1 KORḚNTƏ 15:3 - Bibəl ta Sar̄

³ Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

Bible sar

³ Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ *Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

1 KORḚNTƏ 15:3 Referans Kwoze

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

GALATƏ 1:12

Tá i deē n ɔjəm̄ aĺ ō, ndóōm̄ aĺ ō, ba i Jeju Kərist nəkɔ́ n teē kumḿ dɔ tə́ ní.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

EJEKIEL 3:17

Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán Israel gə̄ tə́. Ā ōō najə̄ kɔrə̄ḿ ō, ā ī-tāā ngán Israel gə̄ yā kadə̄m̄ ō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 KORḚNTƏ 11:23

Tɔdɔ̄ yá̰á̰ ń Kɔ́ɔ̄ɓē ɔjəm̄ mā á mā m-ɔ́jə́sí kə̄ kété ní n toó: Ndɔ̄ɔ́ ndɔ̄ ń a əlan̄neé Kɔ́ɔ̄ɓē Jeju jī de gə̄ tə́ ní, ni-un mápa,

KƏLA RĀĀ 3:18

Nə́ɓā əda kété kə ta kūl̄ ngé koō ta gə̄ malang na Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 3:25

I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

HEBƏRO 5:3

Ba dan ń tɔ́gən nəkɔ́ gətóo ní, i gáŕ kadə̄ ni-ndējə̄ Nə́ɓā yá̰a̰ tun̄ gə̄ kə́ tām̄ yā majaĺ yān gə̄ tə́ ō, tītə̄ ń ni-ndējə̄ń tām̄ yā de gə̄ ní tə́.

HEBƏRO 5:1

Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

1 KORḚNTƏ 11:2

m̄-tɔ̄ȳsí, tɔdɔ̄ tū yá̰a̰ gə̄ tə́ malang ní əga kemsí dɔḿ tə́ ō, yá̰a̰ gə̄ ń m-ɔ́jə́sí kə̄ kété ní sḭḭ̄ úniī gō ō.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

Najə̄ kə́ Majə yā Jeju ń Luk ndang ní 24:25

Anī Jeju ədadə́ na: Sḭḭ̄ ní kur̄ dɔsí gətóo, tá ɔ́riī bā̰ā̰ ngá̰ý loo taā kem yá̰a̰ gə̄ malang ń ngé koō ta gə̄ ədan̄ tə́ ní.

KƏLA RĀĀ 8:32

Ba najə̄ ń ndi a tə́dá ní n toó: Ni to i tītə̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ ngōn̄ batə̄ kə́ ra tan mbóo no nge dəsā bḭḭ̄n tə́ beē, ni-tḛḛ̄ tan mḛḛ alé.

KƏLA RĀĀ 17:2

Anī Pol aw̄ gōdə́ tə́ kem kújə́ ní tə́ tītə̄ ń i jī bēl̄ loo rāān yān ní. Ni-ɔr̄ najə̄ sedə́ kə dɔ ndɔ̄ sabat gə̄ mətá kə gō naá.