1 KORḚNTƏ 2:1 - Bibəl ta Sar̄

¹ Ngákó̰ó̰ḿ gə̄, dan ń mā i loosí ní, m-ɔ́jə́sí yá̰á̰ kə́ to loo mundə̄ tə́ yā Nə́ɓā i kə najə̄ kə́ loo ger̄ kumən ngan̄g ngá̰ý, aláa i kə kum kedēé alé.

Bible sar

¹ Ngákó̰ó̰ḿ gə̄, dan ń mā i loosí ní, m-ɔ́jə́sí yá̰á̰ kə́ to loo mundə̄ tə́ yā Nə́ɓā i kə najə̄ kə́ loo ger̄ kumən ngan̄g ngá̰ý, aláa i kə kum kedēé alé.

1 KORḚNTƏ 2:1 Referans Kwoze

1 KORḚNTƏ 1:17

Tɔdɔ̄ Kərist əlam̄ i rāā de gə̄ batém tə́ alé, ba i kɔjə de gə̄ Najə̄ kə́ Majə tə́, kanjə̄ kɔjədə́ kə kum kedə̄ najə̄ yā deé. Tɔdɔ̄ ré i beé anī, koy ń Kərist oy tū kāgə̄ kə́ dēsə́ tə́ ní, a tél i yá̰á̰ kə́ karī.

1 KORḚNTƏ 2:13

Ba j-ɔr̄ najə̄ yá̰a̰ gə̄ ní i kə najə̄ ń ngé kum kedə̄ gə̄ ndóōn̄jí ní alé, banī i kə najə̄ ń Ndíl Nə́ɓā ndóōjí ní. Adə̄ i tītə̄ ń noō n j-ɔjəń ngé kənge Ndíl ngeé ń toō gə̄ najə̄ kə́ rɔ̄kum gə̄ yā Ndíĺ ní.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

Teē Ngán Israel gə̄ 4:10

Moijə əda Kɔ́ɔ̄ɓē na ni na i de kə́ n-ger̄ kɔr̄ najə̄ alé na i ɓatə, na i tagə́bēé laā aĺ ō, na i tagə́ ndɔ̄ tə́ aĺ ō, na i kum mbang ń na a ɔrə̄ń najə̄ seneé tə́ toō aĺ ō. Ni na i de kə́ tan ɔȳ ngá̰ý dɔ najə̄ tə́ na i jóo.

2 KORḚNTƏ 11:6

Ré m̄-ger̄ kɔr̄ najə̄ aĺ gə̄gē anī, m̄-ger̄ yá̰a̰ aĺ alé. J-ɔjəsí tū yá̰a̰ gə̄ tə́ malang kadə̄ jḭḭ i de kə́ ger̄ yá̰a̰ gə̄.

JEJU TEĒ KUM JA̰A̰ 1:2

Ja̰a̰ əda najə̄ kə́ kum tə́ yān əda na yá̰a̰ malang ń n-a̰ā̰ ní na i najə̄ yā Nə́ɓā ō, i najə̄ kə́ kum tə́ yā Jeju Kərist ō.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

1 KORḚNTƏ 1:6

Tɔdɔ̄ najə̄ kə́ kum tə́ kə́ kəda dɔ Kərist tə́ əla ngəran ngan̄g ngá̰ý dansí tə́,

KƏLA RĀĀ 22:18

Anī m-á̰á̰ Kɔ́ɔ̄ɓē loo kɔr̄ najə̄ tə́ seḿ, ni-ədam̄ na kə m̄-lōō kɔr̄ bā̰ā̰ ba kə m̄-teē kɔ̄ɔ́ láẃ kem ɓē kə́ Jerusalem tə́, tɔdɔ̄ de kə́ kemeé gə̄ na a ndigən̄ najə̄ ń m-ā m-ə́da dɔn tə́ ní alé.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

1 TIMOTE 1:11

Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

2 KORḚNTƏ 10:10

Tām̄ de gə̄ ədan̄ na: Najə̄ ń Pol ndang kem makətūbə̄ yān gə̄ tə́ əlań ní, i najə̄ kə́ to ɓōĺ ngá̰ý gə̄ ō, i najə̄ kə́ ngan̄g ngá̰ý gə̄ ō. Ba ré nəkɔ́ i danjí tə́ anī, tɔ́gən gətóo ō, najə̄ kɔrə̄n to ngár̄ aĺ ō.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

1 KORḚNTƏ 2:7

I kum kedə̄ yā Nə́ɓā kə́ to loo mundə̄ tə́, kə́ ɓɔ̄ɔ̄n̄ dɔ kɔ̄ɔ́, ba Nə́ɓā əndā dɔ danaá tām̄ kɔsə gɔn yājí tə́ kété pá tá kadə̄ ni-əndā dɔ rā̰ ō dɔ nang ō ɓáý ní n jə-ndóō de gə̄ ní.