1 KORḚNTƏ 3:9 - Bibəl ta Sar̄

⁹ Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.

Bible sar

⁹ Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.

1 KORḚNTƏ 3:9 Referans Kwoze

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

1 KORḚNTƏ 3:16

Sḭḭ̄ i kújə yā Nə́ɓā, adə̄ Ndíĺ Nə́ɓā ndi kemsí tə́ ní ī-gerī aĺ a?

MARK 16:20

Ba nin̄ tā a aw̄n̄ kə̄ loo gə̄ tə́ malang ɔjən̄ najə̄. Kɔ́ɔ̄ɓē rāā kəla sedə́, adə̄də́ tɔ́gə yā rāā yá̰á̰ kə́ to kɔr kum gə̄, yā kadə̄ de gə̄ gerə̄n̄ na najə̄ ń ɔjən̄ ní i najə̄ kə́ rɔ̄kum.

MATIYE 9:37

Anī ni-əda ngé ndóō yá̰a̰ yān gə̄ na: Kōō kə́ yā kəja i ngá̰ý, ba ngé kəjan gə̄ i ngá̰ý alé,

IJAI 61:11

Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

1 KORḚNTƏ 3:6

Mā m-ə̄ndā kāgə̄ ō, Apolos i nge rāā man̄ dɔ tə́ ō, banī i Nə́ɓā n i nge rāā tá kadə̄ kāgə̄ tɔgə ní.

KOLOSƏ 2:7

Ə́laī ngərasí kemən tə́ ō, ī-raī ngan̄g dɔn tə́ ō, dɔ taā kem tə́ tītə̄ ń ndóōn̄neésí ní ō, ī-ndadī Nə́ɓā ngá̰ý ō.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

1 KORḚNTƏ 6:19

Ndíĺ kə́ Táĺ ń Nə́ɓā adə̄sí á ndi kemsí tə́ ní, rɔ̄sí i kújə ndin ní ī-gerī aĺ a? Rɔ̄sí i yá̰á̰ yāsí alé.

KƏLA RĀĀ 4:11

Jeju i deē ń ndangən̄ najə̄ ń toō dɔn tə́ kem makətūbūú ní, ndangən̄ na: Mbal̄ ń sḭḭ̄ ngé kəndā kújə gə̄ ī-mbātíī kɔ̄ɔ́ ní, tél mbal̄ kə́ majə kə́ ngəra kújə́ tə́.

3 JA̰A̰ 1:8

Adə̄ majə kadə̄ j-əhɔī de kə́ beé gə̄ kə̄ rɔ̄jí tə́, yā kadə̄ jə-téliīneé ngé rāā kəla sedə́ gə̄ tām̄ yā najə̄ kə́ rɔ̄kum tə́.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

PĀ GƏ̄ 118:22

Mbal̄ ń ngé kəndā kújə gə̄ mbátə́n̄ kɔ̄ɔ́ ní, tél mbal̄ kə́ kíĺ kújə́ tə́.

PĀ GƏ̄ 72:16

Ādə̄ ndɔr̄ taā loo kem ɓēé, bátə́ ta kaw̄ kə̄ ta tél mbal̄ gə̄ tə́ dɔɔ́. Ādə̄ dɔ kōō kə́ tū tə́ gə̄ yéȳn̄ tītə̄ kāgə̄ gə̄ kə́ Liban beé. Ādə̄ ré deē ra kem ɓēé anī, loo i mbī kámbə́ kə́ mbōl̄ malang.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

IJAI 61:5

Tə̄rā gə̄ a ndin̄ noó yā ngɔ̄m̄ batə̄ yāsí gə̄ ō. De kə́ kḭḭ loo kə́ rang tə́ gə̄ a ndɔrə̄n̄ ndɔr̄ yāsí gə̄ ō, a ndɔrə̄n̄ kāgə̄ nduú yāsí gə̄ ō.

IJAI 32:20

Banī yāsí a majə sesí, adə̄ ā ásiī dubə̄ yá̰a̰ kə̄ loo gə̄ tə́ ō, man̄ a to ngá̰ý ō, ā ásiī kəya̰ man̄g dɔɔ́ ō, kəya̰ kərō dɔɔ́ ō, kadə̄ njə̄rān̄ loo yādə́.

Gōsə̄ najə̄ gə̄ 9:1

Kum kedə̄ tə́gā bir̄ nja kújə gə̄ sīrí ba rāā kújə yān.

MATIYE 15:13

Anī ni-tél ədadə́ na: Kāgə̄ malang ń Bɔbə́ḿ kə dɔ rā̰ tə́ əndā aĺ ní, a ró̰ȳn̄də́ kɔ̄kə́.