Biblia Todo Logo
Bib sou entènèt

- Piblisite -




1 KORḚNTƏ 13:1 - Bibəl ta Sar̄

1 Ká ré m-ɔ̄rəń i ta yā de kə́ dɔ nang tə́ gə̄ ō, yā de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

Gade chapit la Kopi

Bible sar

1 Ká ré m-ɔ̄rəń i ta yā de kə́ dɔ nang tə́ gə̄ ō, yā *de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

Gade chapit la Kopi




1 KORḚNTƏ 13:1
22 Referans Kwoze  

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.


Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.


Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,


Tár a to ngándáńg. Gír kəda najə̄ kə́ Nə́ɓā əndā ta deē tə́ a gān̄g ō, gír kɔr̄ najə̄ kə ta kə́ tayā gə̄ a gān̄g ō, gíŕ yá̰a̰ ger̄ kə́ kə ta kūl̄ Ndíĺ kə́ Táĺ a gān̄g ō.


Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.


Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.


Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.


Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.


Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ aĺ ní, ī-mbātíī i rāā seḿ mā nəkɔ́.


Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō.


Ré mbī əda na ni na i kum alé, adə̄ ni na i ngōn̄ rɔ̄ deē aĺ ní, kədan yān ń noō a ɔgə̄ kadə̄ ni i ngōn̄ rɔ̄ deē a?


Ī-tɔ̄ȳniī kə gində̄ kə́ laa gə̄ kə́ yā kənda naā tə́ kadə̄ ɓār̄ ndū dūú gə̄ ō, kə́ ɓār̄ ndū bo gə̄ ō.


Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.


adə̄ de kə́ rang tɔ́gə rāā yá̰á̰ kə́ yáā gə̄ ō, adə̄ de kə́ rang tɔ́gə kəda najə̄ kə́ Nə́ɓā əndā tan tə́ ō, adə̄ de kə́ rang ɓáý to̰ tɔ́gə ger̄ gíŕ ndíĺ gə̄ ō, adə̄ de kə́ rang tɔ́gə kɔr̄ najə̄ kə ta kə́ tayā gə̄ ō, adə̄ de kə́ rang ɓáý to̰ tɔ́gə ger̄ kum ta kə́ tayā gə̄ ní ō.


Deē ń ɔr̄ najə̄ kə ta kə́ tayā ní, ɔr̄ i kə de gēé alé, banī i kə Nə́ɓāá, tɔdɔ̄ de kə́ ger̄ kum najə̄ kɔrə̄n gətóo. Ni-əda najə̄ kə́ rɔ̄kum gə̄ kə́ ton̄ loo mundə̄ tə́ i kə ta kūl̄ tɔ́gə́ Ndíl.


Nge ń ɔr̄ najə̄ kə ta kə́ tayā ní, mbūsə̄ i gír taā kem yān nəkɔ́ kadə̄ ngan̄g. Ba nge ń əda najə̄ kə́ Nə́ɓā əndā tan tə́ ní, mbūsə̄ i gír taā kem yā ngé kán̄ naā gə̄ malang kadə̄ ra ngan̄g.


m̄-ndigə ngá̰ý kadə̄ sḭḭ̄ malang ɔ̄rī najə̄ kə ta kə́ tayā gə̄. Banī ré ə́daī najə̄ kə́ Nə́ɓā əndā tasí tə́ anī, a nelə̄m̄ ngá̰ý tɔȳ ɓáý to̰. Nge kəda najə̄ kə́ Nə́ɓā əndā tan tə́ tɔȳ nge kɔr̄ najə̄ kə ta kə́ tayā gə̄. Ba ré nge kɔr̄ najə̄ kə ta kə́ tayā gə̄ əda kum najə̄ ní adə̄ ngé kán̄ naā gə̄ malang əngen̄neé tɔ́gə anī, nge kəda najə̄ kə́ Nə́ɓā əndā tan tə́ tɔȳn alé.


Anī deē kógə̄ḿ ɔr̄ najə̄ adə̄ m-ōō ndūn dɔ rā̰ tə́ tītə̄ kōō man̄ kə́ ɓār̄ ngá̰ý beē ō, tītə̄ kōō man̄ kə́ ndang ngá̰ý beē ō. Ba ndūn ń m-ōō ní ɓār̄ tītə̄ kōō kənde gə̄ kə́ ngé kugədə́ gə̄ a ugən̄ beé.


Swiv nou:

Piblisite


Piblisite