1 PIYER 2:15 - Bibəl ta Sar̄

¹⁵ Tɔdɔ̄ yá̰á̰ ń Nə́ɓā ndigə ní, i kadə̄ ī-rāāī yá̰á̰ kə́ majə kadə̄ ūtīneé ta de kə́ ger̄ yá̰a̰ aĺ gə̄ ō, kə́ mbóo gə̄ ō kɔ̄ɔ́.

Bible sar

¹⁵ Tɔdɔ̄ yá̰á̰ ń Nə́ɓā ndigə ní, i kadə̄ ī-rāāī yá̰á̰ kə́ majə kadə̄ ūtīneé ta de kə́ ger̄ yá̰a̰ aĺ gə̄ ō, kə́ mbóo gə̄ ō kɔ̄ɔ́.

1 PIYER 2:15 Referans Kwoze

1 PIYER 3:17

Tɔdɔ̄ ka̰a̰ tápə̄ loo rāā yá̰á̰ kə́ majə tə́, kə gō ń kem Nə́ɓā ndigəń ní, i só tə́ ngá̰ý tɔȳ ka̰a̰ tápə̄ loo rāā yá̰á̰ kə́ majaĺ tə́.

TITƏ 2:8

Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

MATIYE 7:26

Ba deē ń oō najə̄ ń m-ə́dásí toō, ba rāā yá̰a̰ gə̄ ń m-ə́dásí ní aĺ ní, a to i tītə̄ de kə́ mbóó kə́ rāā kújə yān dɔ nán̄g ngárə̄ḿnjēý tə́.

1 TESALONIK 5:18

Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə Kərist Jeju ní n noó.

1 TESALONIK 4:3

Yá̰á̰ ń Nə́ɓā ndigə ní, i kadə̄ háĺsí i háĺ kə́ unjə̄ njáý njáý ō, i kadə̄ ī-lōōī sāā naā loo kaya tə́ ō.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

2 PIYER 2:12

Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

Gōsə̄ najə̄ gə̄ 9:6

Ə́ya̰ī háĺ kə́ to mbóo kɔ̄ɔ́ anī ā ī-ndiī kə kumsí! Gō tə́ anī úniī róbə́ ń ger̄ kum yá̰a̰ i tū tə́ ní.

Makətūbə̄ yā Job 2:10

Job tél ədan na: Ɔ̄r̄ najə̄ tītə̄ mbóo dəyá̰ beē. Ré Nə́ɓā rāā adə̄ jə-ndiī majanī, jə-ndigiī. Ba ré ni-rāā adə̄ jə-ndiī dan yá̰á̰ kə́ to kum kaȳ aĺ tə́ anī, jə-ndigiī aĺ i tām̄ rí tə́? Tū yá̰a̰ gə̄ ń noō tə́ malang ní, najə̄ kə́ majaĺ kógə̄ḿ teē ta Job tə́ alé.

Makətūbə̄ ń Jud ndang ní 1:10

De gə̄ ngeé ń toō ní, yá̰á̰ ń nin̄-gerə̄n̄ aĺ ɓáa tájə̄n̄ yá̰á̰ ní, ba yá̰á̰ ń nin̄-gerə̄n̄ láẃ ngá̰ý tītə̄ dā̰ kə́ bembeé gə̄ beé kanjə̄ gír̄ yá̰á̰ dɔ tə́ ní, i yá̰á̰ kə́ a tḭ̄ḭ̄ i tadə́.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

PĀ GƏ̄ 107:42

De kə́ súmūú gə̄ a̰a̰n̄ yá̰a̰ gə̄ ń toō malang anī rāān̄ rɔ̄nel̄ ō, ngé rāā yá̰á̰ kə́ majaĺ gə̄ malang ndin̄ kə tadə́ kə́ mbóó ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

MATIYE 25:2

Ngámandə gə̄ ní kə́ mí gə̄ dandə́ tə́ i kə́ mbóo gə̄, ba kə́ mí gə̄ i kə́ kumdə́ edə̄.

PĀ GƏ̄ 5:5

Ḭ̄ i Nə́ɓā kə́ madə̄ majaĺ alé. Loo yā nge kem ndul gətóo looí.

Makətūbə̄ yā Job 5:16

Ngé gə̄ ń tɔ́gə́də́ gətóo al̄ naā ní, ni-rāā adə̄ nin̄ tél əndān̄ kemdə́ dɔ yá̰á̰ kógə̄ḿ tə́ ɓáý ō, ni utə̄ ta ngé rāā yá̰a̰ majaĺ gə̄ malang kɔ̄ɔ́ ō.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.