1 PIYER 2:17 - Bibəl ta Sar̄

¹⁷ Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

Bible sar

¹⁷ Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

1 PIYER 2:17 Referans Kwoze

Gōsə̄ najə̄ gə̄ 24:21

Ngōnə̄ḿ, ī-ɓōĺ ndíĺ Kɔ́ɔ̄ɓē ō, ī-ɓōĺ ndíl mban̄g ō. Ī-lōō kəla rɔ̄í dan ngé sāā tūr̄ gíŕ yá̰á̰ kə́ jóo gə̄ kɔ̄ɔ́ tə́!

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

Makətūbə̄ ń Pol ndang adə̄ Rom gə̄ ní 13:7

Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

Teē Ngán Israel gə̄ 20:12

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

1 TIMOTE 6:1

Ādə̄ ɓəlo gə̄ malang rāān̄ kɔ́ɔ̄də́ gə̄ i de kə́ asən̄ kadə̄ de gə̄ rɔȳn̄də́ tə́, yā kadə̄ deē tájəń rī Nə́ɓā aĺ ō, deē ədań najə̄ kə́ majaĺ dɔ yá̰á̰ ndóō yājí tə́ aĺ ō.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

LEBI GƏ̄ 19:32

Ré á̰a̰ de kə́ dɔn ndaa ɓáa ḭ́ḭ dɔɔ́. Ī-rɔȳ de kə́ tɔgə ɓə́ga. Loo ɓōĺ ndíl Nə́ɓā yāí n noó. Mā i Kɔ́ɔ̄ɓē.

MATIYE 22:21

Nin̄-tél ədanən̄ na deē ní na i Sejar ō, yá̰á̰ ń ndangən̄ tū tə́ ní na i rīn ō. Anī Jeju ədadə́ na: Beé ɓáa yá̰á̰ ń i yā Sejar ní, ī-tél ādī Sejar ō, yá̰á̰ ń i yā Nə́ɓā ní, ādī Nə́ɓā ō.

KOHELET 8:2

Dan ń mban̄g əda najə̄ anī majə kadə̄ ōō tan, sɔɔ̄ń ndūí kə́ ə̄nī ta kum Nə́ɓā tə́.

EPEJƏ 5:21

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

Gōsə̄ najə̄ gə̄ 23:17

Ī-lōō kadə̄ kemií gḛy ndájə̄ ngé rāā yá̰a̰ majaĺ gə̄. Banī dəloí bátə́ kadə̄ loo tíbəń ní ādə̄ ī-ɓōĺ ndíĺ Kɔ́ɔ̄ɓē kemií tə́.

Gōsə̄ najə̄ gə̄ 1:7

Ɓōĺ ndíĺ Kɔ́ɔ̄ɓē i ta kəla gír ger̄ yá̰a̰. I de kə́ ngáā aĺ gə̄ n a rāān̄ yá̰á̰ ndóō ō, kum kedə̄ ō mbóó tə́ ní.

PĀ GƏ̄ 111:10

Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

JA̰A̰ 13:35

Ré ī-táriī naā anī, i loo ń noō tə́ n de gə̄ malang a gerə̄n̄ kadə̄ sḭḭ̄ i ngé ndóō yá̰a̰ yāḿ gə̄ ní.

1 SAMUEL 15:30

Saul tél əda ɓáý to̰ na: m̄-rāā majaĺ rɔ̄kum. Ba ń-toō ní m̄-rāāī ɓɔ́, ī-rɔȳm̄ ta kum kum kɔɔ̄ gə̄ yā deē yāḿ gə̄ tə́ ō, ta kum ngán Israel gə̄ tə́ ō. Ī-tél seḿ ādə̄ m-āw̄ m-ɔ́sə noḿ kə̄ nang tə́ no Kɔ́ɔ̄ɓē yāí tə́.

TA KƏLA 42:18

Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

TA KƏLA 20:11

Abəraham tél ədan na: Mā m̄-gír̄ m-ə́da na de kə́ laā gə̄ na ɓōlə́n̄ Ndíĺ Nə́ɓā alé, adə̄ na a tɔ̄l̄mə̄n̄ najə̄ yā nə̄yá̰ḿ tə́.

JAKARI 11:14

Gō tə́ anī, m̄-tétə̄ kāgə̄ yāḿ kə́ nge ko̰ jōó ń rīn na i ɓoo naā ní kɔ̄ɔ́. Yá̰á̰ ń ɓoo Juda naā tə́ kə Israel adə̄ to tītə̄ kə́ nin̄ i ngákó̰o̰ naā gə̄ beé ní, m̄-tētə̄ yá̰á̰ ní kɔ̄ɔ́ i tītə̄ ń noō.

1 PIYER 2:13

De gə̄ malang ń nin̄ i ngé ko̰o̰ ɓē gə̄ ní, ōōī tadə́ najə̄ yā Kɔ́ɔ̄ɓē tə́. Ōōī ta mban̄g tām̄ ni i nge ndi dɔ de gə̄ tə́ malang ō,