1 KORḚNTƏ 4:6 - Bibəl ta Sar̄

⁶ Ngákó̰ó̰ḿ gə̄, m̄-tūr̄ najə̄ ń toō m̄-reēń dɔ Apolos tə́ ō, dɔḿ mə̄kɔ́ tə́ ō, i tām̄ yāsí tə́, kadə̄ ī-rāāījí yá̰á̰ ndájə̄ tə́, ba ī-ndóōī loo kɔjə rɔ̄sí kə ta kūl̄ ndigə najə̄ gō de kə́rēý tə́, ba mbātə́nń najə̄ gō de kə́ noō tə́ alé.

Bible sar

⁶ Ngákó̰ó̰ḿ gə̄, m̄-tūr̄ najə̄ ń toō m̄-reēń dɔ Apolos tə́ ō, dɔḿ mə̄kɔ́ tə́ ō, i tām̄ yāsí tə́, kadə̄ ī-rāāījí yá̰á̰ ndájə̄ tə́, ba ī-ndóōī loo kɔjə rɔ̄sí kə ta kūl̄ ndigə najə̄ gō de kə́rēý tə́, ba mbātə́nń najə̄ gō de kə́ noō tə́ alé.

1 KORḚNTƏ 4:6 Referans Kwoze

2 KORḚNTƏ 11:4

Tɔdɔ̄ ré deē kógə̄ḿ reē ɔjəsí najə̄ yā Jeju kə́ rang ba i yā nge ń j-ɔjəsí najə̄ yān kété ní alé, aláa ə́hɔī ndíĺ kə́ rang kə̄ rɔ̄sí tə́ ba i nge ń ə́ngein̄ kété ní alé, aláa ī-taāī kem Najə̄ kə́ Majə kə́ rang ba i nge ń ī-taāī kem kété ní aĺ anī, sḭḭ̄ ī-tə́gāī tasí dɔ tə́ majə ngá̰ý.

2 KORḚNTƏ 12:19

Jóo toó ní, sḭḭ̄ ī-gírī kadə̄ jḭḭ j-a jə-nējə̄ i najə̄ dɔ rɔ̄jí tə́ ta kumsí tə́ a? I beé alé! Najə̄ ń j-ɔr̄ ní, j-ɔr̄ i tītə̄ ń Kərist ndigəń ní, ta kum Nə́ɓā tə́. Ba kó tár gə̄, j-ədasí yá̰a̰ gə̄ ń noō malang i yā kadə̄ ī-tɔgīneé kum kə̄ kété kété.

2 KORḚNTƏ 12:6

Loo kə́ beé tə́, ré m̄-gḛy i kɔr ta rɔ̄ḿ anī, mā i de kə́ mbóo alé, tɔdɔ̄ m-ə́da i najə̄ kə́ rɔ̄kum. Ba m̄-lōō gírí, i tɔdɔ̄ m̄-gḛy kadə̄ deē gír̄ na mā m̄-tɔȳ yá̰á̰ ń ni-a̰a̰m̄ loo rāā tə́ ní aĺ ō, mā m̄-tɔȳ yá̰á̰ ń ni-oō najə̄n taḿ tə́ ní aĺ ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

1 TESALONIK 1:5

Tɔdɔ̄ kɔjə ń j-ɔjəsí Najə̄ kə́ Majə ní i kə najá ngóy alé, banī i kə tɔ́gə́ kə́ ngá̰ý ō, kə kəla rāā Ndíĺ kə́ Táĺ ō, kanjə̄ kadə̄ kemjí tɔ́sə̄jí dɔ tə́ bátə́. Ī-gerī ké jḭḭ i de kə́ ba̰ý gə̄ tām̄ yāsí tə́ dan ń jə-ndiń sesí ní.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

2 KORḚNTƏ 10:7

Sḭḭ̄ ā á̰a̰ī i gidə yá̰á̰ kə́ ndágá! Adə̄ ré de kə́rēý gír̄ kemən tə́ kadə̄ ni i deē yā Kərist anī, ādə̄ kɔ́ɔ̄ tél gír̄ rang ɓáý to̰ na ré ni i yā Kərist anī, jḭḭ i yān ō.

2 KORḚNTƏ 4:15

Ba yá̰a̰ malang ń rāājí ní i tām̄ yāsí sḭḭ̄ tə́. I tītə̄ ń noō n Nə́ɓā a rajəń de gə̄ kə̄ kété kété, yā kadə̄ kutə ngé ndadə̄n yā kɔsəń gɔnən gə̄ i ngá̰ý ní.

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

1 KORḚNTƏ 5:6

Yá̰á̰ ń ɔ́jiī rɔ̄sí najə̄n tə́ ní i yá̰á̰ kə́ majə alé. Kaa mápá kə́ sḛ́ý beē rāā adə̄ ndujə̄ mápá kə́ ló̰ȳ agə̄ malang ní ī-gerī aĺ a?

