1 KORḚNTƏ 4:2 - Bibəl ta Sar̄

² Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

Bible sar

² Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

1 KORḚNTƏ 4:2 Referans Kwoze

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

MATIYE 25:23

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰á̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

Gōsə̄ najə̄ gə̄ 13:17

Nge kəda kəla kə́ kemən majaĺ a əsō kum yá̰á̰ kə́ to kum kaȳ aĺ tə́, ngōmbang kəla kə́ ra dɔ ndūn tə́ rāā rɔ̄n i dáwá tə́.

TƏ́DA 12:7

Banī nge kəla yāḿ Moijə ń i nge ka̰a̰ gō kósə de gə̄ yāḿ gə̄ malang kə gōó majə ní, m̄-rāā seneé i beé alé.

KOLOSƏ 4:17

Tá ə́daī Arkipə kadə̄ əndā kumən gír kəla ń Kɔ́ɔ̄ɓē adə̄n tə́ ní, kadə̄ rāā adə̄ majə ɔtə̄ kə taá.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

KOLOSƏ 1:7

I Epapəras kó tár yājí kə́ nge kəla madə̄jí n ndóōsí yá̰a̰ ngeé ń toō ní. Ni-rāā kəla yāsí i kə́ loo de kə́ bo kə́ nge ra dɔ ndūn tə́ yā Kərist tə́.

1 KORḚNTƏ 7:25

Najə̄ yā dəngam aláa dəyá̰ kə́ ḭḭ kə̄ nang tə́ ba taā deē aĺ ɓáý ní, yá̰á̰ kə́ Kɔ́ɔ̄ɓē ədam̄ kadə̄ m-ə́dásí dɔ tə́ ní gətóo, ba m-ɔ́jə́sí i gír̄ kə́ kemḿ tə́, kə́ loo de kə́ Kɔ́ɔ̄ɓē rāā kem majə seneé tə́ adə̄ ásiī taā kemən tə́.

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

KOLOSƏ 4:7

Tisik ń i ngōkó̰ó̰jí kə́ kó tár yāḿ ní, ni ń i de kə́ bo kə́ nge ra dɔ ndūn tə́ ō, madə̄ kəlaḿ kə́ loo kəla yā Kɔ́ɔ̄ɓē tə́ ō ní,

1 KORḚNTƏ 4:17

I tām̄ najə̄ ń noō tə́ n m-ə́la Timote rɔ̄sí tə́ ní. Ni i ngōnə̄ḿ kə́ ra dɔ ndūn tə́ kə́ m̄-tárən ngá̰ý sɔɔ̄ń Kɔ́ɔ̄ɓē. Ndū najə̄ gə̄ ń m-ún gō á m̄-ndiń kə Kərist ní, ni a ter̄ kemsí dɔ tə́. Adə̄ i yá̰a̰ gə̄ ń m̄-ndóō de gə̄ kə̄ kem Egəlijə gə̄ tə́ malang ní.

2 MBAN̄G 12:15

Télən̄neé malang adə̄n̄ i de gə̄ ń əndān̄də́ dɔ kəla kújə yā Kɔ́ɔ̄ɓē tə́ ní adə̄ nin̄ rāān̄neé i kəla gə̄ kə́ tū tə́.

2 MBAN̄G 22:7

Banī kadə̄ deē dəjedə́ gír yá̰á̰ ń rāān̄ kə nar ń adə̄n̄də́ ní alé, tɔdɔ̄ nin̄ rāān̄ yá̰a̰ i kə gōó.

1 KORḚNTƏ 4:1

I beé ní, majə kadə̄ ī-rāāījí ngé kəla yā Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

1 KORḚNTƏ 4:3

Kə́ tām̄ yāḿ mā tə́ tā anī, ká i sḭḭ̄, aké i ngé rāā sarya yā de gə̄ n gāngə̄n̄ sarya dɔḿ tə́ gə̄gē anī, i karī seḿ. Mə̄kɔ́ m̄-gān̄g sarya dɔ rɔ̄ḿ tə́ aĺ ō.