1 KORḚNTƏ 3:1 - Bibəl ta Sar̄

¹ Ngákó̰ó̰ḿ gə̄ tām̄ yāḿ mā tə́ ɓáa, najə̄ ń m-ɔ̄r̄ sesí kété ní, i najə̄ kə́ m-ɔ̄r̄ i kə de gə̄ kə́ Ndíl yā Nə́ɓā i kemdə́ tə́ alé, ba i kə de kə́ dɔ nang tə́ laā gēé, i tītə̄ kə́ m-ɔ̄r̄ i kə ngáń kə́ dūú gə̄ kə́ kem Kərist tə́ ɓáý beē.

Bible sar

¹ Ngákó̰ó̰ḿ gə̄ tām̄ yāḿ mā tə́ ɓáa, najə̄ ń m-ɔ̄r̄ sesí kété ní, i najə̄ kə́ m-ɔ̄r̄ i kə de gə̄ kə́ Ndíl yā Nə́ɓā i kemdə́ tə́ alé, ba i kə de kə́ dɔ nang tə́ laā gēé, i tītə̄ kə́ m-ɔ̄r̄ i kə ngáń kə́ dūú gə̄ kə́ kem *Kərist tə́ ɓáý beē.

1 KORḚNTƏ 3:1 Referans Kwoze

HEBƏRO 5:13

Deē ń a a̰ȳ i mba ɓáý ní, ni i ngōn̄ ɓáý. Adə̄ yá̰á̰ ń i yá̰á̰ kə́ gōtə́, aláa i yá̰á̰ kə́ gōtə́ aĺ ní, ni-asə ger̄ loon alé.

1 KORḚNTƏ 2:6

Ɓá tā ba yá̰á̰ ń jə-ndóō de gə̄ yā Kərist kə́ kumdə́ ɔɔ̄ kɔ̄ɔ́ gə̄ ní, i kum kedə̄. Ba i kum kedə̄ kə́ dɔ nang tə́ laā aĺ ō, i kum kedə̄ yā ngār gə̄ kə́ dɔ nang tə́ laā gə̄ ń a gətóon̄ kɔ̄ɔ́ ní aĺ ō.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

1 JA̰A̰ 2:12

Ngánə́ḿ gə̄, m̄-ndang makətūbə̄ m-ādə̄sí yā kədańsí na majaĺ yāsí gə̄ i kə́ mā̰ȳ rɔ̄ dɔ tə́ kɔ̄ɔ́ kə ta kūl̄ rī Jeju ń ī-taāī kemən ní.

GALATƏ 6:1

Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

1 KORḚNTƏ 14:37

Ré de kə́rēý taā kem kadə̄ ni i nge koō ta, aláa ni i de kə́ nge rāā yá̰a̰ gō yā Ndíl tə́ anī, majə kadə̄ ni-ger̄ kadə̄ yá̰á̰ ń m̄-ndang m-ādə̄sí ní i gō míndə́ Kɔ́ɔ̄ɓē.