1 KORḚNTƏ 1:9 - Bibəl ta Sar̄

⁹ Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.

Bible sar

⁹ Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.

1 KORḚNTƏ 1:9 Referans Kwoze

2 TESALONIK 3:3

Banī Kɔ́ɔ̄ɓē i nge ra dɔ ndūn tə́. Ni a mbūsə̄sí ō, a ngɔ̄m̄sí najə̄ yā Nge kem Ndul tə́ ō.

HEBƏRO 10:23

Jə-ngɔ̄mī yá̰á̰ ń j-əndāī kemjí dɔ tə́ á j-ədaī najə̄n ní. Tɔdɔ̄ Nə́ɓā ń ənī míndən adə̄jí ní i nge ra dɔ ndūn tə́.

NDŪ NAJƏ̄ 7:9

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

PĀ GƏ̄ 100:5

Tɔdɔ̄ Kɔ́ɔ̄ɓē i de kə́ majə, kem majə yān to ngándáńg ō, ni i de kə́ nge ra dɔ ndūn tə́ kə dɔ ɓāl̄ gə̄, ɓāl̄ gə̄ ō.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

2 KORḚNTƏ 1:18

Nə́ɓā i de kə́ kum tə́ yāḿ, najə̄ ń j-ɔr̄ sesí ní, i a̰á̰ā̰ ō tél i hó̰ō̰ alé.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

1 JA̰A̰ 4:13

I tām̄ kadə̄ ń ni-adə̄jí Ndílən ní n jə-gerīneé kadə̄ jḭḭ̄ i kemən tə́ ō, ni i kemjí tə́ ō ní.

HEBƏRO 11:11

I kə ta kūl̄ taā kem n Nə́ɓā rāā adə̄ Sara asə kənge ngōn̄ ní. Ni-tɔgə ɓə́ga kɔ̄ɔ́, banī taā kem kadə̄ Nə́ɓā i nge ra dɔ ndūn tə́.

Makətūbə̄ ń Pol ndang adə̄ Rom gə̄ ní 9:24

Tɔdɔ̄ jḭḭ̄ i kə́ Nə́ɓā ɓāŕjí i dan Jipə gə̄ tə́ ngóy alé, banī i dan nápar de kə́ rang gə̄ tə́ ō.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

2 TESALONIK 2:14

Nə́ɓā ɓāŕsí kadə̄ ájiī i kə ta kūl̄ Najə̄ kə́ Majə ń j-ɔjəsí ní, yā kadə̄ ə́ngeī kɔsə gɔn yā Kɔ́ɔ̄ɓē yājí Jeju Kərist.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

IJAI 11:5

Tām̄ yān tə́ ɓáa yá̰a̰ rāā kə́ gōtə́ ō, ra dɔ ndū tə́ ō, a ton̄ i tītə̄ ndāŕ ń deē a do̰ō̰ ɓōdə̄n tə́ ngándáńg ní beē.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

EPEJƏ 3:6

Yá̰á̰ kə́ to loo mundə̄ tə́ ni n toō: De gə̄ ń nin̄ i Jipə aĺ gə̄ ní, a əngen̄ yá̰á̰ ń Nə́ɓā ngɔ̄m̄ tām̄ yā deē yān gə̄ tə́ ní, naā tə́ kə Jipə gēé, i kə ta kūl̄ Najə̄ kə́ Majaá. Nin̄-rāān̄ rɔ̄də́ i rɔ̄ Kərist tə́ ō, míndə́ Nə́ɓā ń ənī najə̄ yā Kərist Jeju tə́ ní, i tām̄ yādə́ nin̄ tə́ ō.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

GALATƏ 1:15

Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.

1 KORḚNTƏ 10:16

Ī-gírī dɔ kópə tɔ́r̄ ta ń jə-ndadə̄ j-adī Nə́ɓā tāmən tə́ ní tə́: Dan ń j-a̰yī yá̰á̰ kə́ kemeé ní, ɓoojí naā tə́ kə mósə Kərist aĺ a? Tá mápá ń jə-gángī naā tə́ ní: Dan ń j-əsaī ní ɓoojí naā tə́ kə rɔ̄ Kərist aĺ a?

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 11:17

Ngán Israel gə̄ rāān̄ rɔ̄də́ i kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní.

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.