1 PIYER 1:7 - Bibəl ta Sar̄

⁷ I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

Bible sar

⁷ I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju *Kərist a teēń hɔy tə́ ní.

1 PIYER 1:7 Referans Kwoze

Makətūbə̄ yā Job 23:10

Tá ni ger̄ róbə́ ń m-úń ní majə. Ré ni nāām̄ anī, m-ā m̄-teē kum tə́ ō, m-ā m-ūnjə̄ njáý njáý tītə̄ lɔ́r beé ō.

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

IJAI 48:10

m̄-tə́gósí adə̄ ūnjī i kum hor tə́, i kum hor ń a tə́go gində̄ arjā̰a̰ adə̄ unjə̄ ní tə́ alé, banī i kum hor yá̰á̰ kə́ to kum kaȳ aĺ tə́.

1 PIYER 4:12

Kó tár gə̄, yá̰á̰ kə́ tōr̄ ń rāā rɔ̄n i hor kə́ təngā ngá̰ý kə́ to dansí tə́ yā nāāsí ní, ī-lōōī kadə̄ ɔr kumsí tītə̄ kə́ i yá̰á̰ kə́ jákə́ n a rāāsí beē.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

MALASI 3:3

Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ unjə̄ njáý njáý ō. Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē yá̰a̰ ndējə̄ gə̄ kə gō looneé.

1 KORḚNTƏ 3:13

a teēn̄ kə kəla rāā de gə̄ kógə̄ḿ kógə̄ḿ kadə̄ to kə̄ dɔ ndágá kadə̄ de gə̄ a̰a̰n̄. Ndɔ̄ sarya a rāā kadə̄ a gerə̄n̄ kəla ní, tɔdɔ̄ ndɔ̄ ní a ɔjə rɔ̄n kə̄ ndágá i kə horoó ō, hor a ɔjə kəla yā de gə̄ kógə̄ḿ kógə̄ḿ ō.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

JEREMI 9:7

Ndo̰də́ i kum gərā kə́ ta katə. Nin̄ ɔrə̄n̄ i najə̄ kə́ sor̄ gə̄. Ɔrə̄n̄ najə̄ kem sɔl̄ lɔm kə madə̄də́ gēé i kə tadə́ karī, ba əyān̄ gūmbə̄ ngarā̰ kemdə́ tə́ a ngóōn̄neédə́.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

JEJU TEĒ KUM JA̰A̰ 3:10

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

KƏLA RĀĀ 8:20

Anī Piyer tél ədan na: Nar yāí gə̄gē, īkɔ́ gə̄gē, ā údiī kɔ̄ɔ́ mbak. Tɔdɔ̄ yá̰á̰ ń Nə́ɓā a adə̄ deē i karī ní, ḭ̄ ī-gír̄ mang kə naraá.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

MATIYE 25:23

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰á̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́.

JEREMI 48:36

Kemḿ síkə̄ nōō najə̄ yā Moab tə́ ō, síkə̄ nōō najə̄ yā Kir Heres gə̄ tə́ ō, tītə̄ nal kə́ a ɓār̄ beé. Nin̄ oyn̄ najə̄ yá̰a̰ kənge yādə́ kə́ teēdə́ yá̰á̰ tə́ alé.

KOHELET 5:14

Ni a əya̰ dɔ nang ń toō ba a tél yā kaw̄ gogə́ i rɔ̄n karī tītə̄ ń teēń kem kó̰o̰n tə́ ní. Ni a ənge yá̰á̰ kógə̄ḿ tū kəla ń ni-rāā tə́ ní yā kəhɔ jīn tə́ kaw̄ń alé.

Gōsə̄ najə̄ gə̄ 16:16

Sāā kum kedə̄ kəngen i só tə́ tɔȳ lɔ́ŕ kə́ unjə̄ njáý njáý ō, sāā ger̄ kum yá̰a̰ kəngen i só tə́ tɔȳ gində̄ arjā̰a̰ ō.

Gōsə̄ najə̄ gə̄ 8:19

Kanə́ḿ majə tɔȳ lɔ́r, tɔȳ lɔ́ŕ kə́ unjə̄ njáý njáý. Man̄ yá̰á̰ kə́ kənge rɔ̄ḿ tə́ majə tɔȳ gində̄ arjā̰a̰ kə́ unjə̄ njáý njáý.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

Makətūbə̄ ń Pol ndang adə̄ Rom gə̄ ní 2:29

Banī i yá̰á̰ kə́ to loo mundə̄ tə́ n rāā adə̄ deē i Jipə ní ō, i kəja mɔtə kə́ dan wur tə́ n i kəja mɔtə ní ō. Kəja mɔtə ngeé ń toō ní i yā Ndíl banī i yā ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

PĀ GƏ̄ 17:3

Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.

Najə̄ kə́ Majə yā Jeju ń Luk ndang ní 17:30

Ndɔ̄ ń kadə̄ Ngōn̄ Deē a teēń hɔy tə́ ní a to i tītə̄ ń noō ō.

Makətūbə̄ ń Pol ndang adə̄ Rom gə̄ ní 2:10

Deē malang ń a rāā yá̰á̰ kə́ majə ní, ni a adə̄ a ənge kɔsə gɔn ō, kɔr ta ō, kem sɔl̄ lɔm ō. Jipə gə̄ a əngen̄ kété pá tá Gərek gə̄ a əngen̄ ɓáý,

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

TƏ́DA 5:28

Ba ré dəyá̰ ní əla rɔ̄sɔl̄ dɔ rɔ̄n tə́ alé, ré najə̄ gətóo dɔn tə́ anī, ndɔ̄ĺ a reē dɔn tə́ aĺ ō, ni a ojə ngán gə̄ ō.

Makətūbə̄ yā Job 28:1

Gerēn̄ bəlo ń a ndērə̄n̄ gində̄ arjā̰a̰ tū tə́ a ɔrə̄n̄ ní ō, gerə̄n̄ loo gə̄ ń a tə́gon̄ lɔ́r tū tə́ ní ō.