1 KORḚNTƏ 8:5 - Bibəl ta Sar̄

⁵ Ká ré de gə̄ ədan̄ na nə́ɓā gə̄ na ndin̄ dɔ rā̰ tə́ noō, aláa na ndin̄ dɔ nang tə́ laā gə̄gē anī, nə́ɓā gə̄ i ngá̰ý rɔ̄kum ō, kɔ́ɔ̄ ɓē gə̄ i ngá̰ý rɔ̄kum ō.

Bible sar

⁵ Ká ré de gə̄ ədan̄ na nə́ɓā gə̄ na ndin̄ dɔ rā̰ tə́ noō, aláa na ndin̄ dɔ nang tə́ laā gə̄gē anī, nə́ɓā gə̄ i ngá̰ý rɔ̄kum ō, kɔ́ɔ̄ ɓē gə̄ i ngá̰ý rɔ̄kum ō.

1 KORḚNTƏ 8:5 Referans Kwoze

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

GALATƏ 4:8

Jóo dan ń ī-gerī Nə́ɓā aĺ ɓáý ní, ī-rāāī kəla ɓəlo yā ngé gə̄ ń i nə́ɓā kə́ rɔ̄kum aĺ gə̄ ní.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

DANIEL 5:4

Nin̄ a̰ȳn̄ kasə nduú ō, tɔ̄ȳn̄ nə́ɓā gə̄ kə́ rāān̄də́ kə lɔ́r ō, kə gində̄ arjā̰a̰ ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō.

MATIYE 27:17

Loo ń de gə̄ kánə̄n̄ naā anī, Pilatə dəjedə́ na ké i náā n kə n-əya̰n dɔɔ́ kə n-adə̄də́ ní wa, i Jeju ń a ɓāŕnən̄ na i Barabas ní aké i Jeju ń a ɓāŕnən̄ na i Kərist ní wa?