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

2 KORḚNTƏ 10:15

Adə̄ dɔ nin̄ loo ń Nə́ɓā ɔjə ní, jḭḭ jə-mān̄ dɔ alé. J-ɔr ta rɔ̄jí kə kəla kə́ de kə́ rang gə̄ rāān̄ alé. Ba j-əndā kemjí dɔ tə́ kadə̄ taā kem yāsí a ḭḭ kə gidəneé, yā kadə̄ j-asəń rāā kəla kə bo tɔȳ nge ń jə-rāā kété dɔ dáńsí tə́ ní. Banī j-a jə-ra i dɔ nin̄ loo ń Nə́ɓā ɔjəjí tə́ ní ngándáńg.

2 KORḚNTƏ 10:12

Kə́ rɔ̄kum tə́ tā anī, jḭḭ j-a jə-nāā kəndā rɔ̄jí kadə yā ngé gə̄ ń ədan̄ najə̄ kə́ majə dɔ rɔ̄də́ nin̄ kɔ́ gə̄ tə́ ní alé. Nin̄-gerə̄n̄ yá̰a̰ alé, tām̄ unən̄ i kāgə̄ rɔ̄də́ nin̄ kógə̄ n ɔjən̄neé ngāl̄ rɔ̄də́ ní. Nin̄-əndān̄ kāgə̄ rɔ̄də́ ní kadə rɔ̄də́ nin̄ kɔ́ gə̄ tə́, yā ka̰a̰ń ké n-ton̄ tītə̄ kāgə̄ rɔ̄də́ ní wa.

1 KORḚNTƏ 13:4

Tár a əre rɔ̄n, ni i de kə́ majə, ni a ndə̄ngā yá̰a̰ alé. Ni a tɔ̄ȳ rīn aĺ ō, a ɔjə rɔ̄n aĺ ō.

1 KORḚNTƏ 9:23

Ba m̄-rāā yá̰á̰ ń noō malang i tām̄ yā Najə̄ kə́ Majə tə́, yā kadə̄ m-ə́ngeń yá̰á̰ ń Najə̄ kə́ Majə a adə̄ de gə̄ ní ō.

1 KORḚNTƏ 5:2

Ba ī-raī dɔ tə́ noō na ɔ́jiī rɔ̄sí ngá̰ý ɓáý to̰! Deē ń rāā yá̰á̰ ń noō ní, majə kadə̄ wōn̄g rāāsí ba ɔ̄r̄niī kɔ̄ɔ́ dansí tə́. Banī sḭḭ̄ ī-rāāī nge ń noō alé.

1 KORḚNTƏ 3:21

I beé ní, ādə̄ deē kógə̄ḿ ɔr ta rɔ̄n tām̄ yā de gə̄ tə́ alé. Tɔdɔ̄ yá̰a̰ malang i yāsí:

1 KORḚNTƏ 1:31

Tɔdɔ̄ ndangən̄ kem makətūbə̄ yā Nə́ɓā na: Yā kadə̄ náā nəkɔ́ ɓáa ɔr ta rɔ̄n i kem Kɔ́ɔ̄ɓē tə́.

1 KORḚNTƏ 1:19

Tɔdɔ̄ ndangən̄ kem makətūbə̄ yā Nə́ɓā tə́ na: M-ā m̄-nujə kum kedə̄ yā ngé kum kedə̄ gə̄ kɔ̄ɔ́ ō, m-ā m̄-mbātə́ yá̰a̰ ger̄ yā ngé ger̄ kum najə̄ gə̄ kɔ̄ɔ́ ō.

1 KORḚNTƏ 1:12

Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

IJAI 2:22

I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?

PĀ GƏ̄ 146:3

Ī-lōōī kəndā kemsí dɔ ngār gə̄ tə́, nin̄ i deē ndul gə̄, asən̄ kajə deē alé.

PĀ GƏ̄ 8:4

Dan ń m-á̰a̰ dɔ rā̰ ń i kəla kə́ ī-rāā kə jīí ní ō, nāā ō, tə́yō̰ gə̄ ō ń ī-tə́ndādə́ ní ō anī,

KƏLA RĀĀ 18:24

Jipə kógə̄ḿ kə́ rīn na i Apolos reē ugə̄ kem ɓē kə́ Epejə tə́. Ojənən̄ i Aleksandəri. I de kə́ nge gōsə̄ najə̄ ō, i de kə́ ger̄ najə̄ gə̄ kə́ kem makətūbə̄ yā Nə́ɓā tə́ ngá̰ý ō.

KƏLA RĀĀ 19:1

Dan ń Apolos ndi Korḛntə ní, Pol ənda gō nang kə́ ḭḭ kə̄ dɔɔ́ gə̄ kə́ Aji tə́ gān̄g ba reē ugə̄ kem ɓē kə́ Epejə tə́. Ni-ənge ngé ndóō yá̰á̰ kə́rēý gə̄ noó.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.