1 KORḚNTƏ 4:12 - Bibəl ta Sar̄

¹² j-a̰a̰ tápə̄ loo rāā kəla tə́ kə jījí ō. Ré de gə̄ tájə̄n̄jí anī, jə-tɔ́r̄ i tají tá dɔdə́ tə́. Ré rāān̄jí yá̰á̰ kə́ tōr̄ anī, jə-tə́gā tají.

Bible sar

¹² j-a̰a̰ tápə̄ loo rāā kəla tə́ kə jījí ō. Ré de gə̄ tájə̄n̄jí anī, jə-tɔ́r̄ i tají tá dɔdə́ tə́. Ré rāān̄jí yá̰á̰ kə́ tōr̄ anī, jə-tə́gā tají.

1 KORḚNTƏ 4:12 Referans Kwoze

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

MATIYE 5:11

Sḭḭ̄ i kə rɔ̄nelēé dan ń de gə̄ a tájə̄n̄sí ō, a rāān̄sí ndoō tə́ ō, a tétə̄n̄ najə̄ kə́ majaĺ gə̄ malang dɔsí tə́ ō, tām̄ yāḿ mā tə́ ní.

Makətūbə̄ ń Pol ndang adə̄ Rom gə̄ ní 12:14

Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

Makətūbə̄ ń Pol ndang adə̄ Rom gə̄ ní 12:20

Ní, ré ɓō rāā madə̄ ba̰ā̰í anī, ādə̄n yá̰a̰ ādə̄ əsa. Ré kəndā rāān anī, ādə̄n man̄ ādə̄ a̰ȳ, tɔdɔ̄ dan ń ī-rāā tītə̄ ń noō ní, to tītə̄ kə́ ī-kán̄ i yā̰l̄ hor kə́ ajə ying kə̄ dɔn tə́ beē.

KƏLA RĀĀ 18:3

tām̄ kəla yān i kə́ tītə̄ yādə́, i kəla kəjō kūbə̄ tandā gə̄.

Najə̄ kə́ Majə yā Jeju ń Luk ndang ní 6:28

ī-rāāī Nə́ɓā ɓɔ́ kadə̄ rāā majə kə ngé ndɔ̄ĺsí gə̄ ō, ī-ndɔ̄yī tām̄ yā ngé tétə̄ najə̄ dɔsí tə́ gə̄ ō.

1 PIYER 3:14

Ká ré i kadə̄ á̰a̰ī tápə̄ najə̄ yā yá̰á̰ kə́ gōtə́ kə́ ī-rāāī tə́ gə̄gē anī, rɔ̄sí nel̄sí. Ī-ɓōlíīdə́ aĺ ō, ī-lōōī kadə̄ ndíĺsí a̰ȳ ō.

1 PIYER 2:23

Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.

Najə̄ kə́ Majə yā Jeju ń Luk ndang ní 23:34

Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

Makətūbə̄ ń Jud ndang ní 1:9

Yá̰á̰ ń nin̄-rāān̄ ní, Mikael ń i ngol de kə́ dɔ rā̰ tə́ gə̄ kə dɔneé ní gə̄gē rāā beé alé. Tɔdɔ̄ dan ń Mikael mbātə́ najə̄ gō diabəl tə́ adə̄ tɔ́tə̄n̄ naā dɔ nīń Moijə tə́ ní, ni-gān̄g sarya tájəń nge gól̄ loo gə̄ alé. Najə̄ ń ni ədan ní n toó ngóy: Kadə̄ Kɔ́ɔ̄ɓē əndaī tām̄ yā yá̰a̰ rāāí kə́ majaĺ tə́!

1 TIMOTE 4:10

Tɔdɔ̄ ré jə-rāāī kəla ngá̰ý ō, jə-rɔ̄ɔ̄ī ō anī, i tām̄ kəndā kə́ j-əndāī kemjí dɔ Nə́ɓā ń ndi kə kumneé tə́ ní. Ni i nge kajə de gə̄ malang, ba kə́ ngá̰ý ɓáa ni a ajə i ngé taā kem gə̄.

2 TESALONIK 3:8

Yá̰á̰ ń j-əsa ní, i deē kógə̄ḿ n jə-dəjen kadə̄ adə̄jí ní alé. Banī jə-rāā kəla kə́ j-ɔr, j-a̰a̰ tápə̄ ndɔ̄ɔ́ ō, kadaá ō, yā kadə̄ j-ɔȳń deē kógə̄ḿ dansí tə́ alé.

1 TESALONIK 2:9

Ngákó̰ó̰jí gə̄, ādə̄ əga kemsí dɔ kəla ń jə-rāā tə́ ní ō, dɔ kɔr ń j-ɔr sesí tām̄ táŕ kə́ kemjí tə́ ní ō. Dan ń j-ɔjəsí Najə̄ kə́ Majə yā Nə́ɓā ní, jə-rāā kəla ndɔ̄ɔ́ ō, kadaá ō, kadə̄ j-ɔȳń deē kógə̄ḿ dáńsí tə́ alé.

1 KORḚNTƏ 9:6

I mā ō, Barnabas ō ngóy n Nə́ɓā ɔgə̄jí kəya̰ gír kəla kə́ jījí tə́ kɔ̄ɔ́ ní a?

KƏLA RĀĀ 20:34

Sḭḭ̄ kɔ́ gə̄ ī-gerī kadə̄ m̄-rāā kəla i kə jīḿ n m-ə́ngeń yá̰a̰ gə̄ ń ndoōdə́ rāām̄ ō, rāā madə́ḿ kə́ seḿ gə̄ ō ní.

1 PIYER 4:19

I beé ní, ngé gə̄ ń a̰a̰n̄ tápə̄ tām̄ rāā kə́ nin̄-rāān̄ gō kem ndigə yā Nə́ɓā tə́ ní, majə kadə̄ na̰yn̄ kə̄ loo rāā yá̰á̰ kə́ majə tə́ kə̄ nodə́ tə́ ō, ənīn̄ kemdə́ mámák adə̄n̄ Nə́ɓā nge rāā yá̰a̰ malang ō, nge ra dɔ ndūn kə́ ənī tə́ ō.

Makətūbə̄ ń Pol ndang adə̄ Rom gə̄ ní 8:35

Táŕ ń Kərist táŕjí toō i náā n a ɔr̄jí kɔ̄ɔ́ tū tə́ ní? I wur kɔl a? Aké i rāā kə́ rāān̄jí adə̄ jə-ndiī kə sōlōó a? Aké i rāā kə́ rāān̄jí ndoō tə́ a? Aké i ɓō a? Aké i nal kə jə-nalī kūbə̄ ko̰ō̰jí a? Aké i yá̰á̰ kə́ to yo a? Aké i kaskar a?

2 KORḚNTƏ 11:8

m̄-taā yá̰a̰ i jī de gə̄ kə́ kem Egəlijə kə́ rang gə̄ tə́, i yá̰a̰ gə̄ ń nin̄-adə̄n̄ kadə̄ m-ə́sá tá m̄-rāań kəla m-ādə̄sí ní.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.