1 KORḚNTƏ 2:3 - Bibəl ta Sar̄

³ Adə̄ dan ń m̄-ra nosí tə́ ní, tɔ́gə́ḿ gətóo ō, m̄-ɓōĺ ō, m̄-ndebə ō.

Bible sar

³ Adə̄ dan ń m̄-ra nosí tə́ ní, tɔ́gə́ḿ gətóo ō, m̄-ɓōĺ ō, m̄-ndebə ō.

1 KORḚNTƏ 2:3 Referans Kwoze

2 KORḚNTƏ 13:4

Ngan̄g aĺ yān rāā adə̄ əndanən̄ kə máyá̰ tū kāgə̄ kə́ dēsə́ tə́, banī ni-ndi kə kumneé i kə ta kūl̄ tɔ́gə yā Nə́ɓāá. Kə gō ɓoo ń jə-ɓoo naā seneé ní ɓáa, rāā adə̄ tɔ́gə́jí jḭḭ gətóo ō. Banī yá̰á̰ ń jə-rāā sesí ní, ɔjə kadə̄ jə-ndi i kə kumjí seneé kə ta kūl̄ tɔ́gə yā Nə́ɓāá.

2 KORḚNTƏ 13:9

Dan ń jə-ngan̄g aĺ ɓáa jə-rāā rɔ̄nel̄, banī sḭḭ̄ i de kə́ ngan̄g gə̄. I tām̄ najə̄ ń noō tə́ n jə-dəje kem ndɔ̄ȳ yājí tə́, kadə̄ ī-téliī de kə́ majə ɔtə̄ kə taá gə̄ ní.

2 KORḚNTƏ 10:10

Tām̄ de gə̄ ədan̄ na: Najə̄ ń Pol ndang kem makətūbə̄ yān gə̄ tə́ əlań ní, i najə̄ kə́ to ɓōĺ ngá̰ý gə̄ ō, i najə̄ kə́ ngan̄g ngá̰ý gə̄ ō. Ba ré nəkɔ́ i danjí tə́ anī, tɔ́gən gətóo ō, najə̄ kɔrə̄n to ngár̄ aĺ ō.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

2 KORḚNTƏ 4:16

I tām̄ najə̄ ń noō tə́ n j-əhɔń rɔ̄jí tɔgə ní. Ré rɔ̄jí kə́ ndágá a nujə i mbée gə̄gē anī, ndíĺjí kə́ kemeé a tél i kə́ kijə kə dɔ ndɔ̄ gə̄.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

KƏLA RĀĀ 18:12

Dan ń Galiyo̰ a o̰o̰ń ɓē kə́ Akayi ní, Jipə gə̄ malang əndān̄ rɔ̄də́ naā tə́ ba oōn̄ kum Pol alé. Nin̄-aw̄n̄ seneé loo sarya tə́,

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

2 KORḚNTƏ 7:5

Tɔdɔ̄ dan ń j-ugə̄ dɔ nang kə́ Masedəwan tə́ ní, j-ɔr̄ koō aĺ bátə́. Wur kɔl əsō dɔjí tə́ kə ta róbə́ kə́ tayā tayā gēé: J-a jə-rɔ̄ɔ̄ kə de kə́ rang gēé ō, ɓōĺ i kemjí tə́ ō.

KƏLA RĀĀ 17:1

Pol nin̄ kə Silas əndan̄ nang kə́ Ampipolis ō, kə́ Apoloni ō gāngə̄n̄, ba aw̄ ugə̄n̄ kem ɓē kə́ Tesalonik tə́. Kújə́ kán̄ naā yā Jipə gə̄ i kem ɓē ní tə́.

KƏLA RĀĀ 18:1

Gō tə́ anī Pol ḭḭ Aten aw̄ Korḛntə.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

2 KORḚNTƏ 7:15

Ba tár yā Titə kə́ tām̄ yāsí tə́ i ngá̰ý tɔȳ kə́ kété ɓáý, dan ń əga kemən dɔ koō ń sḭḭ̄ malang ōōī najə̄ tají tə́ ō, ə́hɔniī kə̄ rɔ̄sí tə́ kə ɓōló ō, kə rɔ̄ ndeweé ō tə́ ní.

EPEJƏ 6:5

Ɓəlo gə̄, ōōī ta kɔ́ɔ̄sí kə́ dɔ nang tə́ laā gə̄ kə ɓōló ō, kə rɔ̄ ndeweé ō, kə kem kə́ rɔ̄kumuú ō, tītə̄ ń ī-rāāīneé kə Kərist ní.