1 KORḚNTƏ 5:9 - Bibəl ta Sar̄

⁹ Makətūbə̄ ń m-ndang m-ādə̄sí kété ní, m-ə́dásí najə̄ kemeé m-ə́da na kə ī-lōōī ɓoo naā kə ngé sāā naā loo kaya tə́ gə̄.

Bible sar

⁹ Makətūbə̄ ń m-ndang m-ādə̄sí kété ní, m-ə́dásí najə̄ kemeé m-ə́da na kə ī-lōōī ɓoo naā kə ngé sāā naā loo kaya tə́ gə̄.

1 KORḚNTƏ 5:9 Referans Kwoze

EPEJƏ 5:11

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.

2 TESALONIK 3:14

Ré deē kógə̄ḿ mbātə́ najə̄ ń j-əda kem makətūbə̄ ń toō tə́ ní anī, ī-rāāī ādə̄ de gə̄ ger̄nən̄, ba ī-lōōī ɓoo naā seneé, ādə̄ rɔ̄n sɔlə̄n.

2 TESALONIK 3:6

Ngákó̰ó̰jí gə̄, jə-dəjesí kə rī Kɔ́ɔ̄ɓē yājí Jeju Kərist kadə̄ ɔ̄rī rɔ̄sí kɔ̄ɔ́ rɔ̄ ngákó̰ó̰sí kə́ ngé yay gə̄ tə́ malang, nin̄ ń i ngé mbātə́ rāā yá̰a̰ gə̄ ń j-ɔjəsí ní.

2 KORḚNTƏ 6:14

Ngé taā kem aĺ gə̄ ní ī-lōōī ɓoo naā sedə́. Nin̄ i madə̄ tasí gə̄ kə́ majən̄ tām̄ yāsí tə́ alé. Tām̄ yá̰á̰ kə́ gōtə́ nin̄ kə rāā yá̰a̰ kə gō ń Nə́ɓā ndigə aĺ ní, a ɓoon̄ naā i ba̰ý? Loo kə́ unjə̄ kow nin̄ kə loo kə́ risə til nding ní a ɓoon̄ naā i ba̰ý?

Gōsə̄ najə̄ gə̄ 9:6

Ə́ya̰ī háĺ kə́ to mbóo kɔ̄ɔ́ anī ā ī-ndiī kə kumsí! Gō tə́ anī úniī róbə́ ń ger̄ kum yá̰a̰ i tū tə́ ní.

1 KORḚNTƏ 5:7

Kaa mápá kə́ lōō kōkə̄ kɔ̄ɔ́ ń i yá̰á̰ kə́ majaĺ ní, ɔ̄rī kɔ̄ɔ́ dɔ dáńsí tə́ tá kadə̄ ī-télīneé de kə́ unjə̄n̄ njáý njáý gə̄. Loo ń noō tə́ ā ī-toī tītə̄ ndujə̄ mápá kə́ ló̰ȳ kijə kanjə̄ kənī kaa mápa kum tə́ beē. Tɔdɔ̄ sḭḭ̄ i ndujə̄ mápá kə́ ló̰ȳ kijə kanjə̄ kənī kaa kum tə́. Tām̄ Kərist ń i batə̄ Pákə yājí ní tɔ̄l̄nən̄ kɔ̄ɔ́ ɓá.

1 KORḚNTƏ 5:2

Ba ī-raī dɔ tə́ noō na ɔ́jiī rɔ̄sí ngá̰ý ɓáý to̰! Deē ń rāā yá̰á̰ ń noō ní, majə kadə̄ wōn̄g rāāsí ba ɔ̄r̄niī kɔ̄ɔ́ dansí tə́. Banī sḭḭ̄ ī-rāāī nge ń noō alé.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

1 KORḚNTƏ 5:10

Banī de gə̄ ń m̄-gḛy kadə̄ ī-ɓooī naā sedə́ aĺ ní, i de kə́ dɔ nang tə́ laā gə̄ malang ń nin̄ i ngé sāā naā loo kaya tə́ gə̄ ō, ngé ndə̄ngā yá̰a̰ gə̄ ō, ngé ɓogə gə̄ ō, ngé rāā ɓesə̄ gə̄ ō ní alé. Tɔdɔ̄ ré i beé anī, a asə kadə̄ ā ə́ya̰ī i dɔ nang ń toō kɔ̄ɔ́ ba āwī loo kə́ rang tə́!