1 PIYER 1:2 - Bibəl ta Sar̄

² Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

Bible sar

² Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

1 PIYER 1:2 Referans Kwoze

2 TESALONIK 2:13

Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

Makətūbə̄ ń Pol ndang adə̄ Rom gə̄ ní 11:2

Nə́ɓā əya̰ gír deē yān gə̄ ń nəkɔ́ gə̄rādə́ kété ní kɔ̄ɔ́ alé. Nōō ń Eli nōō rɔ̄n rɔ̄ Nə́ɓā tə́ á makətūbə̄ əda ní, sḭḭ̄ ōōī aĺ a? Eli nōō rɔ̄n əda na:

2 PIYER 1:2

Ādə̄ Nə́ɓā rajəsí ō, adə̄sí kem sɔl̄ lɔm ngá̰ý kə ta kūl̄ ger̄ ń sḭḭ̄ ī-ger̄niī ō, ī-gerī Jeju Kərist Kɔ́ɔ̄ɓē yājí ní ō.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

MARK 13:27

Loo ń noō tə́ tā a, a əla de kə́ dɔ rā̰ tə́ gə̄ kíl dɔ nang kə́ sɔ́ gə̄ tə́ yā kán̄ ngé gə̄ ń Nə́ɓā gə̄rādə́ ní. A əlan̄ gír i ta ngóy dɔ nang kə́ dām̄ kə́rēý tə́ bátə́ ugə̄ń ta ngóyn kə́ dām̄ kə́ rang tə́.

MARK 13:20

Ba ré Kɔ́ɔ̄ɓē gān̄g ta ndɔ̄ gə̄ ní aĺ anī, de kə́ yā kajə a gətóo. Banī i tām̄ yā ngé gə̄ ń ni-gə̄rādə́ tə́ ní n ni a gāngəń ta ndɔ̄ gə̄ ń noō ní.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

Makətūbə̄ ń Pol ndang adə̄ Rom gə̄ ní 16:19

Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 8:33

I náā n a sə̄lā gíŕ ngé gə̄ ń Nə́ɓā nəkɔ́ gə̄rādə́ ní? I Nə́ɓā n i nge rāā kadə̄ nin̄-télən̄ de kə́ súmūú gə̄ ní.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MATIYE 24:22

Ré gāngə̄n̄ ta ndɔ̄ gə̄ ní kɔ̄ɔ́ aĺ anī, de kə́ yā kajə a gətóo. Banī a gāngə̄n̄ ta kɔ̄ɔ́ sɔɔ̄ń ngé gə̄ ń Nə́ɓā gə̄rādə́ ní.

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

HEBƏRO 11:28

I kə ta kūl̄ taā kem n ni-rāā nāā Pákə ō, adə̄ ndūn kadə̄ sə̄kān̄ mósə batə̄ tū ta róbə́ kújə gə̄ tə́ ō, yā kadə̄ nge nujə de gə̄ ɔdəń rɔ̄ ngáń hágə Israel gə̄ aĺ ní.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

DANIEL 4:1

Kété ní mā Nabukodonosor m̄-ndi i loo yāḿ jəke kem kújə yāḿ tə́ ō, rɔ̄ḿ nelə̄m̄ ngá̰ý kem kújə mban̄g yāḿ tə́ ō.

IJAI 65:22

Nin̄ a rāān̄ kújə yā kadə̄ de kə́ rang gə̄ ndin̄ kemeé kum gotədə́ to̰ alé, a ndɔrə̄n̄ kāgə̄ nduú gə̄ yā kadə̄ de kə́ rang gə̄ əsan̄ kanə̄n to̰ alé. Tām̄ de gə̄ kə́ dan gír deē yāḿ gə̄ tə́ a ndin̄ kə kumdə́ bátə́ yā tɔgə ɓə́ga tītə̄ kāgə̄ kə́ tɔgə ɓə́ga beé. Ngé gə̄ ń m̄-gə̄rādə́ ní, a asən̄ kəsa kan̄ kəla ń nin̄ kɔ́ gə̄ rāān̄ ní.

