1 KORḚNTƏ 8:4 - Bibəl ta Sar̄

⁴ Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

Bible sar

⁴ Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

1 KORḚNTƏ 8:4 Referans Kwoze

NDŪ NAJƏ̄ 4:39

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.

IJAI 41:24

Banī sḭḭ̄ i yá̰á̰ kógə̄ḿ alé, yá̰á̰ ń sḭḭ̄ ī-rāāī ní i yá̰á̰ kə́ kumən gətóo. Deē ń ni gə̄rāsí kadə̄ sḭḭ̄ i nə́ɓā gə̄ ní, nel̄jí seneé aĺ ngá̰ý tītə̄ ń nelə̄ńjí sesí aĺ ngá̰ý ní beē.

1 TIMOTE 2:5

Tɔdɔ̄ Nə́ɓā i kal kógə̄ḿ beē ō, nge ra mbənā Nə́ɓā tə́ kə de gēé i kal kógə̄ḿ beē ō. Deē ní i Kərist Jeju.

EPEJƏ 4:6

Nə́ɓā i kógə̄ḿ beē, ni i Bɔbə̄ de gə̄ malang. Ni-o̰o̰ ɓē dɔ de gə̄ tə́ malang ō, rāā kəla kə ta kūl̄də́ malang ō, ndi kemdə́ tə́ malang ō.

NDŪ NAJƏ̄ 6:4

Israel gə̄, ōōī majə: I Kɔ́ɔ̄ɓē kal kógə̄ḿ beē ngóy n i Nə́ɓā yājí ní.

MARK 12:29

Jeju tél ədan na, kə́ kété bang n toó: Israel gə̄ ōōī, i Kɔ́ɔ̄ɓē Nə́ɓā yājí n i Kɔ́ɔ̄ɓē kógə̄ḿ beē,

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

1 KORḚNTƏ 8:10

Tɔdɔ̄ ré de kə́ tɔ́gən gətóo a̰a̰ī ḭ̄ de kə́ ger̄ yá̰a̰ loo kəsa yá̰á̰ tə́ kem kújə ɓesə̄ tə́ anī, ni a ənge tɔ́gə kə ta kūlīí yā kəsań dā̰ kə́ tun̄ kadə̄ ɓesə̄ gə̄ aĺ a?

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

KƏLA RĀĀ 19:26

Ba yá̰á̰ ń Pol ngeé ń noō rāā ní, sḭḭ̄ á̰a̰ī ō ōōī ō. Ni-əda na nə́ɓā gə̄ ń de gə̄ rāān̄ kə jīdə́ ní na i nə́ɓā gə̄ alé. Ni-ɔsə ngóy de gə̄, adə̄ de gə̄ ngá̰ý ndigən̄ najə̄ gōn tə́. I kem ɓē yājí kə́ Epejə tə́ laā ngóy alé, na̰y sḛ́ý beē kadə̄ i gō nang kə́ Aji tə́ malang.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

IJAI 45:5

Kɔ́ɔ̄ɓē i mā ō, Kɔ́ɔ̄ɓē kə́ rang gətóo ō. Nə́ɓā kə́ rang gətóo, i mā ngóy n i Nə́ɓā ní. Ḭ̄ ī-gerə̄m̄ alé, banī m-ādī tɔ́gə kadə̄ ī-rāań yá̰a̰.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

IJAI 37:16

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ḭ̄ ń ī-ndi dɔɔ́ dɔ Serubḛ gə̄ tə́ ní, i īkɔ́ kógə̄ḿ beē ngóy n i Nə́ɓā yā ɓē ko̰o̰ gə̄ malang kə́ dɔ nang tə́. I ḭ̄ n ī-rāā dɔ rā̰ ō dɔ nang ō ní.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

NDŪ NAJƏ̄ 4:35

Ɔjən̄sí yá̰a̰ gə̄ ń noō adə̄ á̰a̰ī kə kumsí i yā kadə̄ ī-gerīneé kadə̄ i Kɔ́ɔ̄ɓē ngóy n i Nə́ɓā ní. Nə́ɓā kə́ rang gətóo.

NDŪ NAJƏ̄ 3:24

Kɔ́ɔ̄ɓē Nə́ɓā, ə́lá gír kɔjəm̄ mā nge kəla yāí kadə̄ ḭ̄ i de kə́ bo ō, tɔ́gə jīí to ō, kɔ̄ɔ́ ɓá. Nə́ɓā kógə̄ḿ kə́ dɔ rā̰ tə́ aké dɔ nang tə́, kə́ rāā yá̰a̰ tītə̄ yāí ō, kə́ tɔ́gən asə seí ō, ndi noó a?

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

KƏLA RĀĀ 15:20

Banī majə kadə̄ j-əlaī kə makətūbūú j-adīdə́ j-ɔgīneédə́ kəsa dā̰ kə́ yḛr gə̄ ń i dā̰ gə̄ kə́ tɔ̄lə̄n̄ ba tun̄ adə̄n̄ ɓesə̄ gə̄ ní ō, j-ɔgīneédə́ rāā kaya ō, kəsa dā̰ kə́ tūŕ míndə ō, kəsa mósə dā̰ ō.

1 KORḚNTƏ 8:11

Adə̄ nge tɔ́gə gətóó ń i ngōkó̰ó̰í kə́ Kərist oy tām̄ yān tə́ ní, a udə kɔ̄ɔ́ sɔɔ̄ń ger̄ yá̰a̰ yāí.

GALATƏ 4:8

Jóo dan ń ī-gerī Nə́ɓā aĺ ɓáý ní, ī-rāāī kəla ɓəlo yā ngé gə̄ ń i nə́ɓā kə́ rɔ̄kum aĺ gə̄ ní.