1 PIYER 2:18 - Bibəl ta Sar̄

¹⁸ Sḭḭ̄ ngé rāā kəla gə̄, majə kadə̄ ōōī ta ngolsí gə̄ ō, majə kadə̄ ī-ɓōlíī ndíĺdə́ ngá̰ý ō. Ādī i ngé gə̄ ń kemdə́ majə ō, nin̄ i de kə́ sɔl̄ lɔ́ḿ lɔ́ḿ gə̄ ō ní ngóy alé, banī ngé gə̄ ń háĺdə́ ngan̄g ngá̰ý ní ō tá.

Bible sar

¹⁸ Sḭḭ̄ ngé rāā kəla gə̄, majə kadə̄ ōōī ta ngolsí gə̄ ō, majə kadə̄ ī-ɓōlíī ndíĺdə́ ngá̰ý ō. Ādī i ngé gə̄ ń kemdə́ majə ō, nin̄ i de kə́ sɔl̄ lɔ́ḿ lɔ́ḿ gə̄ ō ní ngóy alé, banī ngé gə̄ ń háĺdə́ ngan̄g ngá̰ý ní ō tá.

1 PIYER 2:18 Referans Kwoze

Gōsə̄ najə̄ gə̄ 3:32

Tɔdɔ̄ deē ń hálən i kə́ nujə kɔ̄ɔ́ ní i de kə́ yḛr ta kum Kɔ́ɔ̄ɓē tə́, ba Kɔ́ɔ̄ɓē ɔjə de kə́ súmūú kemən tɔdɔ̄ ni-ənī kemən adə̄n mámák.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

PĀ GƏ̄ 101:4

Kem kə́ súmūú aĺ ndetə kadəḿ ngɔr alé, Yá̰á̰ ń i yá̰á̰ kə́ majaĺ ní, m̄-gḛy gerə̄n alé.

TITƏ 3:2

tájə̄nəń deē aĺ ō, rɔ̄ɔ̄nəń deē aĺ ō, kadə̄ nin̄ i ngé mā̰ȳ rɔ̄də́ láẃ ngá̰ý dɔ yá̰a̰ rāā kə́ gō tə́ aĺ yā deē tə́ ō, kadə̄ ɔjənə̄ń háĺ kə́ sɔl̄ lɔ́ḿ lɔ́ḿ yādə́ kə̄ no de gə̄ malang tə́ ō.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

Gōsə̄ najə̄ gə̄ 11:20

De gə̄ ń gól̄ loo rosə kemdə́ ní nin̄ i de kə́ yḛr gə̄ ta kum Kɔ́ɔ̄ɓē tə́, banī Kɔ́ɔ̄ɓē ndigə najə̄ yā de kə́ sew gə̄.

Gōsə̄ najə̄ gə̄ 10:32

Ta de kə́ súmūú ger̄ kəda najə̄ kə́ kadə̄ nel̄ kem deē, banī ta ndo̰ ngé kem ndul gə̄ a gól̄ i loo.