1 KORḚNTƏ 4:4 - Bibəl ta Sar̄

⁴ Ká ré m̄-ger̄ kadə̄ najə̄ gətóo dɔḿ tə́ gə̄gē anī, m̄-tél de kə́ gōtə́ i tām̄ nge ń noō tə́ alé. Tɔdɔ̄ nge gān̄g sarya dɔḿ tə́ i Kɔ́ɔ̄ɓē.

Bible sar

⁴ Ká ré m̄-ger̄ kadə̄ najə̄ gətóo dɔḿ tə́ gə̄gē anī, m̄-tél de kə́ gōtə́ i tām̄ nge ń noō tə́ alé. Tɔdɔ̄ nge gān̄g sarya dɔḿ tə́ i Kɔ́ɔ̄ɓē.

1 KORḚNTƏ 4:4 Referans Kwoze

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

PĀ GƏ̄ 130:3

Kɔ́ɔ̄ɓē, ré ə́hɔ i gíŕ yá̰á̰ kə́ gōtə́ aĺ gə̄ anī, i náā n a asə ndi kə kumneé ní?

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

Gōsə̄ najə̄ gə̄ 21:2

Róbə gə̄ malang ń deē un ní kɔ́ɔ̄ gír̄ kadə̄ i róbə́ kə́ súmūú gə̄, banī i Kɔ́ɔ̄ɓē n i nge gān̄g sarya dɔ gír̄ kə́ ngarā̰ kemjí tə́ ní.

PĀ GƏ̄ 19:12

Kɔ́ɔ̄ɓē, mā nge kəla yāí m̄-ger̄ yá̰a̰ i kə ta kūl̄də́ ō, rāān̄ seḿ ngá̰ý dan ń m-ún gōdə́ ní ō.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

Makətūbə̄ ń Pol ndang adə̄ Rom gə̄ ní 2:13

Tɔdɔ̄ de gə̄ ń i de kə́ súmūú gə̄ ta kum Nə́ɓā tə́ ní, i ngé gə̄ ń a oōn̄ ndū najə̄ ń toō kə mbīdə́ ngóy ní alé. De gə̄ ń a télən̄ de kə́ súmūú gə̄ ní, i ngé gə̄ ń a rāān̄ yá̰á̰ ń ndū najə̄ ɔjə ní.

Makətūbə̄ yā Job 40:4

Mā i yá̰á̰ kógə̄ḿ alé. I rí n kə m̄-tūr̄ kə m-ə́daī ní? M-ə̄ndā jīḿ taḿ tə́ kɔ̄ɔ́.

Makətūbə̄ yā Job 27:6

m̄-ra ngan̄g dɔ yá̰á̰ kə́ gōtə́ yāḿ tə́, m-ā mə́ya̰ alé! Kemḿ rāām̄ najə̄ yá̰á̰ kógə̄ḿ kə́ gōtə́ aĺ kə́ m̄-rāā tə́ alé.

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

KƏLA RĀĀ 23:1

Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

Makətūbə̄ yā Job 15:14

Deē ndul i rí kə́ ngá̰ý á rāā tītə̄ kə́ ni i de kə́ unjə̄ njáý njáý ní? Deē ń i dəyá̰ n ojən ní i rí á əda na ni na i de kə́ gōtə́ ní?

Makətūbə̄ yā Job 9:20

Ká ré mā i de kə́ gōtə́ gə̄gē anī, najə̄ kə́ taḿ tə́ a gān̄g sarya dɔḿ tə́. Ká ré najə̄ gətóoń dɔḿ tə́ gə̄gē anī, ni a ɔjə kadə̄ mā i de kə́ majə aĺ.

Makətūbə̄ ń Pol ndang adə̄ Rom gə̄ ní 4:2

Ré Abəraham tél de kə́ súmūú ta kum Nə́ɓā tə́ i tām̄ kəla rāān gə̄ tə́ anī, nge ń noō i yá̰á̰ kə́ yā kadə̄ ni a ɔjə rɔ̄n tāmən tə́. Banī ni-asə kɔjə rɔ̄n ta kum Nə́ɓā tə́ alé.

PĀ GƏ̄ 50:6

Ādə̄ dɔ rā̰ ənī mbēr̄ əda na: Kɔ́ɔ̄ɓē i de kə́ gōtə́, i ni n i Nə́ɓā kə́ nge gān̄g sarya ní.

PĀ GƏ̄ 26:12

m̄-rā i dɔ loo kə́ ngan̄g majə tə́, adə̄ m-ā m̄-tɔ̄ȳ Kɔ́ɔ̄ɓē dan ngé kán̄ naā gə̄ tə́.

Gōsə̄ najə̄ gə̄ 29:26

De gə̄ ngá̰ý sāān̄ kadə̄ ngār a̰a̰də́ já̰já̰, ba i Kɔ́ɔ̄ɓē ngóy n i nge gān̄g sarya yā deē kógə̄ḿ kógə̄ḿ kə gōó ní.

1 KORḚNTƏ 4:3

Kə́ tām̄ yāḿ mā tə́ tā anī, ká i sḭḭ̄, aké i ngé rāā sarya yā de gə̄ n gāngə̄n̄ sarya dɔḿ tə́ gə̄gē anī, i karī seḿ. Mə̄kɔ́ m̄-gān̄g sarya dɔ rɔ̄ḿ tə́ aĺ ō.