1 PIYER 2:1 - Bibəl ta Sar̄

¹ Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

Bible sar

¹ Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

1 PIYER 2:1 Referans Kwoze

EPEJƏ 4:31

Ādī wur katə̄ ō, kum kil kóróró ō, wōn̄g ō, lur ō, tájə̄ ndū ō, kem ndul kə́ tayā tayā gə̄ ō, gətóon̄ dɔ dáńsí tə́.

JAKƏ 1:21

Tām̄ najə̄ ń toō tə́ ní ə́ya̰ī yá̰á̰ kə́ yḛr gə̄ malang ō, yá̰a̰ malang kə́ rāā kə kem nduluú ō kɔ̄ɔ́, ba najə̄ ń Nə́ɓā dubə̄ kemsí tə́ ní, ə́hɔī kə̄ rɔ̄sí tə́ majə kə sɔl̄ dɔɔ́, tɔdɔ̄ najə̄ ní asə kajəsí.

JAKƏ 4:11

Ngákó̰ó̰ḿ gə̄, ī-lōōī kəda najə̄ kə́ majaĺ dɔ naā tə́. Nge ń əda najə̄ kə́ majaĺ dɔ ngōkó̰o̰n tə́ anī, əda najə̄ kə́ majaĺ i dɔ ndū najə̄ tə́ ō, gān̄g i sarya dɔ tə́ ō. Ba ré ī-gān̄g sarya dɔ ndū najə̄ tə́ anī, ḭ̄ i nge ngɔ̄m̄ ndū najə̄ to̰ alé, banī ḭ̄ i nge gān̄g sarya.

1 PIYER 3:10

Tɔdɔ̄ makətūbə̄ yā Nə́ɓā əda na: Deē ń gḛy ndi ndi kə́ majə ō, ka̰a̰ ndɔ̄ kə́ tō rɔ̄nel̄ gə̄ ō ní, majə kadə̄ ni-əhɔ tan dɔ najə̄ kə́ majaĺ tə́ ō, dɔ najə̄ kə́ sor̄ gə̄ tə́ ō.

1 PIYER 4:4

Ba ngɔlaā ní ɔr kum de kə́ ndágá gə̄ sesí ngá̰ý, tām̄ sḭḭ̄ ī-rāāī háĺ kə́ majaĺ kə́ tītə̄ ń noō gə̄ sedə́ to̰ alé, adə̄ nin̄-tájə̄n̄sí.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

JAKƏ 5:9

Ngákó̰ó̰ḿ gə̄, ī-nōōī rɔ̄sí dɔ naā tə́ alé, ādə̄ Nə́ɓā gāngəń sarya dɔsí tə́ alé. Tɔdɔ̄ nge gān̄g sarya i ta róbə́ tə́ kɔ̄ɔ́.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

PĀ GƏ̄ 34:13

Deē ń gḛy ndi kə kumneé ō gḛy ndi kə rɔ̄nelēé ō ɓáa,

1 PIYER 2:22

Ni-rāā yá̰á̰ kógə̄ḿ kə́ majaĺ aĺ ō, deē oō najə̄ kə́ to gól̄ loo sḛ́ý tan tə́ aĺ ō.

TITƏ 2:3

Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə.

PĀ GƏ̄ 32:2

Rɔ̄nel̄ i kə deē ń Kɔ́ɔ̄ɓē əhɔ gír yá̰á̰ kə́ gōtə́ aĺ yān aĺ ō, deē ń gól̄ loo aĺ ō ní!

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

Najə̄ kə́ Majə yā Jeju ń Luk ndang ní 6:42

Ḭ̄ ń á̰a̰ kāgə̄ kə́ bo kə́ kumií īkɔ́ tə́ aĺ ní, loo kəda madí na kə ra ɓam kadə̄ ún buĺ mu kumən tə́ kɔ̄ɔ́ i ba̰ý? Ḭ̄ de kə́ ngé gól̄ loo, ún kāgə̄ kə́ kumií tə́ kɔ̄ɔ́ pá tá á̰a̰ loo unjə̄ anī, ún buĺ mu kə́ kum madí tə́ kɔ̄ɔ́ ɓáý!

MATIYE 23:28

Sḭḭ̄ ī-toī i beé ō, gidəsí kə́ ndágá i kə́ majə ta kum de gə̄ tə́, banī kemsí rosə kə gól̄ looó ō, kə yá̰á̰ kə́ majaĺ ō.

MATIYE 7:5

Ḭ̄ i de kə́ nge gól̄ loo, ɔ̄r̄ kāgə̄ kə́ bo kə́ kumií tə́ kɔ̄ɔ́ pá tá ā á̰a̰ loo majə kadə̄ ā unəń buĺ mu kə́ kum ngōkó̰ó̰í tə́ kɔ̄ɔ́ ɓáý.

