1 KORḚNTƏ 1:6 - Bibəl ta Sar̄

⁶ Tɔdɔ̄ najə̄ kə́ kum tə́ kə́ kəda dɔ Kərist tə́ əla ngəran ngan̄g ngá̰ý dansí tə́,

Bible sar

⁶ Tɔdɔ̄ najə̄ kə́ kum tə́ kə́ kəda dɔ Kərist tə́ əla ngəran ngan̄g ngá̰ý dansí tə́,

1 KORḚNTƏ 1:6 Referans Kwoze

JEJU TEĒ KUM JA̰A̰ 1:2

Ja̰a̰ əda najə̄ kə́ kum tə́ yān əda na yá̰a̰ malang ń n-a̰ā̰ ní na i najə̄ yā Nə́ɓā ō, i najə̄ kə́ kum tə́ yā Jeju Kərist ō.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

1 TIMOTE 2:6

Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

2 KORḚNTƏ 12:12

Yá̰a̰ gə̄ ń ɔjən̄ kə̄ ndágá kadə̄ mā i ngōmbang kəla ní, rāān̄ yá̰a̰ dɔ dáńsí tə́. Nin̄ n toō: I tə́gā kə́ m̄-tə́gā taḿ ngá̰ý dan yá̰a̰ gə̄ tə́ malang ō, i yá̰á̰ kə́ majə ngá̰ý kə́ to kɔr kum gə̄ ō, i yá̰á̰ kə́ yáā kə́ tayā tayā gə̄ ō, i yá̰a̰ gə̄ kə́ rāā kə tɔ́gɔ́ ō.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

JEJU TEĒ KUM JA̰A̰ 12:17

Ba dā̰ kə́ to ɓōĺ ngá̰ý ní rāā wōn̄g kə dəyá̰ ní, adə̄ aw̄ rɔ̄ɔ̄ gotə ngán kaan gə̄ ń na̰yn̄ ní. Nin̄ i ngé gə̄ ń rāān̄ gō míndə gə̄ yā Nə́ɓā ní ō, ngé gə̄ ń ngɔ̄mə̄n̄ najə̄ kə́ kum tə́ yā Jeju ní ō.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

GALATƏ 3:5

Nge ń adə̄sí Ndíl ō, rāā yá̰a̰ kə́ yáā gə̄ dɔ dáńsí tə́ ō ní, rāā i tām̄ rāā kə́ sḭḭ̄ ī-rāāī yá̰á̰ gə̄ kə́ ndū najə̄ əda kadə̄ yā rāā gə̄ tə́, aké i tām̄ koō kə́ ōōī Najə̄ kə́ Majə ō ī-taāī kem ō ḿ?

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

KƏLA RĀĀ 23:11

Teē ndɔ̄ kə́ noō tə́ ndɔ̄ɔ́ anī, Kɔ́ɔ̄ɓē ndɔ̄bə̄ Pol ba ədan na: Ə́hɔ rɔ̄í tɔgə, na tītə̄ ń ə́dań najə̄ kə́ kum tə́ dɔḿ tə́ kem ɓē kə́ Jerusalem tə́ ní, majə kadə̄ ī-rāā tītə̄ ń noō kem ɓē kə́ Rom tə́ ō.

KƏLA RĀĀ 22:18

Anī m-á̰á̰ Kɔ́ɔ̄ɓē loo kɔr̄ najə̄ tə́ seḿ, ni-ədam̄ na kə m̄-lōō kɔr̄ bā̰ā̰ ba kə m̄-teē kɔ̄ɔ́ láẃ kem ɓē kə́ Jerusalem tə́, tɔdɔ̄ de kə́ kemeé gə̄ na a ndigən̄ najə̄ ń m-ā m-ə́da dɔn tə́ ní alé.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 18:5

Banī loo ń Silas nin̄ kə Timote ḭḭn̄ Masedəwan reē ugə̄n̄ anī, Pol rāā yá̰á̰ kə́ rang to̰ alé, ba əndā rɔ̄n i ta kəla kɔjə najə̄ tə́ ngóy. Ni ɔjə Jipə gə̄ kadə̄ Jeju i Kərist rɔ̄kum.

MARK 16:20

Ba nin̄ tā a aw̄n̄ kə̄ loo gə̄ tə́ malang ɔjən̄ najə̄. Kɔ́ɔ̄ɓē rāā kəla sedə́, adə̄də́ tɔ́gə yā rāā yá̰á̰ kə́ to kɔr kum gə̄, yā kadə̄ de gə̄ gerə̄n̄ na najə̄ ń ɔjən̄ ní i najə̄ kə́ rɔ̄kum.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

JEJU TEĒ KUM JA̰A̰ 6:9

Dan ń ni-ɔsə mbō̰ kə́ nge ko̰ mí ɔr̄ anī, de gə̄ ń tɔ̄lə̄n̄də́ tām̄ najə̄ yā Nə́ɓā tə́ ō, najə̄ kə́ kum tə́ ń nin̄-ədan̄ tə́ ō ní, m-á̰á̰də́ gír loo tun̄ yá̰á̰ tə́.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

KƏLA RĀĀ 11:21

Tɔ́gə yā Kɔ́ɔ̄ɓē i naā tə́ sedə́, adə̄ de gə̄ ngá̰ý taān̄ kem ō, tūrə̄n̄ rɔ̄də́ kə̄ rɔ̄ Kɔ́ɔ̄ɓē tə́ ō.

KƏLA RĀĀ 11:17

Ré Nə́ɓā adə̄də́ nin̄ kadə̄ karī kə́ kógə̄ḿ beē nəkɔ́ ń ni-adə̄jí jḭḭ̄ tām̄ taā kə́ jə-taāī kem Kɔ́ɔ̄ɓē Jeju Kərist tə́ ní anī, mā i náā á m-ásə kɔgə̄ Nə́ɓā rāā yá̰á̰ ní?