1 KORḚNTƏ 13:2 - Bibəl ta Sar̄

² Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

Bible sar

² Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

1 KORḚNTƏ 13:2 Referans Kwoze

1 JA̰A̰ 4:8

Deē ń tár i kemən tə́ aĺ ní, ger̄ Nə́ɓā alé, tɔdɔ̄ Nə́ɓā i tár.

1 KORḚNTƏ 13:3

Ká ré m-ādəń i ngé ɓō gə̄ yá̰a̰ yāḿ malang adə̄ əsan̄ gə̄gē, aláa m-ə̄nań i rɔ̄ḿ horoó adə̄ hor o̰o̰ń gə̄gē, ré m̄-tár aĺ anī, yá̰á̰ kógə̄ḿ kə́ kadə̄ m-ə́ngé gírí gətóo.

MATIYE 17:20

Anī Jeju tél ədadə́ na: I tɔdɔ̄ sḭḭ̄ ī-taāī kem mámák alé. Ādə̄ m-ə́dásí najə̄ kə́ bo ngá̰ý, ré taā kem yāsí dūúnń i tītə̄ kum mutardə gə̄gē, ré ədaī mbal̄ n toō na kə ndɔ́tə̄ laā kɔ̄ɔ́ ba kə aw̄ nú anī, a ndɔ́tə̄ ō, yá̰á̰ kə́ dum̄sí a gətóo ō.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

MATIYE 21:21

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, ré ī-taāī kem ba kemsí tɔ́sə̄sí dɔ tə́ aĺ anī, i yá̰á̰ ń m̄-rāā kə kāgə̄ kótōó toō ngóy n ā ī-rāāī ní alé. Mbal̄ ń ra toó gə̄gē, ré ə́daniī na kə ɔtə kɔ̄ɔ́ loo ń toō tə́, ba kə aw̄ kə əsō kum bā bo tə́ anī, a ɔtə yā kaw̄ kəsō kum bā bo tə́.

EPEJƏ 3:4

Adə̄ ré ī-tə́daī anī, ā ī-gerī kadə̄ mā ní m̄-ger̄ yá̰á̰ kə́ dɔ Kərist tə́ ń i kə́ to loo mundə̄ tə́ ní.

1 KORḚNTƏ 13:1

Ká ré m-ɔ̄rəń i ta yā de kə́ dɔ nang tə́ gə̄ ō, yā de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

GALATƏ 5:16

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

KOLOSƏ 1:26

Yá̰a̰ kə́ to loo mundə̄ tə́ gə̄ ń Nə́ɓā ngɔ̄m̄də́ loo mundə̄ tə́ kə dɔ ɓāl̄ gə̄ ɓāl̄ gə̄ ní, ngɔlaā ni-rāā adə̄ kum ngé yān gə̄ teē dɔ tə́.

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

1 KORḚNTƏ 7:19

Kəja mɔtə i yá̰á̰ kógə̄ḿ aĺ ō, kəja mɔtə aĺ i yá̰á̰ kógə̄ḿ aĺ ō. Yá̰á̰ kə́ bo i rāā yá̰a̰ kə gō míndə́ Nə́ɓāá.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

1 KORḚNTƏ 4:1

I beé ní, majə kadə̄ ī-rāāījí ngé kəla yā Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

MATIYE 21:19

Ni-a̰a̰ kāgə̄ kótə̄ kógə̄ḿ bɔ̄gə̄ róbə́ tə́ anī aw̄ gírí, banī yá̰á̰ ń ni-ənge tū tə́ ní i mbīn gə̄ ngóy. Anī əda kāgə̄ kótə̄ ní na: Ḭ̄ ā ān̄ to̰ aĺ bátə́! Anī kāgə̄ kótə̄ ní tutə njarara kə̄ ta jī tə́ noō kɔ̄ɔ́.

MATIYE 13:11

Ni-tél ədadə́ na: I tām̄ rāā kə́ Nə́ɓā rāā adə̄ sḭḭ̄ ī-gerī yá̰á̰ kə́ loo mundə̄ tə́ gə̄ kə́ dɔ Ɓē ko̰o̰ kə́ dɔ rā̰ tə́ ba ɔgə̄ ngé gə̄ ń noō ger̄.

2 KORḚNTƏ 12:11

M-ɔ̄r̄ najə̄ tītə̄ kə́ kɔ̄r̄ rāām̄ beé, ba i sḭḭ̄ n ī-raī seḿ ta rāā kɔ̄r̄ ní. Majə kadə̄ i sḭḭ̄ n ə́daī najə̄ kə́ majə yāḿ mā ní. Mā i yá̰á̰ kógə̄ḿ alé.

1 KORḚNTƏ 14:39

I beé ní ngákó̰ó̰ḿ gə̄, ādī kemsí gḛy kadə̄ ī-téliī ngé koō ta gə̄ ō, ī-lōōī kɔgə̄ de gə̄ kɔr̄ najə̄ kə ta kə́ tayā gə̄ ō.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

KƏLA RĀĀ 13:1

Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

Makətūbə̄ ń Pol ndang adə̄ Rom gə̄ ní 15:14

Ngákó̰ó̰ḿ gə̄, mə̄kɔ́ m̄-ger̄ majə kadə̄ kem majə yāsí i ngá̰ý ō, kadə̄ ī-gerī yá̰a̰ malang majə ō, ásiī kɔjə̄ naā ō.

1 KORḚNTƏ 11:4

Adə̄ de kə́ dəngam ń utə̄ dɔn a ndɔ̄yń Nə́ɓā, aláa a ədań najə̄ kə́ Nə́ɓā əndā tan tə́ ní, əla i rɔ̄sɔl̄ dɔ de kə́ dɔn tə́ tə́.

1 KORḚNTƏ 13:8

Tár a to ngándáńg. Gír kəda najə̄ kə́ Nə́ɓā əndā ta deē tə́ a gān̄g ō, gír kɔr̄ najə̄ kə ta kə́ tayā gə̄ a gān̄g ō, gíŕ yá̰a̰ ger̄ kə́ kə ta kūl̄ Ndíĺ kə́ Táĺ a gān̄g ō.

1 KORḚNTƏ 14:4

Nge ń ɔr̄ najə̄ kə ta kə́ tayā ní, mbūsə̄ i gír taā kem yān nəkɔ́ kadə̄ ngan̄g. Ba nge ń əda najə̄ kə́ Nə́ɓā əndā tan tə́ ní, mbūsə̄ i gír taā kem yā ngé kán̄ naā gə̄ malang kadə̄ ra ngan̄g.

1 KORḚNTƏ 14:29

Ba yā ngé kəda najə̄ kə́ Nə́ɓā əndā tadə́ tə́ gə̄ ní, ādə̄ de gə̄ jōó aláa mətá dandə́ tə́ ɔrə̄n̄ najə̄, ba ādə̄ gotə gə̄ əndān̄ ma̰ȳ najə̄ gə̄ ń nin̄-ɔrə̄n̄ ní.

1 KORḚNTƏ 15:51

Á̰a̰ī, m-ā m-ə́dásí yá̰á̰ kógə̄ḿ kə́ to loo mundə̄ tə́ kadə̄ ī-gerī. J-a j-oyiī malang alé, banī jḭḭ̄ malang ní rɔ̄jí a tūr̄ kɔ̄ɔ́,