1 KORḚNTƏ 3:3 - Bibəl ta Sar̄

³ Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

Bible sar

³ Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

1 KORḚNTƏ 3:3 Referans Kwoze

JAKƏ 3:16

Tɔdɔ̄ loo ń kəndā naā nii ō, rɔ̄ɔ̄ naā dɔ yá̰á̰ tə́ ō i tū tə́ ní, yá̰a̰ a a̰a̰ gō naā tū tə́ aĺ ō, yá̰á̰ kə́ majaĺ gə̄ malang i tū tə́ ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

GALATƏ 5:15

Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

1 KORḚNTƏ 11:18

Yá̰á̰ kə́ ta kəga dɔ ní, ədamə̄n̄ na dan ń ré ī-kánī naā anī, kēgə̄ naā na to dɔ dáńsí tə́. Ba m̄-ger̄ majə kadə̄ i najə̄ kə́ sor̄ malang alé.

1 KORḚNTƏ 1:11

Ngákó̰ó̰ḿ gə̄, yá̰á̰ ń mēr̄ kadə̄ m-ɔ̄rəń najə̄ ń toō sesí ní, i tām̄ koō kə́ m-ōō ta de gə̄ yā Kəlowe tə́ na kɔ̄l̄ naā na i dansí tə́.

Makətūbə̄ ń Pol ndang adə̄ Rom gə̄ ní 13:13

Ādə̄ háĺjí i háĺ kə́ unjə̄ yā ngé njə̄rā dan kadaá gə̄: Jə-lōōī kəsa wa ō, ka̰ȳ kasə ngá̰ý ō, sāā naā loo kaya tə́ ō, jə-lōōī kɔ̄l̄ naā ō, kəndā naā nii ō.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

1 KORḚNTƏ 3:4

Dan ń deē kógə̄ḿ əda na mā i deē yā Pol ō, de kə́ rang əda na mā i deē yā Apolos ō ní, yá̰a̰ rāāsí i kə́ gō yā de kə́ dɔ nang tə́ laā gə̄ n noō aĺ a?