1 KORḚNTƏ 4:9 - Bibəl ta Sar̄

⁹ Tɔdɔ̄ mā m-á̰a̰ kadə̄ to tītə̄ kə́ Nə́ɓā əndājí jḭḭ ngámbang kəla gə̄ i loo kə́ gogə́ tə́ beē: Jə-to i tītə̄ de gə̄ kə́ gāngə̄n̄ sarya yo dɔdə́ tə́, yā tɔ̄l̄də́ ta kum kósə de gə̄ tə́ beē. Rāān̄jí i kur̄ kəgō yā de gə̄ tə́ malang, rāān̄jí i kur̄ kəgō yā de kə́ dɔ rā̰ tə́ gə̄ tə́ ō, yā deē ndul gə̄ tə́ ō.

Bible sar

⁹ Tɔdɔ̄ mā m-á̰a̰ kadə̄ to tītə̄ kə́ Nə́ɓā əndājí jḭḭ ngámbang kəla gə̄ i loo kə́ gogə́ tə́ beē: Jə-to i tītə̄ de gə̄ kə́ gāngə̄n̄ sarya yo dɔdə́ tə́, yā tɔ̄l̄də́ ta kum kósə de gə̄ tə́ beē. Rāān̄jí i kur̄ kəgō yā de gə̄ tə́ malang, rāān̄jí i kur̄ kəgō yā *de kə́ dɔ rā̰ tə́ gə̄ tə́ ō, yā deē ndul gə̄ tə́ ō.

1 KORḚNTƏ 4:9 Referans Kwoze

HEBƏRO 10:33

Kə́rēý gə̄ ɓáa tájə̄n̄sí ō, rāān̄sí yá̰á̰ kə́ tōr̄ ta kum de gə̄ tə́ malang ō. Kə́rēý gə̄ anī sḭḭ̄ ī-rāāī kə ngé gə̄ ń a rāān̄də́ yá̰á̰ kə́ beé gə̄ ní ō.

Makətūbə̄ ń Pol ndang adə̄ Rom gə̄ ní 8:36

Tɔdɔ̄ ndangən̄ kem makətūbūú na: Tɔ̄lə̄n̄jí bátə́ mbang udə i tām̄ yāí tə́ ō, rāān̄jí i batə̄ kə́ yā tɔ̄l̄ gə̄ tə́ ō ní.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

HEBƏRO 11:36

Mbóon̄ kə ngé kə́rēý gə̄ ō, əndan̄də́ kə mərawaá ō, tṵ́ṵ̄n̄ ngé kə́rēý gə̄ kə súĺ ba ɓōkə́n̄də́ kújə dəngáyá ō.

1 TESALONIK 3:3

Yā kadə̄ yá̰á̰ kə́ tōr̄ gə̄ ń a rāān̄jí toō, ɔr̄ tɔ́gə deē kógə̄ḿ dansí tə́ alé. Tɔdɔ̄ sḭḭ̄ kɔ́ gə̄ ī-gerī kadə̄ Nə́ɓā əndā dɔ yá̰á̰ ń noō danaá kɔ̄ɔ́ ɓá tām̄ yājí tə́,

2 KORḚNTƏ 6:9

Rāān̄jí i de kə́ deē ger̄də́ aĺ gə̄ tə́, tá gerə̄n̄jí majə. Rāān̄jí i de gə̄ kə́ a oyn̄ ngɔr tə́, banī jə-ndi kə kumjí. Əndan̄jí, banī tɔ̄lə̄n̄jí alé.

KƏLA RĀĀ 19:31

Tá de kə́ bo kə́rēý gə̄ kə́ Aji tə́, kə́ nin̄ i madə̄ tan gə̄ əlan̄ rɔ̄n tə́ rāānən̄ ɓɔ́ kadə̄ kə lōō kaw̄ loo yá̰á̰ kə́ rāā yā kɔjəń yá̰á̰ gə̄ tə́ ɓáý to̰.

KƏLA RĀĀ 19:29

Najə̄ ní taā loo kem ɓēé malang, adə̄ de gə̄ bə̄gān̄ naā ta kaw̄ kə̄ loo kɔjə yá̰á̰ tə́, ba ndɔ́rə̄n̄ Gayus nin̄ kə Aristark ń i de kə́ Masedəwan tə́ gə̄ ní ō, i madə̄ mbā Pol gə̄ ní ō aw̄n̄ sedə́.

PĀ GƏ̄ 44:22

Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?

PĀ GƏ̄ 71:7

De gə̄ ngá̰ý rāāmə̄n̄ i de kə́ ḭ̄ ī-ndɔ̄lə́n kɔ̄ɔ́ tə́, banī nge ngɔ̄mə̄ḿ kə́ rɔ̄kum i ḭ̄.

JEREMI 20:18

I tām̄ rí tə́ á m̄-teē kem kó̰ó̰ḿ tə́, yā kadə̄ m-á̰á̰ tápə̄ ō, kadə̄ wurəḿ ɔləm̄ ō, yā kadə̄ m̄-ndi i kə rɔ̄sɔlɔ̄ɔ́ kə dɔ ndɔ̄ gə̄ ń noō malang ō ní?

1 KORḚNTƏ 15:19

Ré j-əndaī kemjí dɔ Kərist tə́ i yā kadə̄ jə-ndiīneé dɔ nang tə́ laā ngóy anī, jḭḭ̄ i ngé rɔ̄ ndoō gə̄ kə́ rɔ̄ ndoō yājí tɔȳ yā gotə de gə̄ malang.

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.