1 KORḚNTƏ 10:1 - Bibəl ta Sar̄

¹ Ngákó̰ó̰ḿ gə̄, m̄-gḛy kadə̄ ī-ndiī kanjə̄ ger̄ yá̰á̰ ń rāā kaají gə̄ kété ní alé. Nin̄ malang ní ndin̄ gír kil̄ man̄ tə́ ō, gāngə̄n̄ bā bo ō.

Bible sar

¹ Ngákó̰ó̰ḿ gə̄, m̄-gḛy kadə̄ ī-ndiī kanjə̄ ger̄ yá̰á̰ ń rāā kaají gə̄ kété ní alé. Nin̄ malang ní ndin̄ gír kil̄ man̄ tə́ ō, gāngə̄n̄ bā bo ō.

1 KORḚNTƏ 10:1 Referans Kwoze

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

PĀ GƏ̄ 105:39

Ni utə̄ dɔdə́ kə kil̄ maná ō, adə̄də́ hor kógə̄ḿ adə̄ a̰a̰n̄neé loo ndɔ̄ɔ́ ō.

HEBƏRO 11:29

I kə ta kūl̄ taā kem n ngán Israel gə̄ gāngə̄n̄ bā ń a ɓār̄nən̄ kə́ kərē tītə̄ dɔ nang kə́ man̄ gətóo tū tə́ ní. Ba dan ń de kə́ Ejiptə gə̄ nāān̄ rāā tītə̄ yādə́ anī man̄ ɔr tan dɔdə́ tə́.

1 KORḚNTƏ 14:38

Ba ré de kə́rēý ger̄ kadə̄ i ndū Kɔ́ɔ̄ɓē aĺ anī, kumən na Nə́ɓā ger̄ deē ní alé.

PĀ GƏ̄ 78:53

Ni ɔr nodə́ aw̄ sedə́ kanjə̄ kadə̄ yá̰á̰ kógə̄ḿ rāādə́ ō, nin̄ ɓōlə́n̄ aĺ ō. Ba adə̄ bā bo ɔr tan dɔ madə̄ ba̰ā̰də́ gə̄ tə́.

PĀ GƏ̄ 66:6

Ni-rāā bā bo adə̄ tél loo kə́ aȳ sáẃ sáẃ, rāā adə̄ de gə̄ gāngə̄n̄ bā kanjə̄ kadə̄ man̄ ɔdə njadə́. Ādə̄ jə-rāāī rɔ̄nel̄ yá̰á̰ kə́ bo ngá̰ý ń noō.

NEHEMI 9:19

Banī kumií o̰o̰ī ngá̰ý adə̄ ə́yá̰də́ kɔ̄ɔ́ kem dəla loo tə́ alé. Kil̄ man̄ kə́ ra kə ngālāá ɓururu ń a ɔjədə́ róbə kadaá ní ɔr̄ rɔ̄n kɔ̄ɔ́ rɔ̄də́ tə́ aĺ ō, hor kə́ ra kə ngālāá ɓururu ń a a̰a̰n̄neé loo dɔ róbə́ njə̄rādə́ tə́ ní ɔr̄ rɔ̄n kɔ̄ɔ́ rɔ̄də́ tə́ aĺ ō.

JOJUE 4:23

Tɔdɔ̄ Kɔ́ɔ̄ɓē Nə́ɓā yāsí rāā adə̄ bā Jurdḛ iī kɔ̄ɔ́ adə̄ ī-mānīiń, tītə̄ ń ni rāań adə̄ bā tə̄ɓā gə̄ iīń kɔ̄ɔ́ tām̄ yājí tə́ adə̄ jə-mānəń ní.

NDŪ NAJƏ̄ 1:33

Tá i ni n i nge njə̄rā kété nosí tə́ yā sāań loo kə́ yā kadə̄ ī-ndiī tū tə́ ní. Ndɔ̄ɔ́ anī ni i sesí kum hor kə́ ra kə ngālāá ɓururu ń kadə̄ á̰a̰īń loo dɔ róbə́ ń ī-njə̄rāī tū tə́ ní tə́ ō, kadaá anī ni i sesí tū kil̄ man̄ kə́ ra kə ngālāá ɓururu tə́ ō.

TƏ́DA 33:8

Ḭḭn̄ loo ń sɔɔ̄n̄ ta naā kə Pi Hahirot ní tə́ gāngə̄n̄ bā bo ba aw̄n̄ kem dəla loo tə́. Nin̄ njə̄rān̄ kem dəla loo kə́ Etam tə́ ndɔ̄ mətá tá ugə̄n̄ Mara.

TƏ́DA 14:14

ədan̄ de kə́ gō nang ń toō tə́ gə̄ gotə adə̄ oōn̄ ō. Nin̄ ń toō gerə̄n̄ kadə̄ ḭ̄ Kɔ́ɔ̄ɓē ḭ̄ i naā tə́ kə de gə̄ yāí gēé ō, ā ɔ́jə́də́ rɔ̄í ō, ā á̰a̰ī ta kum naā ō. Nin̄ gerə̄n̄ kadə̄ i ḭ̄ n i nge ngɔ̄m̄ deē yāí gə̄ ní, tām̄ ī-njə̄rā nodə́ tə́ kadaá dan kil̄ man̄ kə́ ra kə ngālāá ɓururu tə́ ō, ī-njə̄rā nodə́ tə́ ndɔ̄ɔ́ dan hor kə́ ra kə ngālāá ɓururu tə́ ō.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

1 KORḚNTƏ 12:1

Ń toō ɓáa j-a̰a̰ī najə̄ yā yá̰a̰ gə̄ ń Ndíĺ kə́ Táĺ a adə̄ de gə̄ karī ní tā. Ngákó̰ó̰ḿ gə̄, m̄-sāā kadə̄ ī-gerī najə̄ kə́ rɔ̄kum kə́ dɔ yá̰a̰ gə̄ ń Ndíĺ kə́ Táĺ a adə̄ de gə̄ karī tə́ ní.

Makətūbə̄ ń Pol ndang adə̄ Rom gə̄ ní 4:11

Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Makətūbə̄ ń Pol ndang adə̄ Rom gə̄ ní 11:21

Tɔdɔ̄ ré Jipə gə̄ ń i ta jī kāgə̄ olibə kə́ ɓēé gə̄ ní, Nə́ɓā tə́gādə́ kɔ̄ɔ́ anī, ḭ̄ ń i kə́ ndə̄mā dɔɔ́ ní tá a əya̰ī a?

JA̰A̰ 4:20

Kaají gə̄ rɔȳn̄ Nə́ɓā i dɔ mbal̄ ń toō tə́, ba sḭḭ̄ ə́daī na gáŕ loo rɔȳ na i Jerusalem.

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.