1 KORḚNTƏ 8:1 - Bibəl ta Sar̄

¹ Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

Bible sar

¹ Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

1 KORḚNTƏ 8:1 Referans Kwoze

1 KORḚNTƏ 8:7

Banī i de gə̄ malang n gerə̄n najə̄ kə́ rɔ̄kum ń toō ní alé. Ngé kə́rēý gə̄ ní ɓesə̄ ɔr̄ kemdə́ tə́ alé. Adə̄ ɓōólaā gə̄gē ní nin̄-əsan̄ dā̰ gə̄ ń de gə̄ tun̄ adə̄n̄ ɓesə̄ gə̄ ní i tītə̄ kə́ i nin̄ n tun̄ adə̄n̄ ɓesə̄ gə̄ ní beē. Yá̰á̰ ń kemdə́ ɔjədə́ ní kumən unjə̄ alé, adə̄ kemdə́ ní téĺ yá̰á̰ kə́ majaĺ tákə̄.

Makətūbə̄ ń Pol ndang adə̄ Rom gə̄ ní 14:3

Ní, ādə̄ nge ń əsa ní lōō kidə tan gír nge ń əsa aĺ tə́ ní ō, ādə̄ nge ń əsa aĺ ní lōō gān̄g sarya dɔ nge ń əsa tə́ ní ō, tɔdɔ̄ Nə́ɓā əhɔn kə̄ rɔ̄n tə́ kɔ̄ɔ́.

IJAI 5:21

I yá̰á̰ kə́ to kum kaȳ aĺ kə́ ba̰ý beē, tām̄ yā de gə̄ ń noō ń a̰a̰n̄ rɔ̄də́ kadə̄ nin̄ i ngé kum kedə̄ gə̄ ō, nin̄ ɔjənə̄ń na kur̄ dɔdə́ na to ō ní!

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

1 KORḚNTƏ 8:2

Ré de kə́rēý gír̄ kemən tə́ kadə̄ ni na i de kə́ ger̄ yá̰a̰ anī, ni-ger̄ yá̰a̰ tītə̄ ń sɔɔ̄ kadə̄ gerə̄ń ní aĺ ɓáý.

Makətūbə̄ ń Pol ndang adə̄ Rom gə̄ ní 15:14

Ngákó̰ó̰ḿ gə̄, mə̄kɔ́ m̄-ger̄ majə kadə̄ kem majə yāsí i ngá̰ý ō, kadə̄ ī-gerī yá̰a̰ malang majə ō, ásiī kɔjə̄ naā ō.

EPEJƏ 4:16

I kə kūl̄neé n rɔ̄ Kərist ń i ngé kán̄ naā gə̄ malang ní, téləń yá̰á̰ kə́ kógə̄ḿ beē ní ō, ta rɔtən gə̄ kə́ tū tə́ gə̄ ɓoon̄də́ naā tə́ malang majə ní ō. Adə̄ ré ngán rɔ̄ gə̄ ní rāān̄ kəla kə gōó anī, rɔ̄ malang a tɔgə ō, a aw̄ kum kə̄ kété kə ta kūl̄ tár ō.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

KƏLA RĀĀ 15:29

Dā̰ kə́ tɔ̄l̄ ba tun̄ kadə̄ ɓesə̄ gə̄ ní, ī-lōōī kəsa ō, ī-lōōī kəsa mósə dā̰ ō, kəsa dā̰ kə́ tūŕ míndə ō, ī-lōōī sāā naā loo kaya tə́ ō. Ré ī-ngɔ̄mī rɔ̄sí dɔ yá̰a̰ gə̄ ń noō tə́ anī, ī-rāāī i yá̰á̰ kə́ majə. Ī-ndiī lápə́ya!

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.

TƏ́DA 25:2

Ngán kə́ dəyá̰ gə̄ ní ɓārə́n̄də́ loo tun̄ yá̰a̰ kadə̄ ɓesə̄ yādə́ gə̄ tə́, adə̄ əsan̄ yá̰a̰ tū tə́ ō, əsōn̄ kə̄ nang tə́ no ɓesə̄ gə̄ tə́ ndɔ̄ȳn̄də́ ō.

1 KORḚNTƏ 10:28

Ba ré de kə́rēý ədasí na dā̰ ń toō i dā̰ kə́ tun̄ adə̄n̄ ɓesə̄ gə̄ anī, ə́saī alé tām̄ yā deē ń ədasí najə̄ tə́ ní ō, najə̄ yā kem rāā tə́ ō.

KƏLA RĀĀ 21:25

Banī de gə̄ ń nin̄ i Jipə aĺ gə̄ ba taān̄ kem ní, ndūjí ń jə-ra dɔ tə́ ní jə-ndang j-adə̄də́ kɔ̄ɔ́. J-ədadə́ na majə kadə̄ əsan̄ dā̰ kə́ tun̄ kadə̄ ɓesə̄ gə̄ aĺ ō, əsan̄ mósə dā̰ aĺ ō, əsan̄ dā̰ kə́ tūŕ míndə aĺ ō, kadə̄ əya̰n̄ sāā naā loo kaya tə́ kɔ̄ɔ́ ō.

