1 PIYER 1:24 - Bibəl ta Sar̄

²⁴ Tītə̄ ń makətūbə̄ yā Nə́ɓā ədań ní: Deē ndul to i tītə̄ mu beé ō, Kɔsə gɔn yān malang to i tītə̄ hútə̄ mu kə́ bembeé beé ō. Mu tutə anī hútə̄n ur̄ kɔ̄ɔ́.

Bible sar

²⁴ Tītə̄ ń makətūbə̄ yā Nə́ɓā ədań ní: Deē ndul to i tītə̄ mu beé ō, Kɔsə gɔn yān malang to i tītə̄ hútə̄ mu kə́ bembeé beé ō. Mu tutə anī hútə̄n ur̄ kɔ̄ɔ́.

1 PIYER 1:24 Referans Kwoze

PĀ GƏ̄ 103:15

Ndɔ̄ deē ndul i tītə̄ ndɔ̄ mu beé! Ni hútə̄ tītə̄ mu kə́ bembeé beē.

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

PĀ GƏ̄ 37:2

Tɔdɔ̄ nin̄ a ndəlēn̄ láẃ tītə̄ mu beé ō, a tutən̄ tītə̄ mbī kámbə beé ō.

2 MBAN̄G 19:26

Tɔ́gə de kə́ kemeé gə̄ gətóo kɔ̄ɔ́. Nin̄-urə̄n̄ wak ō, rɔ̄də́ sɔl̄də́ ō. Ton̄ tītə̄ mbī kōō kə́ kem ndɔrɔ́ beē, tītə̄ mu kə́ mbōl̄ gə̄ beé. Tītə̄ kámbə́ kə́ kəɓa dɔ kújə tə́ gə̄ ń tɔgən̄ aĺ ɓáý anī gān̄g tutən̄ kɔ̄ɔ́ ní beē.

1 JA̰A̰ 2:17

Ba dɔ nang ń toō ō, ngur yá̰á̰ kə́ tū tə́ gə̄ ō, a mānə̄n̄ kɔ̄ɔ́. Banī deē ń rāā yá̰á̰ ń Nə́ɓā ndigə ní, a ndi ngándáńg.

PĀ GƏ̄ 129:6

Ādə̄ ton̄ tītə̄ mu ń əɓa dɔ kújə́ tə́ á tutə kɔ̄ɔ́ kanjə̄ kadə̄ tɔgə ní.

PĀ GƏ̄ 92:7

De kə́ mbóo asə ger̄ yá̰á̰ kógə̄ḿ tū tə́ alé. De kə́ kumən gān̄g aĺ asə ger̄ yá̰á̰ kógə̄ḿ tū tə́ alé.

PĀ GƏ̄ 102:4

Tɔdɔ̄ ndɔ̄ḿ gə̄ mānə̄n̄ tītə̄ sa hor beé, kə̄ngāḿ gə̄ o̰o̰n̄ hor tītə̄ ta kīr̄ hor beé.

PĀ GƏ̄ 90:5

Ḭ̄ ī-gān̄g gír ɓāl̄ deē ndul anī a gətóo kɔ̄ɔ́ kə́ ndɔ̄í tītə̄ loo gān̄g gír ɓīī ō, tītə̄ mu kə́ əɓa ō,

Makətūbə̄ yā Job 14:2

Ni to tītə̄ hútə̄ yá̰á̰ kə́ ndɔ̄w̄ ba gōtə́ anī, ndəlē kɔ̄ɔ́ beē ō, a̰ȳ tītə̄ ndíl kāgə̄ beé ō, ndi dan i ngá̰ý aĺ ō.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

MATIYE 6:30

Sḭḭ̄ ngé taā kem kə́ mámák aĺ gə̄ ń toō, ré Nə́ɓā əla kūbə̄ kə́ majə tītə̄ ń noō rɔ̄ mu ń ra bembeé ɓōólaā ba bírí anī ənīnən̄ kum hor tə́ kɔ̄ɔ́ ní anī, sḭḭ̄ tá Nə́ɓā a adə̄sí kadə̄ tɔȳ loo ń noō aĺ a?