1 KORḚNTƏ 7:2 - Bibəl ta Sar̄

² Ɓá tā ba yā kadə̄ de gə̄ sāān̄neé naā loo kaya tə́ aĺ ní, majə kadə̄ de kə́ dəngam i kə nə̄yá̰neé ō, de kə́ dəyá̰ i kə ngaaneé ō.

Bible sar

² Ɓá tā ba yā kadə̄ de gə̄ sāān̄neé naā loo kaya tə́ aĺ ní, majə kadə̄ de kə́ dəngam i kə nə̄yá̰neé ō, de kə́ dəyá̰ i kə ngaaneé ō.

1 KORḚNTƏ 7:2 Referans Kwoze

EPEJƏ 5:28

Ī tītə̄ ń toō n majə kadə̄ dəngam gə̄ tárən̄ nə̄yá̰də́ gə̄ ní. De kə́ tár nə̄yá̰n tár i dā̰ rɔ̄n nəkɔ́.

EPEJƏ 5:33

Ba yā kɔr̄ń najə̄ kə̄ kété ngá̰ý aĺ ní, sḭḭ̄ tā a yāsí i kadə̄ sḭḭ̄ kógə̄ḿ kógə̄ḿ ī-táriī nə̄yá̰sí gə̄ tītə̄ rɔ̄sí sḭḭ̄ kɔ́ gə̄ ō, kadə̄ dəyá̰ ɓōĺ ndíl ngaan ō.

1 KORḚNTƏ 7:9

Ba ré nin̄-asən̄ kəhɔ kemdə́ ngan̄g aĺ anī, ādə̄ taān̄ naā. Tɔdɔ̄ taā naā majə ngá̰ý tɔȳ kadə̄ ngur dā̰ rɔ̄ o̰o̰ deē hor tə́.

Gōsə̄ najə̄ gə̄ 18:22

Deē ń ənge dəyá̰ ní ənge i rɔ̄nel̄, i yá̰á̰ kə́ Kɔ́ɔ̄ɓē rāań kem majə seneé.

1 KORḚNTƏ 6:18

Yá̰á̰ ń i sāā naā loo kaya tə́ ní ā̰ȳniī kɔ̄ɔ́! Majaĺ kə́ rang gə̄ malang ń deē rāā ní, i gidə rɔ̄ deē tə́ ndágá. Banī deē ń sāā naā loo kaya tə́ ní, rāā majaĺ i kə dā̰ rɔ̄n nəkɔ́.

1 TIMOTE 4:3

Nin̄-ɔgə̄n̄ de gə̄ taā naā ō, ɔgə̄n̄ ngé taā kem gə̄ ń gerə̄n̄ najə̄ kə́ rɔ̄kum ní, kəsa yá̰á̰ kə́rēý gə̄ ń Nə́ɓā rāā kadə̄ əsan̄ kə ndadāá ní ō.

MALASI 2:14

Sḭḭ̄ ī-dəjeī rɔ̄sí najə̄ ə́daī na ké i tām̄ rí tə́ wa. I tɔdɔ̄ sḭḭ̄ ə̄nī ndūsí ta kumən tə́ yā ra dɔ ndūsí tə́ kə dəyá̰ ń sḭḭ̄ ī-gə̄rāī dan balsáásí tə́ ní. Banī sḭḭ̄ ī-raī dɔ ndūsí tə́ kə dəyá̰ ní alé! Kété ní dəyá̰ ní ndi sesí ō, sḭḭ̄ ə̄nīī ndūsí ādīin̄ ō.

Gōsə̄ najə̄ gə̄ 19:14

Kújə ō, yá̰a̰ kənge gə̄ ō, i yá̰á̰ kə́ deē ənge gotə kaan gə̄ tə́, banī dəyá̰ kə́ ger̄ najə̄ i kadə̄ karī yā Kɔ́ɔ̄ɓē.

MATIYE 5:32

Ba mā m-ə́dásí na deē ń mbātə́ nə̄yá̰n kanjə̄ kadə̄ nə̄yá̰n ní sāā i dəngam kə́ rang ní, rāā i kadə̄ nə̄yá̰n ní tél dəyá̰ kə́ nge rāȳ loo ń aw̄ taā dəngam kə́ rang ní. Ba dəngam ń taā dəyá̰ kə́ ngaan mbātə́n ní rāā i rāȳ ō.

1 KORḚNTƏ 7:1

Ń toō ɓáa m-ā m-ɔ̄r̄ i najə̄ kə́ dɔ yá̰a̰ gə̄ ń i dəjemī kem makətūbə̄ yāsí tə́ ní tā. Ədaī na majə kadə̄ de kə́ dəngam kə taā dəyá̰ alé.

1 KORḚNTƏ 7:3

Majə kadə̄ de kə́ dəngam rāā yá̰á̰ kə́ loo ngaa dəyá̰ tə́ kə nə̄yá̰neé ō, de kə́ dəyá̰ rāā yá̰á̰ kə́ loo nə̄yá̰ deē tə́ kə ngaaneé ō.

1 TESALONIK 4:4

I kadə̄ deē kógə̄ḿ kógə̄ḿ dansí tə́ ndóō loo ndi kə nə̄yá̰neé ndi kə́ kadə̄ nel̄ Nə́ɓā,

NGÉ SARYA 21:22

Ré bɔbə̄də́ gə̄ aláa ngákó̰ó̰də́ gə̄ reē nōōn̄ rɔ̄də́ rɔ̄jí tə́ anī j-a j-ədadə́ na: Jə-rāāsí ɓɔ́, ī-rāāī kem majə sedə́, tɔdɔ̄ j-ənge dəyá̰ ta rɔ̄ɔ̄ kə́ Yabes tə́ adə̄ tɔ́sə̄ dɔdə́ alé. Tá dan ń i sḭḭ̄ kɔ́ gə̄ n ādīdə́ ngáńsí kə́ dəyá̰ gə̄ kə jīsí aĺ ní i náā n a əndā najə̄ dɔsí tə́ ní?