PĀ GƏ̄ 37:1

Pā yā Dabid. Ādə̄ wōn̄g rāāī kə ngé kem ndul gēé alé, ə̄ndā ngé rāā yá̰a̰ majaĺ gə̄ nii alé.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

Gōsə̄ najə̄ gə̄ 24:1

Ī-lōō kəndā ngé rāā kem ndul gə̄ nii ō, ī-lōō kadə̄ kemií gḛy njə̄rā sedə́ ō,

Gōsə̄ najə̄ gə̄ 3:31

Ī-lōō kəndā nge rāā yá̰a̰ kə dɔ́nɔ́ nii ō, ī-lōō ndájə̄ háĺ yá̰a̰ rāān gə̄ ō.

JEJU TEĒ KUM JA̰A̰ 14:5

Najə̄ kə́ sor̄ gətóo tadə́ tə́ ō, najə̄ gətóo dɔdə́ tə́ ō.

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

JAKƏ 3:14

Ba ré ə̄ndāī naā nii adə̄ wursí atə̄sí kárárá kə naá ō, ā ī-rɔ̄ɔ̄ī naā dɔ yá̰á̰ tə́ ō anī, ī-lōōī hítə̄ rɔ̄sí ō, nujə najə̄ kə́ rɔ̄kum kə sor̄ yāsí ō.

1 TESALONIK 2:3

Najə̄ kə́ Majə ń j-ɔjə ní teē i tū gír̄ kə́ gō tə́ aĺ tə́ aĺ ō, kə́ yḛr tə́ aĺ ō, kə́ kə ngamaá tə́ aĺ ō,

1 KORḚNTƏ 5:8

I beé ní ādə̄ jə-rāāī nāā Pákə kə kaa mápá kə́ lōō kōkōó alé. Tɔdɔ̄ kaa kə́ lōō kōkə̄ ní i kem ndul ō, ndāńg ō. Banī ādə̄ jə-rāāī nāā Pákə kə mápá kə́ rāā kanjə̄ kənī kaa mápa kum tə́ ń i kem kə́ ndaa táĺ ō, i yá̰á̰ kə́ rɔ̄kum ō ní.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

Najə̄ kə́ Majə yā Jeju ń Luk ndang ní 11:44

Rɔ̄ ndoō i yāsí! Tām̄ sḭḭ̄ ī-toī i tītə̄ dɔ ɓádə gə̄ ń deē a̰ā̰ alé ba njə̄rā dɔ tə́ ní!

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

Gōsə̄ najə̄ gə̄ 24:19

Ī-lōō kəndā ngé kem ndul gə̄ nii.

Gōsə̄ najə̄ gə̄ 14:30

Kem kə́ sɔl̄ lɔm a rāā majə kə dā̰ rɔ̄ deē, banī rāā nii i kuŕ ngān̄g tām̄ yā deē tə́.

Makətūbə̄ yā Job 36:13

Banī ngé taā kem aĺ gə̄ ń do̰ō̰n̄ kemdə́ ngan̄g tām̄ wōn̄g rāādə́ ní, dan ń ni tṵ́ṵ̄də́ kə súĺ ní, nin̄ rāānən̄ ɓɔ́ alé.

Najə̄ kə́ Majə yā Jeju ń Luk ndang ní 12:1

Kum mbang ngeé ń noō tə́ ní dūbūú de kə́ ngá̰ý gə̄ kánə̄n̄ naā, adə̄ a njə̄rān̄ i dɔ nja naā tə́. Anī Jeju əla gír kɔr̄ najə̄ kə ngé ndóō yá̰a̰ yān gēé, ədadə́ na: Ī-ngɔ̄mī rɔ̄sí majə, ī-lōōī kadə̄ kaa mápa yā Parijiyḛ gə̄ ń i gól̄ loo yādə́ ní ɔdə rɔ̄sí.

MARK 12:15

Ba Jeju ger̄ kadə̄ nin̄ i ngé gól̄ kum de gə̄, adə̄ ədadə́ na ké a nāānən̄ i tām̄ rí tə́ wa, kə reēn̄ kə njáŕ sə́lē arjā̰a̰ kə́ kum madə̄ kutə jōó kógə̄ḿ kadə̄ n-a̰ā̰.

MATIYE 24:51

Kɔ́ɔ̄n a əndan kənda kə́ majaĺ ngá̰ý ō, a ənīn loo yā ngé gól̄ loo gə̄ tə́ kadə̄ a nōō ō a máyā̰ ngāngə̄n ō.

MATIYE 15:7

Sḭḭ̄ ngé lur loo gə̄, najə̄ ń toō ń Ijai əda dɔsí tə́ kə́ nge koō ta tə́ ní najə̄ i yān, ni-əda na:

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

PĀ GƏ̄ 73:3

Tɔdɔ̄ m-ə̄ndā ngé kənda gɔgərɔdə́ gə̄ nii, dan ń m-á̰a̰ kadə̄ yá̰a̰ malang ń ngé kem ndul gə̄ rāān̄ ní teēdə́ yá̰á̰ tə́ ní.