1 PIYER 1:3 - Bibəl ta Sar̄

³ Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

Bible sar

³ Jə-tɔ̄yī Bɔbə̄ Kɔ́ɔ̄ɓē yājí Jeju *Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

1 PIYER 1:3 Referans Kwoze

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

1 JA̰A̰ 5:4

Tɔdɔ̄ de gə̄ malang ń Nə́ɓā ojədə́ ní, tetən̄ de kə́ dɔ nang tə́ laā gə̄ rɔ̄ɔ̄ kɔ̄ɔ́. Ba yá̰á̰ ń jə-tetiīneé de kə́ dɔ nang tə́ laā gə̄ rɔ̄ɔ̄ ní, i taā kə́ jə-taāī kem.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

2 KORḚNTƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist, ni ń i Bɔbə̄jí kə́ kumən o̰o̰n ngá̰ý ō, i Nə́ɓā kə́ nge sɔl̄ kem deē dan yá̰a̰ gə̄ tə́ malang ō ní.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

EPEJƏ 3:20

Nə́ɓā asə rāā yá̰á̰ malang ń jə-dəjein̄ aláa jə-gírī ní. Ni-asə rāā kadə̄ tɔȳ dɔ. Ba a rāā yá̰a̰ gə̄ ní i kə ta kūl̄ tɔ́gə́ ń a rāā kəla kemjí tə́ ní.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

EPEJƏ 2:4

Banī kum Nə́ɓā o̰o̰n ngá̰ý sɔɔ̄ń táŕ ń ni-táŕjí ngá̰ý ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

1 KORḚNTƏ 15:20

Ba Kərist ń oy ní ndól̄ rɔ̄kum. Adə̄ ni i tītə̄ dɔ yá̰á̰ kə́ teē kété no madə̄ gə̄ tə́, kə́ ɔjə kadə̄ ngé gə̄ ń oyn̄ ní a ndólə̄n̄ rɔ̄kum tītə̄ ń ni-ndóləń ní ō.

1 KORḚNTƏ 13:13

Ngɔlaā ní yá̰a̰ gə̄ ń ton̄ gotoó ní gíŕdə́ i mətá: I taā kem ō, kəndā kem dɔ Nə́ɓā tə́ ō, tár ō. Ba dandə́ nin̄ kə́ mətá gə̄ tə́ ní, nge kə́ bo tɔȳdə́ malang i tár.

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

KOLOSƏ 1:27

Tɔdɔ̄ Nə́ɓā gḛy kɔjədə́ najə̄ yā yá̰á̰ kə́ to kɔsə gɔn kə́ to loo mundə̄ tə́ ń ni-rāā kə ta kūl̄ Kərist tām̄ yājí tə́ ní, kadə̄ gerə̄n̄. Dan de gə̄ ń nin̄ i Jipə aĺ gə̄ tə́ ní, yá̰á̰ kə́ to loo mundə̄ tə́ ngeé ń toō i Kərist. J-əndāī kemjí dɔ kɔsə gɔn yā Nə́ɓā tə́ i kə ta kūl̄neé.

Makətūbə̄ ń Pol ndang adə̄ Rom gə̄ ní 8:24

Tɔdɔ̄ ajən̄jí kɔ̄ɔ́ ɓá, banī kajə ní i kajə kə́ kadə̄ j-əndaī kemjí dɔ tə́ ɓáý. Tá yá̰á̰ ń deē əndā kemən dɔ tə́ ní ré a̰a̰ kɔ̄ɔ́ anī, ni a əndā kemən dɔ tə́ to̰ alé. I náā n i nge kəndā kemən dɔ yá̰á̰ kə́ ni-a̰a̰ kɔ̄ɔ́ ɓá tə́ ní?

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

JA̰A̰ 1:13

Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

1 JA̰A̰ 5:18

Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n Sətan ń i de kə́ majaĺ ní ɔdəń rɔ̄n aĺ ní.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

PĀ GƏ̄ 41:13

Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō, ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

1 MBAN̄G GƏ̄ 8:15

ba əda na: Ādə̄ jə-tɔ̄yī Kɔ́ɔ̄ɓē Nə́ɓā yā Israel ń ənī míndən adə̄ bɔbə́ḿ Dabid ō, rāā yá̰á̰ ń tan əda ní kə jīneé ō ní. Ni-əda bɔbə́ḿ Dabid na

1 JA̰A̰ 4:7

Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

1 TESALONIK 4:13

Ngákó̰ó̰jí gə̄, jə-gḛy kadə̄ ī-ndiī dāyāá najə̄ yā ngé gə̄ ń oyn̄ tə́ ní alé, na sōgə́ rɔ̄sí nel̄sí alé tītə̄ yā ngé gə̄ ń yá̰a̰ kə́ yā kadə̄ əndān̄ kemdə́ dɔ tə́ gətóó ní.

GALATƏ 6:16

De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 PIYER 3:5

Dəyá̰ gə̄ kə́ ɔrə̄n̄ kam̄də́ tām̄ yā Nə́ɓā tə́ kété jóó kə́ ngé kəndā kemdə́ dɔ Nə́ɓā tə́ gə̄ a rāān̄ mandə yādə́ i tītə̄ ń noō, tɔdɔ̄ oōn̄ ta ngaadə́ gə̄.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

2 YÁ̰A̰ GƏ̄ 31:8

Dan ń Ejekias nin̄ kə de kə́ bo gēé reē a̰a̰n̄ dɔ dūbə̄ yá̰á̰ kə́ kán̄ gə̄ ní anī, ndadə̄n̄ Kɔ́ɔ̄ɓē ō, Israel gə̄ ń i gír deē yān gə̄ ní ō.