1 PIYER 1:25 - Bibəl ta Sar̄

²⁵ Banī najə̄ yā Nə́ɓā to gotoó ngándáńg Tá najə̄ ní i Najə̄ kə́ Majə ń ɔjən̄sí ní.

Bible sar

²⁵ Banī najə̄ yā Nə́ɓā to gotoó ngándáńg Tá najə̄ ní i Najə̄ kə́ Majə ń ɔjən̄sí ní.

1 PIYER 1:25 Referans Kwoze

IJAI 40:8

Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

PĀ GƏ̄ 119:89

Kɔ́ɔ̄ɓē, najə̄ yāí to ngándáńg dɔ rā̰ tə́.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

2 PIYER 1:19

Adə̄ jḭḭ j-əhɔ gír najə̄ ń ngé koō ta gə̄ ədan̄ ní adə̄ ngan̄g ngá̰ý tɔȳ kə́ kété ɓáý. Ré ə̄ndāī kumsí gír najə̄ ní tə́ anī, ī-rāāī i yá̰á̰ kə́ majə. Tɔdɔ̄ ni-to i tītə̄ hor lámbá kə́ unjə̄ loo kə́ risə til tə́ beé bátə́ kadə̄ loo tīīń ō, tītə̄ dɔgə́ loo tīī kə́ teē ngarān̄g kemsí tə́ beé ō.

PĀ GƏ̄ 102:12

Ndɔ̄ḿ gə̄ mānə̄n̄ ngá̰ý tītə̄ ndíĺ kə́ loo sɔlí beē, m̄-tutə tītə̄ mu beé ō.

Najə̄ kə́ Majə yā Jeju ń Luk ndang ní 16:17

Kadə̄ dɔ rā̰ ō, dɔ nang ō mānə̄n̄ ní, nge ń noō i yá̰á̰ kə́ ngan̄g aĺ bátə́ tɔȳ kadə̄ kal ndə̄já makətūbə̄ ndū najə̄ yā Nə́ɓā kə́ kógə̄ḿ udə kɔ̄ɔ́.

EPEJƏ 2:17

Adə̄ Kərist reē i kənī mbēr̄ Najə̄ kə́ Majə yā kem sɔl̄ lɔm tə́, tām̄ yāsí sḭḭ̄ ń ī-ndiī sa̰y rɔ̄n tə́ ní ō, tām̄ yā ngé gə̄ ń nin̄-ndin̄ ngɔr rɔ̄ Nə́ɓā tə́ ní ō.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

JA̰A̰ 1:1

Ta kəla gíŕ yá̰a̰ gə̄ tə́ malang ní, Najə̄ to noó kɔ̄ɔ́. Najə̄ ndin̄ i naā tə́ kə Nə́ɓāá ō, Najə̄ i Nə́ɓā ō.

PĀ GƏ̄ 102:26

Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

TITƏ 1:3

Dan ń kum mbang yān asə anī, ni-teē kə najə̄neé kə̄ ndágá kə ta kūl najə̄ yān. Najə̄ ndi kə kumuú ní i tū kəla ń əndān̄ taḿ tə́ ní. Ba i Nə́ɓā nge kajəjí n ɔsə seḿ ta kənī mbērən ní.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

1 KORḚNTƏ 2:2

Tɔdɔ̄ m̄-sāā ger̄ yá̰á̰ kə́ rang dan ń m̄-ndiń sesí ní alé, ba i Jeju Kərist ngóy, nge ń əndanən̄ kə máyá̰ tū kāgə̄ kə́ dēsə́ tə́ ní.

IJAI 40:6

De kógə̄ḿ ədam̄ na kə m-ə̄nī mbēr̄! Anī m̄-dəjen m-ə́da na ké kə m-ə̄nī i mbēr̄ rí wa. Ni-tél ədam̄ na: I najə̄ ń toō: Deē ndul gə̄ ton̄ i tītə̄ mu beé, nin̄ ngangə̄n̄ tɔyn̄ hútə̄ yá̰a̰ kə́ bembeé gə̄ alé.

HEBƏRO 6:5

Nin̄-nāān̄ najə̄ kə́ nel̄ ngá̰ý yā Nə́ɓā ō, nin̄-gerə̄n̄ tɔ́gə yā dɔ nang kə́ kijə kə́ ndɔ̄ń tə́ ō.

JEJU TEĒ KUM JA̰A̰ 14:6

Anī m-á̰a̰ de kə́ dɔ rā̰ tə́ kə́ rang nēl̄ ɓōdə̄ rā̰ tə́ dɔɔ́ sa̰y. Ni-aw̄ kə Najə̄ kə́ Majə kə́ to ngándáńg yā kəda de gə̄ ń ndin̄ dɔ nang tə́ ní. Adə̄ i nápar de gə̄ malang ō, gír ɓē gə̄ malang ō, gír ta gə̄ malang ō, gír de gə̄ malang ō.