1 KORḚNTƏ 4:1 - Bibəl ta Sar̄

¹ I beé ní, majə kadə̄ ī-rāāījí ngé kəla yā Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

Bible sar

¹ I beé ní, majə kadə̄ ī-rāāījí ngé kəla yā *Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

1 KORḚNTƏ 4:1 Referans Kwoze

1 PIYER 4:10

Yá̰a̰ gə̄ ń Nə́ɓā adə̄ ní, sḭḭ̄ i ngé kəndā kumsí gírí majə gə̄. Adə̄ majə kadə̄ sḭḭ̄ kógə̄ḿ kógə̄ḿ ní, úniī yá̰á̰ kə́ sɔɔ̄ dɔsí sḭḭ̄ kɔ́ gə̄ ń Nə́ɓā adə̄sí ní ī-rāāīneé majə kə madə̄sí gēé.

TITƏ 1:7

Nge kɔr no ngé kán̄ naā gə̄ ń i de kə́ əndān̄ dɔn tə́ kadə̄ əndā kumən gír yá̰a̰ gə̄ yā Nə́ɓā tə́ ní, majə kadə̄ ni i de kə́ najə̄ gətóo dɔn tə́. Adə̄ ni i de kə́ nge kídə̄ deē aĺ ō, nge wōn̄g aĺ ō, nge ka̰ȳ yá̰a̰ aĺ ō, de kə́ nge sāā nar kə ta róbə́ kə́ gō tə́ aĺ aĺ ō.

1 TIMOTE 3:9

Kadə̄ nin̄-ngɔ̄mə̄n̄ yá̰á̰ ń taā kem teē kumjí dɔ tə́ ní, kə gír̄ kə́ unjə̄ njáý njáý.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

KOLOSƏ 2:2

I tītə̄ ń noō n m̄-sāań kadə̄ nin̄-əhɔn̄ rɔ̄də́ tɔgə ō, kadə̄ tár ɓoodə́ naā tə́ ō, kadə̄ ugə̄n̄ tū ger̄ yá̰á̰ kə́ rɔ̄kum ń i nge rāā tá kadə̄ kem deē a ger̄ yá̰á̰ mámák ní ō, ba kadə̄ gerə̄n̄ yá̰á̰ kə́ to loo mundə̄ tə́ yā Nə́ɓā ń i Kərist ní.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

KOLOSƏ 4:3

Ī-ndɔ̄yī tām̄ yājí tə́ ō, ādə̄ Nə́ɓā teē ta róbə adə̄jí, kadə̄ j-ɔjə najə̄ yān ō, kadə̄ m-ə́dá yá̰á̰ kə́ to loo mundə̄ tə́ kə́ dɔ Kərist tə́ ń mā i dəngáyá tāmən tə́ ní ō,

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

2 KORḚNTƏ 12:6

Loo kə́ beé tə́, ré m̄-gḛy i kɔr ta rɔ̄ḿ anī, mā i de kə́ mbóo alé, tɔdɔ̄ m-ə́da i najə̄ kə́ rɔ̄kum. Ba m̄-lōō gírí, i tɔdɔ̄ m̄-gḛy kadə̄ deē gír̄ na mā m̄-tɔȳ yá̰á̰ ń ni-a̰a̰m̄ loo rāā tə́ ní aĺ ō, mā m̄-tɔȳ yá̰á̰ ń ni-oō najə̄n taḿ tə́ ní aĺ ō.

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

MATIYE 24:45

Nge kəla kə́ nge ra dɔ ndūn tə́ ō, kə́ nge kum kedə̄ ō ń kɔ́ɔ̄n əndā kəla ka̰a̰ gō ngé kəla madə̄n gə̄ dɔn tə́, kadə̄ adə̄də́ yá̰a̰ kəsa yādə́ kə kum mbangneé ní i náā?

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

1 TIMOTE 3:6

Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

1 KORḚNTƏ 4:13

Ré tetən̄ najə̄ dɔjí tə́ anī, j-ədadə́ najə̄ kə́ to sɔl̄ kem. Bátə́ ɓōólaā gə̄gē ní, jə-to i tītə̄ dɔ bū loo beé tām̄ yā de kə́ dɔ nang tə́ gə̄ tə́, jə-to i tītə̄ yá̰á̰ kə́ de gə̄ ɓōkə́n̄ kɔ̄ɔ́ beē.

1 KORḚNTƏ 3:5

Ní, Apolos i náā ō, Pol i náā ō? Nin̄ i ngé rāā kəla gə̄ yā Nə́ɓā kə́ ī-taāī kem i kə kūl̄də́ ngóy. Nin̄ kógə̄ḿ kógə̄ḿ ní rāān̄ kəla i kə gō tɔ́gə́ ń Kɔ́ɔ̄ɓē adə̄də́ ní.

1 KORḚNTƏ 2:7

I kum kedə̄ yā Nə́ɓā kə́ to loo mundə̄ tə́, kə́ ɓɔ̄ɔ̄n̄ dɔ kɔ̄ɔ́, ba Nə́ɓā əndā dɔ danaá tām̄ kɔsə gɔn yājí tə́ kété pá tá kadə̄ ni-əndā dɔ rā̰ ō dɔ nang ō ɓáý ní n jə-ndóō de gə̄ ní.

MARK 4:11

dəjenən̄ gír kūjə́ najə̄ gə̄ ní, anī ni-ədadə́ na: I sḭḭ̄ n Nə́ɓā adə̄sí ta róbə kadə̄ ī-gerī yá̰á̰ kə́ to loo mundə̄ tə́ kə́ dɔ Ɓē ko̰o̰ yā Nə́ɓā tə́, banī tām̄ yā ngé kə́ ndágá gə̄ tə́ ní, yá̰a̰ gə̄ malang reēn̄ i kə kūjə́ najá,

MATIYE 13:11

Ni-tél ədadə́ na: I tām̄ rāā kə́ Nə́ɓā rāā adə̄ sḭḭ̄ ī-gerī yá̰á̰ kə́ loo mundə̄ tə́ gə̄ kə́ dɔ Ɓē ko̰o̰ kə́ dɔ rā̰ tə́ ba ɔgə̄ ngé gə̄ ń noō ger̄.

Najə̄ kə́ Majə yā Jeju ń Luk ndang ní 8:10

Anī ni tūr̄ ədadə́ na: I sḭḭ̄ n Nə́ɓā rāā adə̄ ī-gerī yá̰á̰ kə́ dɔ Ɓē ko̰o̰ yān tə́ gə̄ ń ton̄ loo mundə̄ tə́ kété ní. Ba gotə de kə́ rang gə̄ ní a ɔjən̄də́ i kə kūjə́ najá yā kadə̄ nin̄-a̰a̰n̄ loo, ba a̰a̰n̄ yá̰a̰ aĺ ō, oōn̄ loo ba gerə̄n̄ kum najə̄ ń oōn̄ ní aĺ ō.

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.