1 KORḚNTƏ 13:4 - Bibəl ta Sar̄

⁴ Tár a əre rɔ̄n, ni i de kə́ majə, ni a ndə̄ngā yá̰a̰ alé. Ni a tɔ̄ȳ rīn aĺ ō, a ɔjə rɔ̄n aĺ ō.

Bible sar

⁴ Tár a əre rɔ̄n, ni i de kə́ majə, ni a ndə̄ngā yá̰a̰ alé. Ni a tɔ̄ȳ rīn aĺ ō, a ɔjə rɔ̄n aĺ ō.

1 KORḚNTƏ 13:4 Referans Kwoze

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

Gōsə̄ najə̄ gə̄ 10:12

Kim̄ i yá̰á̰ kə́ a ojə kɔ̄l̄ naā, banī tár i yá̰á̰ kə́ a əndā njan dɔ yá̰á̰ kə́ gōtə́ aĺ gə̄ tə́ malang.

1 JA̰A̰ 4:11

Kó tár yāḿ gə̄, ré Nə́ɓā táŕjí tītə̄ ń noō anī, i gáŕ kadə̄ jə-táriī naā ō.

Gōsə̄ najə̄ gə̄ 17:9

Nge kəndā njan dɔ yá̰a̰ rāā kə́ gōtə́ aĺ tə́ i de kə́ nge sāā tár, tél reē dɔ yá̰a̰ rāā kə́ gōtə́ aĺ tə́ a kēgə̄sí naā tə́ kə madí.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

2 PIYER 1:7

ə̄ndāī rāā tɔdɔ̄ naā yā ngákó̰o̰ naā gə̄ dɔ rāā yá̰a̰ kə gō ń Nə́ɓā ndigə ní tə́ ō, ə̄ndāī tár dɔ rāā tɔdɔ̄ naā yā ngákó̰o̰ naā gə̄ tə́ ō.

EPEJƏ 4:2

Ɔ́jiī rɔ̄sí aĺ ō, ādī dɔsí sɔl̄ ō, ə́reī wursí njam ō. Ī-tə́gāī tasí dɔ naā tə́ sɔɔ̄ń táŕ kə́ ī-táriī naā ō.

2 KORḚNTƏ 6:6

J-ɔjə kə̄ ndágá kadə̄ jḭḭ i ngé rāā kəla gə̄ yā Nə́ɓā, i kə ta kūl̄ háĺjí kə́ unjə̄ njáý njáý ō, ger̄ yá̰a̰ yājí ō, tə́gā ta yājí ō, kem majə yājí ō. I kə ta kūl̄ Ndíĺ kə́ Táĺ ō, tár yājí kə́ rɔ̄kum ō,

Gōsə̄ najə̄ gə̄ 19:22

Yá̰á̰ ń a sāān̄ rɔ̄ deē tə́ ní i kadə̄ ni i de kə́ nge rāā kem majə. De kə́ ndoō i só tə́ tɔȳ de kə́ nge sor̄.

KOLOSƏ 1:11

Tɔ́gə yān kə́ to kɔsə gɔn a rāā sesí kə ngangāá ngá̰ý kadə̄ ə́hɔīń rɔ̄sí tɔgə ō, ī-tə́gāiń tasí ō, tū yá̰a̰ gə̄ tə́ malang.

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

1 KORḚNTƏ 4:6

Ngákó̰ó̰ḿ gə̄, m̄-tūr̄ najə̄ ń toō m̄-reēń dɔ Apolos tə́ ō, dɔḿ mə̄kɔ́ tə́ ō, i tām̄ yāsí tə́, kadə̄ ī-rāāījí yá̰á̰ ndájə̄ tə́, ba ī-ndóōī loo kɔjə rɔ̄sí kə ta kūl̄ ndigə najə̄ gō de kə́rēý tə́, ba mbātə́nń najə̄ gō de kə́ noō tə́ alé.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

2 TIMOTE 3:10

Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

Gōsə̄ najə̄ gə̄ 31:26

Ni ɔr̄ najə̄ i kə kum kedēé ō, ger̄ kɔjə̄ deē kə tárá ō.

Gōsə̄ najə̄ gə̄ 31:20

Ni teē jīn rāań kə nge rɔ̄ tō ndoó ō, əla jīn adə̄ nge ndoō ō.

