1 PIYER 2:23 - Bibəl ta Sar̄

²³ Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.

Bible sar

²³ Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.

1 PIYER 2:23 Referans Kwoze

IJAI 53:7

Rāānən̄ yá̰á̰ kə́ tōr̄, banī ni ndigə yá̰á̰ ń rāān̄ seneé ní. Ni-əda yá̰a̰ alé. Əda yá̰a̰ alé, tītə̄ ngōn̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ batə̄ kə́ əjan̄ bḭḭ̄n anī nōō aĺ beē.

1 PIYER 4:19

I beé ní, ngé gə̄ ń a̰a̰n̄ tápə̄ tām̄ rāā kə́ nin̄-rāān̄ gō kem ndigə yā Nə́ɓā tə́ ní, majə kadə̄ na̰yn̄ kə̄ loo rāā yá̰á̰ kə́ majə tə́ kə̄ nodə́ tə́ ō, ənīn̄ kemdə́ mámák adə̄n̄ Nə́ɓā nge rāā yá̰a̰ malang ō, nge ra dɔ ndūn kə́ ənī tə́ ō.

HEBƏRO 12:3

Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

PĀ GƏ̄ 37:5

Ə́ya̰ rɔ̄í kem jī Kɔ́ɔ̄ɓē tə́. Ə̄ndā kemií dɔn tə́ anī ni a rāā yá̰a̰ tām̄ yāí tə́.

KƏLA RĀĀ 4:29

Ba ngɔlaā ní Kɔ́ɔ̄ɓē, á̰a̰ ka̰ȳ ń a̰ȳn̄ ndíĺjí ní, ba ī-rāā ādə̄ ngé kəla yāí gə̄ ənīn̄ kemdə́ ədan̄neé najə̄ yāí kanjə̄ ɓōĺ.

2 TIMOTE 4:8

Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

Najə̄ kə́ Majə yā Jeju ń Luk ndang ní 23:46

Anī Jeju əga kɔŕ ngá̰ý əda na: Bɔbə́ḿ, m-ə́yá̰ ndílə́ḿ kem jīí tə́. Dan ń əda najə̄ ń noō oy anī, əhɔ tan kə̄ naā tə́.

PĀ GƏ̄ 31:5

Ī-rāā ādə̄ m̄-teē kɔ̄ɔ́ kum gūmbə̄ ń əyān̄ yā kəhɔm̄neé tə́ ní. Tɔdɔ̄ loo ɓɔ̄ɔ̄ rɔ̄ kə́ ngan̄g yāḿ i ḭ̄.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

2 TESALONIK 1:5

Tɔdɔ̄ i tītə̄ ń noō n sḭḭ̄ ā ásiīń kadə̄ sḭḭ̄ i de gə̄ kə́ tām̄ yā Ɓē ko̰o̰ yā Nə́ɓā ń á̰a̰ī tápə̄ najə̄n tə́ ní.

EPEJƏ 6:9

Ba sḭḭ̄ kɔ́ɔ̄ ɓəlo gə̄, ī-rāāī tītə̄ ń noō sedə́ ō. Ī-lōōī ka̰ȳ ndíĺdə́, tɔdɔ̄ ī-gerī kadə̄ nge ń i kɔ́ɔ̄də́ ō, kɔ́ɔ̄sí ō ní, ndi i dɔ rā̰ tə́ ō, ni a rāā yá̰a̰ tām̄ ta kum deē aĺ ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

KƏLA RĀĀ 9:1

Dan ngeé ń noō tə́ ní, najə̄ yā ka̰ȳ ndíĺ ngé ndóō yá̰a̰ gə̄ yā Kɔ́ɔ̄ɓē ō, najə̄ yā tɔ̄l̄də́ ō, teē dɔ Sol tə́ alé.

Najə̄ kə́ Majə yā Jeju ń Luk ndang ní 23:9

Adə̄ dəje Jeju najə̄ ngá̰ý, ba Jeju tá ədan yá̰á̰ kógə̄ḿ sḛ́ý alé.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 7:11

Der yāḿ kə́ nge taā dɔḿ i Nə́ɓā kə́ nge kajə de gə̄ ń kemdə́ i súmūú ní.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

KƏLA RĀĀ 7:59

Dan ń a tə́nīn̄ Etiyen ní, Etiyen ɓāŕ Kɔ́ɔ̄ɓē əda na: Kɔ́ɔ̄ɓē Jeju, ī-taā ndílə́ḿ!

Najə̄ kə́ Majə yā Jeju ń Luk ndang ní 23:41

Yājí jḭ̄ i gō tə́, tɔdɔ̄ rāān̄jí i yá̰á̰ kə́ asə gotə yājí gə̄ ń jə-rāā tə́ ní. Ba ni, ni-rāā yá̰á̰ kógə̄ḿ kə́ majaĺ sḛ́ý aĺ bátə́.