń Kərist a rāā yā reē dɔ nang tə́ ní, ni-əda Nə́ɓā na: Ḭ̄ ī-gḛy yá̰á̰ kə́ tun̄ aĺ ō, yá̰á̰ kə́ ndējə̄ aĺ ō, banī ḭ̄ ī-rāā dā̰ rɔ̄ḿ ādə̄m̄.

HEBƏRO 10:10

Kərist rāā yá̰á̰ ń Nə́ɓā ndigə ní. Ni-adə̄ rɔ̄n yá̰a̰ tun̄ tə́ nja kógə̄ḿ kadə̄ gír gāngəń. Loo ń noō tə́ majaĺ yājí i kə kun kɔ̄ɔ́ dɔjí tə́ adə̄ jə-téliī de kə́ kɔr̄ kam̄ tām̄ yā Nə́ɓā gə̄ tə́.

TA KƏLA 22:6

Abəraham əndā kīr̄ dɔ ngōnə̄n tə́ ba nəkɔ́ ətō yā̰l̄ hor ō, kəyā ō, ba aw̄n̄.