1 KORḚNTƏ 1:8 - Bibəl ta Sar̄

⁸ I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju Kərist tə́ ō ní.

Bible sar

⁸ I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju *Kərist tə́ ō ní.

1 KORḚNTƏ 1:8 Referans Kwoze

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

KOLOSƏ 1:22

ngɔlaā lɔm to dɔ dáńsí tə́ kə Nə́ɓāá, sɔɔ̄ń koy ń Kərist oy ní. Adə̄ sḭḭ̄ i deē yān kə́ táĺ gə̄ kə́ najə̄ gətóo dɔsí tə́ ō, yá̰a̰ rāāsí kə́ majaĺ gətóo ō.

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

2 TESALONIK 3:3

Banī Kɔ́ɔ̄ɓē i nge ra dɔ ndūn tə́. Ni a mbūsə̄sí ō, a ngɔ̄m̄sí najə̄ yā Nge kem Ndul tə́ ō.

EPEJƏ 5:27

Ni-gḛy kadə̄ ta kumən tə́ ɓáa ngé kán̄ naā gə̄ ngeé ń toō ton̄ tītə̄ dəyá̰ kə́ ndə́lē pipir ō, kə́ yə̄ró ɔdən aĺ ō, kə́ rɔ̄n sá̰ā̰ kīdə́ aĺ ō, kə́ dām̄ rɔ̄n sḛ́ý kə́ nujə gətóo ō. Ni-gḛy kadə̄ ngé kán̄ naā yān gə̄ ní i de kə́ táĺ gə̄, kə́ najə̄ kə́ yā kəda dɔdə́ tə́ gətóo.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

2 KORḚNTƏ 1:21

Banī nge ń mbūsə̄jí kadə̄ jə-ra ngan̄g naā tə́ sesí kem Kərist tə́ ō, ur yibə̄ dɔjí tə́ ɔrə̄ń kam̄jí ō ní i Nə́ɓā.

PĀ GƏ̄ 37:17

Tɔdɔ̄ jī ngé kem ndul gə̄ a tétə̄. Banī Kɔ́ɔ̄ɓē rāā kə de kə́ súmūú gēé.

2 KORḚNTƏ 1:14

tɔdɔ̄ ī-gerī kum nge ń j-ɔr̄ sesí ní kɔ̄ɔ́ ɓá: Ndɔ̄ yā Kɔ́ɔ̄ɓē yājí Jeju tə́ anī, jḭḭ i yá̰a̰ kɔr ta rɔ̄ yāsí ō, sḭḭ̄ i yá̰a̰ kɔr ta rɔ̄ yājí ō.

1 KORḚNTƏ 5:5

Loo ń noō tə́ majə kadə̄ ə́laī deē ní jī Sətan tə́, kadə̄ dā̰ rɔ̄n nujə ba ndílən ajə ndɔ̄ yā Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 17:24

Tɔdɔ̄ tītə̄ ń man̄ tel̄ dām̄ dɔ rā̰ kógə̄ḿ tə́ a a unjə̄ loo bátə́ yā gān̄g dāmə̄n kə́ rang tə́ ní, ndɔ̄ reē Ngōn̄ Deē tə́ a to i tītə̄ ń noō ō.

Najə̄ kə́ Majə yā Jeju ń Luk ndang ní 17:30

Ndɔ̄ ń kadə̄ Ngōn̄ Deē a teēń hɔy tə́ ní a to i tītə̄ ń noō ō.

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

1 KORḚNTƏ 3:13

a teēn̄ kə kəla rāā de gə̄ kógə̄ḿ kógə̄ḿ kadə̄ to kə̄ dɔ ndágá kadə̄ de gə̄ a̰a̰n̄. Ndɔ̄ sarya a rāā kadə̄ a gerə̄n̄ kəla ní, tɔdɔ̄ ndɔ̄ ní a ɔjə rɔ̄n kə̄ ndágá i kə horoó ō, hor a ɔjə kəla yā de gə̄ kógə̄ḿ kógə̄ḿ ō.

2 KORḚNTƏ 1:13

Tɔdɔ̄ najə̄ yājí gə̄ ń jə-ndang j-əlań j-adə̄sí ní, i yá̰á̰ kə́ rang gə̄ n jə-ndang tū tə́ ní alé, ba i rɔ̄ yá̰á̰ gə̄ nəkɔ́ ń ī-tə́daī ō, ī-gerī kum ō ní ngóy. Banī m̄-taā kem kadə̄ najə̄ ń j-ɔr̄ sesí ní ā ī-gerī kum kadə̄ unjə̄,

KOLOSƏ 2:7

Ə́laī ngərasí kemən tə́ ō, ī-raī ngan̄g dɔn tə́ ō, dɔ taā kem tə́ tītə̄ ń ndóōn̄neésí ní ō, ī-ndadī Nə́ɓā ngá̰ý ō.

1 TESALONIK 5:2

tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē.

2 TESALONIK 2:2

ī-lōōī taā kem kadə̄ na ndɔ̄ yā Kɔ́ɔ̄ɓē na ugə̄ kɔ̄ɔ́. Majanī deē kógə̄ḿ əda najə̄ kə́ Nə́ɓā əndā tan tə́, aláa i najə̄ kə́ ni-əda na i jḭḭ n na j-əda, aláa na i makətūbə̄ kə́ na i jḭḭ n na j-əlań, ngákó̰ó̰jí gə̄, ī-lōōī kadə̄ ndíĺsí a̰ȳ tām̄ najə̄ ń noō tə́ ō, ī-lōōī sōl̄ ō.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

2 TIMOTE 1:18

Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.