1 KORḚNTƏ 6:3 - Bibəl ta Sar̄

³ J-a jə-gāngī sarya dɔ de kə́ dɔ rā̰ tə́ gə̄ tə́ ní ī-gerī aĺ a? Ní yá̰a̰ gə̄ kə́ dɔ nang tə́ laā tá j-a jə-gāngī sarya dɔ tə́ aĺ a?

Bible sar

³ J-a jə-gāngī sarya dɔ *de kə́ dɔ rā̰ tə́ gə̄ tə́ ní ī-gerī aĺ a? Ní yá̰a̰ gə̄ kə́ dɔ nang tə́ laā tá j-a jə-gāngī sarya dɔ tə́ aĺ a?

1 KORḚNTƏ 6:3 Referans Kwoze

Makətūbə̄ ń Jud ndang ní 1:6

Ādə̄ əgā kemsí dɔ tə́ na de kə́ dɔ rā̰ tə́ gə̄ ń əya̰n̄ loo kə́ bo yādə́ ba ndɔ́tə̄n̄ kɔ̄ɔ́ loo ndidə́ tə́ ní, Nə́ɓā ngɔ̄m̄də́ gírí nang tə́, kum loo kə́ risə til nding tə́, kə súĺ kə́ a to ngándáńg, tām̄ yā ndɔ̄ ngān̄g sarya kə́ bo tə́.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

1 KORḚNTƏ 6:4

Adə̄ ré sḭḭ̄ āwī kə ngán najə̄ kə́ beé gə̄ anī, i de gə̄ kə́ ngé kán̄ naā gə̄ rāān̄də́ i yá̰á̰ tə́ aĺ gə̄ n sḭḭ̄ ā ī-tə́ndāīdə́ ngé gān̄g sarya yāsí gə̄ tə́ ní a!

Najə̄ kə́ Majə yā Jeju ń Luk ndang ní 8:14

Ngé gə̄ ń tə́sōn̄ dan kōn̄ gə̄ tə́ ní, i ngé gə̄ ń oōn̄ najə̄ yā Nə́ɓā ba teē kə̄ danaá anī gír̄ najə̄ gə̄, kə yá̰a̰ kənge gə̄, kə yá̰á̰ kə́ to rɔ̄nel̄ kə́ dɔ nang tə́ gə̄ taān̄ dɔdə́ kɔ̄ɔ́, adə̄ kumdə́ mbujə alé ní.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

2 TIMOTE 2:4

Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́.

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

DANIEL 7:22

Banī de kə́ tɔgə ɓə́ga ní reē gān̄g sarya kə́ gōtə́ tām̄ yā gír de kə́ táĺ gə̄ yā Nə́ɓā kə́ dɔɔ́ sa̰y ngá̰ý tə́. Dan ń kum mbang asə anī ngé kə́ táĺ gə̄ o̰o̰n̄ ɓē.

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

1 KORḚNTƏ 6:15

Rɔ̄sí i ngōn̄ rɔ̄ Kərist kógə̄ḿ ní ī-gerī aĺ a? Kadə̄ kə m-ún ngōn̄ rɔ̄ Kərist kə m̄-rāā ngōn̄ rɔ̄ kə́ yā rāāń kaya dəyá̰ kógə̄ḿ tə́ a? M-ā m̄-rāā nge ń noō aĺ bátə́!

1 KORḚNTƏ 6:16

Deē ń ɓoon̄ naā kə kaya dəyá̰ ní, ni-tél i rɔ̄ kə́ kógə̄ḿ beē seneé ní ī-gerī aĺ a? Tɔdɔ̄ ndangən̄ kem makətūbūú na: Nin̄ jōó a télən̄ de kə́ kógə̄ḿ beē.

1 KORḚNTƏ 6:19

Ndíĺ kə́ Táĺ ń Nə́ɓā adə̄sí á ndi kemsí tə́ ní, rɔ̄sí i kújə ndin ní ī-gerī aĺ a? Rɔ̄sí i yá̰á̰ yāsí alé.