Biblia Todo Logo
Bib sou entènèt

- Piblisite -




1 KORḚNTƏ 3:8 - Bibəl ta Sar̄

8 Nge kənda kāgə̄ ō, nge rāā man̄ dɔ tə́ ō ní, asən̄ naā. Nə́ɓā a adə̄də́ yá̰a̰ kəndā nja yādə́ kadə̄ asə kə gō kəla yādə́.

Gade chapit la Kopi

Bible sar

8 Nge kənda kāgə̄ ō, nge rāā man̄ dɔ tə́ ō ní, asən̄ naā. Nə́ɓā a adə̄də́ yá̰a̰ kəndā nja yādə́ kadə̄ asə kə gō kəla yādə́.

Gade chapit la Kopi




1 KORḚNTƏ 3:8
25 Referans Kwoze  

Sarya kə́ gō tə́ yā Nə́ɓā ní i kadə̄ náā nəkɔ́ ɓáa, kɔ́ɔ̄ a ənge yá̰a̰ i kə gō kəla rāānneé.


Ə̄ndāī kum kedə̄ dɔ rɔ̄sí sḭḭ̄ kɔ́ gə̄ tə́, na sōgə́ ī-tḭ̄ḭ̄ ta yá̰á̰ ń jə-rāā á teē yá̰á̰ ní, yā kadə̄ ə́ngeīneé kəgā yāsí kə taá malang.


Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.


Á̰a̰ā̰, m-ā m̄-reē ngɔr. Yá̰á̰ ń kadə̄ m-ə̄ndań nja de gə̄ kógə̄ḿ kógə̄ḿ sɔɔ̄ń kəla rāādə́ gə̄ ní, m-ā m̄-reēń jīḿ tə́.


Nə́ɓā əda najə̄ kógə̄ḿ, i kum najə̄ jōó n m-ōō ní, kə́ kógə̄ḿ na: Tɔ́gə i yā Nə́ɓā ō,


I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.


Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.


Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.


Majə kadə̄ náā nəkɔ́ əndā ma̰ȳ kəla rāān nəkɔ́. Ré kəla ní majanī, a ɔr ta rɔ̄n tām̄ kəla ní tə́, banī i tām̄ kəla yā de kə́ rang tə́ alé.


Deē ń kəla yān a ra ngān̄g ní, kɔ́ɔ̄ a ənge yá̰a̰ kəndā nja yān.


Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.


De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.


Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.


Deē ń a̰a̰ gō kāgə̄ kótə̄ yān ní a əsa kanə̄n gə̄. Nge kəla ń a̰a̰ gō kɔ́ɔ̄n ní a rɔȳnən̄.


Adə̄ nge kəndā kāgə̄ i yá̰a̰ aĺ ō, nge rāā man̄ dɔ tə́ i yá̰a̰ aĺ ō, ba i Nə́ɓā ń rāā tá kadə̄ kāgə̄ tɔgə ní.


Tɔdɔ̄ ká ré ngolsí gə̄ kə́ ngé ndóōsí loo njə̄rā kə Kərist gə̄ i dūbú kutə gə̄gē anī, bɔbə̄sí kə́ ta yā Kərist tə́ i kal kógə̄ḿ beē ngóy. Tām̄ najə̄ kə́ dɔ ndisí tə́ kə Jeju Kərist ní, i mā n i bɔbə̄sí loon tə́ kə ta kūl̄ kɔjəsí Najə̄ kə́ Majə ní.


I náā n rāā kəla áskar anī əgā rɔ̄n kə nar yān nəkɔ́ ní? I náā n əndā kāgə̄ nduú anī əsa kanə̄n aĺ ní? Aké i náā n ul̄ man̄g gə̄ kanjə̄ ka̰ȳ mbadə́ ní?


Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.


Anī ədan ɓáý to̰ ō na: Ḭ̄ ā ó̰o̰ ɓē gə̄ mí.


Swiv nou:

Piblisite


Piblisite