1 KORḚNTƏ 4:8 - Bibəl ta Sar̄

⁸ Sḭḭ̄ ī-ndānī kɔ̄ɔ́ ɓá ō, ə́ngeī yá̰á̰ ngá̰ý kɔ̄ɔ́ ō. Sḭḭ̄ i mban̄g gə̄, banī jḭḭ i mban̄g gə̄ alé. m̄-ndigə ngá̰ý kadə̄ sḭḭ̄ ó̰o̰ī ɓē kə́ rɔ̄kum tə́, yā kadə̄ jḭḭ j-o̰o̰ń ɓē sesí ō.

Bible sar

⁸ Sḭḭ̄ ī-ndānī kɔ̄ɔ́ ɓá ō, ə́ngeī yá̰á̰ ngá̰ý kɔ̄ɔ́ ō. Sḭḭ̄ i mban̄g gə̄, banī jḭḭ i mban̄g gə̄ alé. m̄-ndigə ngá̰ý kadə̄ sḭḭ̄ ó̰o̰ī ɓē kə́ rɔ̄kum tə́, yā kadə̄ jḭḭ j-o̰o̰ń ɓē sesí ō.

1 KORḚNTƏ 4:8 Referans Kwoze

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.

2 KORḚNTƏ 13:9

Dan ń jə-ngan̄g aĺ ɓáa jə-rāā rɔ̄nel̄, banī sḭḭ̄ i de kə́ ngan̄g gə̄. I tām̄ najə̄ ń noō tə́ n jə-dəje kem ndɔ̄ȳ yājí tə́, kadə̄ ī-téliī de kə́ majə ɔtə̄ kə taá gə̄ ní.

1 KORḚNTƏ 5:6

Yá̰á̰ ń ɔ́jiī rɔ̄sí najə̄n tə́ ní i yá̰á̰ kə́ majə alé. Kaa mápá kə́ sḛ́ý beē rāā adə̄ ndujə̄ mápá kə́ ló̰ȳ agə̄ malang ní ī-gerī aĺ a?

1 KORḚNTƏ 1:5

Tɔdɔ̄ dan ń ī-ɓooī naā kə Kərist Jeju ní, ə́ngeī yá̰a̰ gə̄ malang kum asə naā, ə́ngeī tɔ́gə yā kɔrə̄ń najə̄ dɔ yá̰a̰ gə̄ tə́ malang ō, yā gerə̄ń yá̰a̰ malang ō.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Najə̄ kə́ Majə yā Jeju ń Luk ndang ní 6:25

Rɔ̄ ndoō i yāsí sḭḭ̄ ń ī-ndānī ngɔlaā ní, tɔdɔ̄ ɓō a rāāsí! Rɔ̄ ndoō i yāsí sḭḭ̄ ń ā ə̄gōī ngɔlaā ní, tɔdɔ̄ ā ə́hɔī ndoō ō, ā ī-nōōī ō.

Gōsə̄ najə̄ gə̄ 13:7

De kə́rēý gə̄ rāān̄ tītə̄ kə́ nin̄ əngen̄ yá̰á̰ ngá̰ý, ba əngen̄ yá̰á̰ kógə̄ḿ aĺ bátə́. Ngé kə́ rang gə̄ rāān̄ tītə̄ kə́ nin̄ i ngé ndoō gə̄ ba yá̰a̰ kənge yādə́ al̄ loo.

JEJU TEĒ KUM JA̰A̰ 3:17

Tām̄ ḭ̄ ə́da na ə́ngé yá̰á̰ ngá̰ý ō, na ī-kán̄ yá̰a̰ kənge kə̄ dɔ naā tə́ ō, ndoō yá̰á̰ kógə̄ḿ na rāāī aĺ ō, ba ī-ger̄ kadə̄ ḭ̄ i de kə́ rɔ̄í tō ndoō aĺ ō, kumií to ndoō aĺ ō, ī-ndoō aĺ ō, kumií a̰a̰ loo aĺ ō, rɔ̄í i karī aĺ ō ní,

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

2 KORḚNTƏ 11:1

Á! m̄-ndə̄ngā kadə̄ ī-tə́gāī tasí dɔḿ tə́ kadə̄ m̄-rāań kɔ̄r̄ sḛ́ý! A̰á̰ā̰, majə kadə̄ ī-tə́gāī tasí dɔḿ tə́!

1 KORḚNTƏ 4:18

De kə́rēý gə̄ dansí tə́ gírə̄n̄ kadə̄ m-ā m̄-tél yā kaw̄ loosí to̰ alé, adə̄ nin̄-ɔjən̄ rɔ̄də́ ngá̰ý.

KƏLA RĀĀ 26:29

Anī Pol tél ədan na: Ká na̰y i sḛ́ý beē aáā, ngá̰ý a̰á̰ā̰, kadə̄ Nə́ɓā rāā adə̄ i ḭ̄ ngóy alé, ba kadə̄ i de gə̄ malang ń a oōn̄ najə̄ kə́ taḿ tə́ ɓōólaā toó, kadə̄ ī-téliī ī-toī tītə̄ḿ mə̄kɔ́, ba kadə̄ i kə súĺ gə̄ ń jīḿ tə́ toō jīsí tə́ alé.

JEREMI 28:6

na: A̰á̰ā̰, ādə̄ Kɔ́ɔ̄ɓē rāā tītə̄ ń ə́dań noō, ādə̄ Kɔ́ɔ̄ɓē rāā adə̄ najə̄ gə̄ ń ə́dá ní reē udən̄ gírí, ādə̄ ni-rāā adə̄ yá̰a̰ rāā kəla kə́ kem kújə yā Kɔ́ɔ̄ɓē tə́ ń aw̄n̄neé Babilon tə́ ní ō, de gə̄ malang ń əhɔn̄də́ aw̄n̄ sedə́ Babilon tə́ ní ō, tél reēn̄ gogə́.

IJAI 5:21

I yá̰á̰ kə́ to kum kaȳ aĺ kə́ ba̰ý beē, tām̄ yā de gə̄ ń noō ń a̰a̰n̄ rɔ̄də́ kadə̄ nin̄ i ngé kum kedə̄ gə̄ ō, nin̄ ɔjənə̄ń na kur̄ dɔdə́ na to ō ní!

Gōsə̄ najə̄ gə̄ 25:14

De kə́ nge kɔjə rɔ̄n kə kadə̄ karī kə́ a góləń loo to i tītə̄ man̄ kə́ il ō əla nél ō ba edə aĺ beē.

TƏ́DA 11:29

Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.

MATIYE 5:1

Dan ń Jeju a̰ā̰ kadə̄ kósə de gə̄ unən̄ gōn anī, aw̄ al̄ dɔ ngōn̄ mbal̄ kógə̄ḿ tə́ ba ndi nang tə́. Ngé ndóō yá̰a̰ yān gə̄ reēn̄ rɔ̄n tə́