KƏLA RĀĀ 15:10

Loo ń noō tə́ ní yá̰á̰ kə́ ɔy ń kaají gə̄ ō, jḭḭ̄ kɔ́ gə̄ ō, j-asiī kətō aĺ ní, ə̄ndāī dɔ ngé taā kem gə̄ tə́ ī-nāāīneé Nə́ɓā i tām̄ rí tə́?

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

1 KORḚNTƏ 5:6

Yá̰á̰ ń ɔ́jiī rɔ̄sí najə̄n tə́ ní i yá̰á̰ kə́ majə alé. Kaa mápá kə́ sḛ́ý beē rāā adə̄ ndujə̄ mápá kə́ ló̰ȳ agə̄ malang ní ī-gerī aĺ a?

1 KORḚNTƏ 5:2

Ba ī-raī dɔ tə́ noō na ɔ́jiī rɔ̄sí ngá̰ý ɓáý to̰! Deē ń rāā yá̰á̰ ń noō ní, majə kadə̄ wōn̄g rāāsí ba ɔ̄r̄niī kɔ̄ɔ́ dansí tə́. Banī sḭḭ̄ ī-rāāī nge ń noō alé.

1 KORḚNTƏ 4:18

De kə́rēý gə̄ dansí tə́ gírə̄n̄ kadə̄ m-ā m̄-tél yā kaw̄ loosí to̰ alé, adə̄ nin̄-ɔjən̄ rɔ̄də́ ngá̰ý.

1 KORḚNTƏ 4:10

Jḭḭ i mbóo de gə̄ tām̄ yā Kərist tə́, ba sḭḭ̄ i ngé kum kedə̄ gə̄ kə gō ɓoo naā yāsí kə Kərist tə́. Jḭḭ i de kə́ ngan̄g aĺ gə̄, ba sḭḭ̄ i de kə́ ngan̄g gə̄. De gə̄ rɔȳn̄sí sḭḭ̄, ba kídə̄n̄jí jḭḭ!

1 KORḚNTƏ 1:5

Tɔdɔ̄ dan ń ī-ɓooī naā kə Kərist Jeju ní, ə́ngeī yá̰a̰ gə̄ malang kum asə naā, ə́ngeī tɔ́gə yā kɔrə̄ń najə̄ dɔ yá̰a̰ gə̄ tə́ malang ō, yā gerə̄ń yá̰a̰ malang ō.

Makətūbə̄ ń Pol ndang adə̄ Rom gə̄ ní 14:22

Kə́ ɔjəń dɔ najə̄ ń toō ɓáa, ī-ngɔ̄m̄ yá̰á̰ ń ḭ̄ ī-taā kem ní tām̄ yāí īkɔ́ tə́ ta kum Nə́ɓā tə́. Rɔ̄nel̄ i kə deē ń kum mbang rāā yá̰a̰ tə́ anī kemən gān̄g sarya dɔ rɔ̄n tə́ aĺ ní.

Makətūbə̄ ń Pol ndang adə̄ Rom gə̄ ní 14:14

m̄-ger̄, a̰á̰ā̰ m̄-ger̄ majə ngá̰ý tɔdɔ̄ m̄-ndigə najə̄ gō Kɔ́ɔ̄ɓē Jeju tə́, kadə̄ yá̰á̰ kə́ i yá̰á̰ kə́ yḛr kə dɔ rɔ̄neé gətóo. Ba ré deē kógə̄ḿ gír̄ kadə̄ yá̰á̰ kógə̄ḿ i yá̰á̰ kə́ yḛr anī, yá̰á̰ ní a téĺ yá̰á̰ kə́ yḛr tām̄ yā deē ní tə́.

Makətūbə̄ ń Pol ndang adə̄ Rom gə̄ ní 14:10

Ba ḭ̄, yāí ń ā ī-gāngəń sarya dɔ ngōkó̰ó̰í tə́ ní na i rí? Tá ḭ̄, yāí ń ā ídəń taí gír ngōkó̰ó̰í tə́ ní na i rí? Jḭḭ̄ malang, j-a j-awī yā ra no Nə́ɓā tə́, kadə̄ ni a gān̄g sarya dɔjí tə́.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Makətūbə̄ ń Pol ndang adə̄ Rom gə̄ ní 14:19

Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

1 KORḚNTƏ 4:6

Ngákó̰ó̰ḿ gə̄, m̄-tūr̄ najə̄ ń toō m̄-reēń dɔ Apolos tə́ ō, dɔḿ mə̄kɔ́ tə́ ō, i tām̄ yāsí tə́, kadə̄ ī-rāāījí yá̰á̰ ndájə̄ tə́, ba ī-ndóōī loo kɔjə rɔ̄sí kə ta kūl̄ ndigə najə̄ gō de kə́rēý tə́, ba mbātə́nń najə̄ gō de kə́ noō tə́ alé.

1 KORḚNTƏ 10:15

M-ɔ̄r̄ najə̄ sesí i tītə̄ kə́ m-ɔ̄r̄ i kə de kə́ ger̄ yá̰a̰ gēé beē. Yá̰á̰ ń m-ə́dá ní sḭḭ̄ kɔ́ gə̄ ə̄ndāī ma̰ȳ.