1 PIYER 2:13 - Bibəl ta Sar̄

¹³ De gə̄ malang ń nin̄ i ngé ko̰o̰ ɓē gə̄ ní, ōōī tadə́ najə̄ yā Kɔ́ɔ̄ɓē tə́. Ōōī ta mban̄g tām̄ ni i nge ndi dɔ de gə̄ tə́ malang ō,

Bible sar

¹³ De gə̄ malang ń nin̄ i ngé ko̰o̰ ɓē gə̄ ní, ōōī tadə́ najə̄ yā Kɔ́ɔ̄ɓē tə́. Ōōī ta mban̄g tām̄ ni i nge ndi dɔ de gə̄ tə́ malang ō,

1 PIYER 2:13 Referans Kwoze

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

Najə̄ kə́ Majə yā Jeju ń Luk ndang ní 20:25

Anī ni-ədadə́ na: Ī-tél ādī Sejar yá̰á̰ ń i yā Sejar ní ō, ādī Nə́ɓā yá̰á̰ ń i yā Nə́ɓā ní ō.

Gōsə̄ najə̄ gə̄ 24:21

Ngōnə̄ḿ, ī-ɓōĺ ndíĺ Kɔ́ɔ̄ɓē ō, ī-ɓōĺ ndíl mban̄g ō. Ī-lōō kəla rɔ̄í dan ngé sāā tūr̄ gíŕ yá̰á̰ kə́ jóo gə̄ kɔ̄ɔ́ tə́!

JEREMI 29:7

Ādī o̰o̰sí tɔdɔ̄ majə yā ɓē ń m-ə́wásí m-āw̄ sesí kemeé ní ō, ī-rāāī Kɔ́ɔ̄ɓē ɓɔ́ tām̄ yān tə́ ō, tɔdɔ̄ sḭḭ̄ ā ī-ndiī majə i kə ta kūl̄ majə yānneé.

MARK 12:17

Anī Jeju ədadə́ na kə tél adə̄n̄ Sejar yá̰á̰ ń i yā Sejar ní ō, kə tél adə̄n̄ Nə́ɓā yá̰á̰ ń i yā Nə́ɓā ní ō. Adə̄ ɔr kumdə́ seneé ngá̰ý.

MATIYE 22:21

Nin̄-tél ədanən̄ na deē ní na i Sejar ō, yá̰á̰ ń ndangən̄ tū tə́ ní na i rīn ō. Anī Jeju ədadə́ na: Beé ɓáa yá̰á̰ ń i yā Sejar ní, ī-tél ādī Sejar ō, yá̰á̰ ń i yā Nə́ɓā ní, ādī Nə́ɓā ō.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

EPEJƏ 5:21

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

Gōsə̄ najə̄ gə̄ 17:11

Yá̰á̰ ń de kə́ nge kem majaĺ a sāā ní i kəsō wōn̄g ngóy, banī a əya̰n̄ nge kəla kə́ kumən o̰o̰n aĺ dɔɔ́ kadə̄ aw̄ rāā yá̰á̰ kə́ majaĺ ngá̰ý seneé.

1 PIYER 2:17

Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.