1 PIYER 1:1 - Bibəl ta Sar̄

¹ I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

Bible sar

¹ I mā Piyer kə́ ngōmbang kəla yā Jeju *Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

1 PIYER 1:1 Referans Kwoze

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

EPEJƏ 2:19

Adə̄ sḭḭ̄ i tə̄rā gə̄ to̰ aĺ ō, mbā gə̄ to̰ aĺ ō, banī sḭḭ̄ i de kə́ kem ɓē kə́ kógə̄ḿ beē tə́ gə̄ naā tə́ kə ngé yā Nə́ɓā gēé. Sḭḭ̄ i gír kojə yā Nə́ɓā ō, kújə yān ō.

PĀ GƏ̄ 44:11

Ḭ̄ ī-rāā ādə̄ jə-tél kə gidəjí ta kum ngé rɔ̄ɔ̄jí gə̄ tə́. adə̄ madə̄ ba̰ā̰jí gə̄ ɔyn̄ yá̰a̰ kənge yājí gə̄ aw̄n̄neé.

KƏLA RĀĀ 8:4

Ngé gə̄ ń tə̄ndā tḭ̄ḭ̄n̄də́ kə̄ loo gə̄ tə́ ní, unən̄ gō ɓē gə̄ ba ɔjən̄ de gə̄ Najə̄ kə́ Majə.

JA̰A̰ 11:52

I tām̄ yā Jipə gə̄ tə́ ngóy alé, i tām̄ yā kánə̄ń nja ngáń Nə́ɓā gə̄ ń tḭ̄ḭ̄n̄ naā kə̄ loo gə̄ tə́ ní, kadə̄ télən̄ de kə́ kógə̄ḿ beē.

MATIYE 24:22

Ré gāngə̄n̄ ta ndɔ̄ gə̄ ní kɔ̄ɔ́ aĺ anī, de kə́ yā kajə a gətóo. Banī a gāngə̄n̄ ta kɔ̄ɔ́ sɔɔ̄ń ngé gə̄ ń Nə́ɓā gə̄rādə́ ní.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

ESTER 3:8

Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.

2 KORḚNTƏ 1:8

Tɔdɔ̄ ngákó̰ó̰jí gə̄, jə-gḛy kadə̄ ī-gerī gō yá̰á̰ kə́ tōr̄ gə̄ ń rāān̄jí dɔ nang kə́ Aji tə́ ní: Yá̰á̰ kə́ tōr̄ gə̄ ní ɔȳn̄jí ngá̰ý, kɔȳdə́ tɔȳ tɔ́gə́jí, adə̄ j-əndā kemjí dɔ ndi tə́ kə kumjí to̰ alé.

KƏLA RĀĀ 18:2

Ni-ənge Jipə kógə̄ḿ kə́ ojənən̄ dɔ nang kə́ Po̰o̰ tə́ kem ɓē ní tə́, rīn na i Akilas. Jipə ní ḭḭ dɔ nang kə́ Itali tə́ reē ugə̄ i ngɔr ɓáý nin̄ kə nə̄yá̰n Pərisil, tɔdɔ̄ Kəlodə nge ko̰o̰ ɓē adə̄ ndūn kadə̄ Jipə gə̄ malang teēn̄ kɔ̄ɔ́ kem ɓē kə́ Rom tə́. Pol aw̄ əngedə́, adə̄ ndi sedə́ ō, rāā kəla sedə́ ō,

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

2 TIMOTE 1:15

Ī-ger̄ majə kadə̄ de kə́ Aji tə́ gə̄ malang əya̰mə̄n̄ kɔ̄ɔ́. Pijel nin̄ kə Hermojen i sedə́ ō.

GALATƏ 1:2

i mā ō, ngákó̰ó̰jí gə̄ malang ń i seḿ ní ō n, j-əla kə makətūbə̄ ń toō ní. J-əlań j-ādə̄ i de gə̄ kə́ kem Egəlijə gə̄ kə́ gō nang kə́ Galasi tə́.

1 KORḚNTƏ 16:19

De gə̄ kə́ kem Egəlijə gə̄ kə́ dɔ nang kə́ Aji tə́ rāān̄sí lápə́ya. Akilas ō, Pərisil ō, naā tə́ kə de gə̄ kə́ kem Egəlijə tə́ ń a kánə̄n̄ naā kem kújə yādə́ nin̄ tə́ ní, rāān̄sí lápə́ya kə gō ɓoojí naā kə Kɔ́ɔ̄ɓēé.

KƏLA RĀĀ 19:10

Ni-rāā beé ɓāl̄ jōó, adə̄ de gə̄ malang kə́ gō nang kə́ Aji tə́, Jipə gə̄ gə̄gē, Gərek gə̄ gə̄gē oōn̄ najə̄ yā Kɔ́ɔ̄ɓē.

KƏLA RĀĀ 18:23

Ni-ndi noó sḛ́ý, ba gō tə́ anī tél dɔ tə́ aw̄ gogə́. Ni-njə̄rā kə gō ɓē gə̄ kə́ dɔ nang kə́ Galasi tə́ ō, kə́ Pəriji tə́ ō. Ni mbūsə̄ ngé ndóō yá̰a̰ gə̄ malang kə najá adə̄ ran̄ ngan̄g dɔ taā kem yādə́ tə́.

KƏLA RĀĀ 6:9

Anī de kə́rēý gə̄ ḭḭn̄ seneé kə najá. De gə̄ ní i de gə̄ ń a ɓārə́n̄ kújə́ kán̄ naā yādə́ na i kújə́ kán̄ naā yā ɓəlo gə̄ kə́ gāngə̄n̄ dɔdə́ kɔ̄ɔ́ gə̄ ní ō, i de kə́ Siren tə́ gə̄ ō, kə́ Aleksandəri tə́ gə̄ ō, kə́ Silisi tə́ gə̄ ō, kə́ gō nang kə́ Aji tə́ gə̄ ō. Nin̄-nējə̄n̄ naā najə̄ kə Etiyen.

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?

MATIYE 10:2

Rī ngámbang kəla yān kə́ kutə gidə i jōó gə̄ ní n toó: Nge kə́ kété bang i Simo̰ ń a ɓāŕnən̄ na i Piyer ní nin̄ kə ngōkó̰o̰n Andəre ō, tá Jakə kə́ ngōn̄ Jebede nin̄ kə ngōkó̰o̰n Ja̰a̰ ō,

MATIYE 4:18

Jeju a njə̄rā kə gō kadə bā bo kə́ Galile anī, a̰a̰ ngákó̰o̰ naā gə̄ jōó, Simo̰ ń a ɓāŕnən̄ na i Piyer ní ō, ngōkó̰o̰n Andəre ō. Ra a ənīn̄ i réng kum bā bo tə́, tɔdɔ̄ nin̄ i ngé ndo̰ kānjə̄ gə̄.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?