1 PIYER 1:10 - Bibəl ta Sar̄

¹⁰ Ngé koō ta gə̄ sāān̄ gír najə̄ kə́ dɔ kajə ngeé ń toō tə́ ō, əndān̄ ma̰y ō. Adə̄ yá̰á̰ ń Nə́ɓā a rāā yā kadə̄sí karī ní, ni-əndā najə̄n tadə́ tə́ adə̄ ədan̄ kété.

Bible sar

¹⁰ Ngé koō ta gə̄ sāān̄ gír najə̄ kə́ dɔ kajə ngeé ń toō tə́ ō, əndān̄ ma̰y ō. Adə̄ yá̰á̰ ń Nə́ɓā a rāā yā kadə̄sí karī ní, ni-əndā najə̄n tadə́ tə́ adə̄ ədan̄ kété.

1 PIYER 1:10 Referans Kwoze

MATIYE 13:17

Ādə̄ m-ə́dásí najə̄ kə́ bo ngá̰ý, ngé koō ta gə̄ ngá̰ý ō, de kə́ súmūú gə̄ ngá̰ý ō, ndə̄ngān̄ ka̰a̰ yá̰á̰ ń á̰a̰ī toó ba a̰a̰n̄ aĺ ō, ndə̄ngān̄ koō yá̰á̰ ń ōōī toó ba oōn̄ aĺ ō.

Najə̄ kə́ Majə yā Jeju ń Luk ndang ní 10:24

Tɔdɔ̄ ādə̄ m-ə́dásí, ngé koō ta gə̄ ngá̰ý ō, mban̄g gə̄ ngá̰ý ō, sāān̄ ka̰a̰ yá̰á̰ ń sḭḭ̄ á̰a̰ī toó banī a̰a̰n̄ aĺ ō, sāān̄ koō yá̰á̰ ń sḭḭ̄ ōōī toó banī oōn̄ aĺ ō.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

KƏLA RĀĀ 10:43

Ngé koō ta gə̄ malang ɔrə̄n̄ najə̄ yān ədan̄ na náā nəkɔ́ ń taā kemən ní mā̰ȳn̄ rɔ̄də́ dɔ majaĺ yān gə̄ tə́ kə ta kūl̄ rīneé.

JAKARI 6:12

Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.

JA̰A̰ 7:52

Nin̄-tél ədanən̄ na: Ī-ndəle gír najə̄ kə́ kem makətūbə̄ yā Nə́ɓā tə́, anī ā á̰a̰ā̰ kadə̄ nge koō ta kógə̄ḿ kə́ teē i Galile tə́ gətóo.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

Gōsə̄ najə̄ gə̄ 2:4

ré ī-sāān i tītə̄ loo sāā nar beé ō, ré ɔ̄rən i tītə̄ loo kɔr̄ yá̰á̰ kə́ gātə̄n i ngá̰ý beē gíŕ nángāá ō,

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

Makətūbə̄ yā Aje 2:7

Ni a sól̄yō gotə nápar de gə̄. Yá̰a̰ kənge yādə́ gə̄ kə́ ngá̰ý a reē loo ń toō tə́ laā. Ni a rāā kújə yān ń toō kadə̄ a majə ngá̰ý. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

HEBƏRO 11:40

Tɔdɔ̄ Nə́ɓā a̰a̰ kété kadə̄ a rāā yá̰á̰ kə́ majə ngá̰ý tɔȳ tām̄ yājí tə́, adə̄ ni-gḛy kadə̄ ngé gə̄ ń noō télən̄ majə ɔtə̄ ta ta kumən tə́ kanjə̄jí jḭḭ̄ alé.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.