Gōsə̄ najə̄ gə̄ 17:14

Kəla gíŕ tṵ́ṵ̄ naā i tetə babəra kadə̄ man̄ mānəń. Ɔ̄r̄ rɔ̄í kɔ̄ɔ́ kété pá tá ādə̄ kɔ̄l̄ bo!

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

KƏLA RĀĀ 7:9

Kaají gə̄ ní əndān̄ Jəjep nii ba igən̄ seneé kadə̄ aw̄n̄ seneé Ejiptə tə́, banī Nə́ɓā i seneé.

KOHELET 10:4

Ré wōn̄g rāā ngār yāí anī ī-lōō kəya̰ ta kəla yāí kɔ̄ɔ́. Tɔdɔ̄ ángal kə́ sɔl̄ lɔm ɔgə̄ kadə̄ yá̰á̰ kə́ gōtə́ aĺ ngá̰ý gə̄ rāān̄ yá̰a̰.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

PĀ GƏ̄ 10:5

Kəla rāān gə̄ i kə́ a teēnən̄ yá̰á̰ tə́ ngándáńg. Sarya gān̄g Nə́ɓā rāā yá̰á̰ kógə̄ḿ seneé alé. Ni tībə̄ hōr̄ dɔ madə̄ ba̰ā̰n gə̄ tə́ malang.

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

1 TIMOTE 6:4

ni i de kə́ kɔjə rɔ̄ ādə̄n dɔ bo ō, ni i de kə́ ger̄ yá̰a̰ aĺ ō. Ngur nējə̄ naā najə̄ ō, kəhɔ naā najə̄ tə́ kə́ dan gān̄g aĺ ō i kemən tə́, adə̄ rāān kə́ mo̰y tə́. Nge ń noō a reē i kə kəndā naā nií ō, kɔ̄l̄ naá ō, tájə̄ naá ō, tetə kem kə́ majaĺ ō,

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

TA KƏLA 37:11

Ngákó̰o̰n gə̄ əndānən̄ ni ba bɔbə̄n tá ngɔ̄m̄ najə̄ ní kemən tə́.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

1 KORḚNTƏ 4:18

De kə́rēý gə̄ dansí tə́ gírə̄n̄ kadə̄ m-ā m̄-tél yā kaw̄ loosí to̰ alé, adə̄ nin̄-ɔjən̄ rɔ̄də́ ngá̰ý.

Makətūbə̄ ń Pol ndang adə̄ Rom gə̄ ní 13:13

Ādə̄ háĺjí i háĺ kə́ unjə̄ yā ngé njə̄rā dan kadaá gə̄: Jə-lōōī kəsa wa ō, ka̰ȳ kasə ngá̰ý ō, sāā naā loo kaya tə́ ō, jə-lōōī kɔ̄l̄ naā ō, kəndā naā nii ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

PILIPƏ 1:15

Kə́ rɔ̄kum tə́ tā anī ngé kə́rēý gə̄ dandə́ tə́ ní, i ngur kɔjə najə̄ ō, i nii kə́ kemdə́ tə́ ō n ɔsə sedə́ ta kɔjə najə̄ ní. Banī kə́ madə̄ gə̄ ɔjən̄ najə̄ yā Kərist i kə gír̄ kə́ majaá kemdə́ tə́.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

1 KORḚNTƏ 5:2

Ba ī-raī dɔ tə́ noō na ɔ́jiī rɔ̄sí ngá̰ý ɓáý to̰! Deē ń rāā yá̰á̰ ń noō ní, majə kadə̄ wōn̄g rāāsí ba ɔ̄r̄niī kɔ̄ɔ́ dansí tə́. Banī sḭḭ̄ ī-rāāī nge ń noō alé.

MATIYE 27:18

Tɔdɔ̄ ni ger̄ majə kadə̄ i nii n rāādə́ á nin̄-əlan̄ Jeju jīn tə́ ní.

TA KƏLA 30:1

Dan ń Rasel a̰ā̰ kadə̄ ni ojə ngán gə̄ kə Jakobó aĺ anī, rāā ni kə ngōkó̰o̰n kə́ dəyá̰, adə̄ əda Jakob na ré ojə ngán gə̄ seneé aĺ a n-a n-oy.