Makətūbə̄ ń Jud ndang ní 1:2

Ādə̄ mā̰ȳn̄ rɔ̄də́ dɔsí tə́ ngá̰ý ō, sɔlə̄n̄ kemsí ngá̰ý ō, tárən̄sí ngá̰ý ō.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

Makətūbə̄ ń Pol ndang adə̄ Rom gə̄ ní 11:28

Tām̄ Najə̄ kə́ Majə yā Nə́ɓā ń Jipə gə̄ mbātə́n̄ ní, nin̄ i madə̄ ba̰ā̰ Nə́ɓā gə̄. I nge ń noō n majə sesí ní. Ba tām̄ gə̄rā ń Nə́ɓā gə̄rādə́ tə́ ní, nin̄ i kó tár yān gə̄. Ba nge ń noō sɔɔ̄ń i kaasí gə̄.

KƏLA RĀĀ 20:32

Ba ń toō ɓáa m-ə́yá̰sí kem jī Nə́ɓā tə́ ō, kadə̄ najə̄ yān rāā majə sesí ō. Ni asə kadə̄sí tɔ́gə ō, kadə̄sí yá̰á̰ kə́ majə gə̄ ń ni-ngɔ̄m̄ tām̄ yā deē yān gə̄ tə́ malang ní ō.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

MARK 13:22

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

MATIYE 24:31

Loo ń kōō bərúnjə́ kə́ bo a ɓār̄ anī, ni a əla deē yān kə́ dɔ rā̰ tə́ gə̄ kadə̄ aw̄ ɔyn̄ ngé gə̄ ń ni-gə̄rādə́ ní kíl dɔ nang kə́ sɔ́ gə̄ tə́. A əlan̄ gír i ta ngóy dɔ nang kə́ dām̄ kə́rēý tə́, bátə́ ugə̄n̄ ta ngóyn kə́ dām̄ kə́ rang tə́.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

2 JA̰A̰ 1:13

Ngōkó̰ó̰í kə́ dəyá̰ ń Nə́ɓā gə̄rān ní, ngánən gə̄ rāānī lápə́ya.

2 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ Dəyá̰ ń Nə́ɓā gə̄rān ní, nin̄ kə ngánən gēé. Mā m̄-táŕdə́ rɔ̄kum. I mā ngóy n m̄-táŕdə́ alé, banī de gə̄ malang ń gerə̄n̄ najə̄ kə́ rɔ̄kum ní tárən̄də́ ō.

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.

IJAI 65:9

Banī gír de gə̄ yā Jakob ní, m-ā m-ādə̄də́ ngán gə̄, gír ɓē yā Juda ní, m-ā m-ādə̄də́ ngán kaadə́ gə̄. Nin̄ a əngen̄ mbal̄ bo yāḿ gə̄ yá̰a̰ ndəbā tə́. Ngé gə̄ ń m̄-gə̄rādə́ ní a əngen̄ mbal̄ bo yāḿ gə̄ ní, ngé gə̄ ń rāān̄ kəla adə̄mə̄n̄ ní a ndin̄ tū tə́.

LEBI GƏ̄ 1:5

Ni a əja kɔ́ɔ dā̰ ní ta kum Kɔ́ɔ̄ɓē tə́. Ngé tun̄ yá̰a̰ gə̄ ń ngán Aaro̰ gə̄ ní a ndējə̄n̄ Kɔ́ɔ̄ɓē mósə dā̰ ní pá tá a sə̄kān̄ kadə̄ gīr̄ gidə loo tun̄ yá̰á̰ ń ra ta kújə kənge naā tə́ ní.

1 PIYER 1:14

Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

1 PIYER 1:20

Nə́ɓā gə̄rā Kərist i kété ta kəla gír kəndā dɔ rā̰ ō, dɔ nang ō tə́. Ba ɔjən̄ Kərist kə̄ ndágá ta ngóy ndɔ̄ gə̄ tə́ i tām̄ yāsí tə́.