1 KORḚNTƏ 1:5 - Bibəl ta Sar̄

⁵ Tɔdɔ̄ dan ń ī-ɓooī naā kə Kərist Jeju ní, ə́ngeī yá̰a̰ gə̄ malang kum asə naā, ə́ngeī tɔ́gə yā kɔrə̄ń najə̄ dɔ yá̰a̰ gə̄ tə́ malang ō, yā gerə̄ń yá̰a̰ malang ō.

Bible sar

⁵ Tɔdɔ̄ dan ń ī-ɓooī naā kə Kərist Jeju ní, ə́ngeī yá̰a̰ gə̄ malang kum asə naā, ə́ngeī tɔ́gə yā kɔrə̄ń najə̄ dɔ yá̰a̰ gə̄ tə́ malang ō, yā gerə̄ń yá̰a̰ malang ō.

1 KORḚNTƏ 1:5 Referans Kwoze

2 KORḚNTƏ 9:11

Ā ə́ngeī yá̰á̰ ngá̰ý kə ta róbə́ kə́ tayā tayā gə̄, yā kadə̄ ásiīneé kadə̄ yá̰á̰ ngá̰ý kə kum mbang gə̄ malang. Adə̄ de gə̄ ngá̰ý a ndadə̄n̄ Nə́ɓā tām̄ yā yá̰a̰ gə̄ ń sḭḭ̄ ī-rāāīneé kem majə sedə́ ní tə́.

2 KORḚNTƏ 8:7

Sḭḭ̄ ə́ngeī yá̰a̰ malang ngá̰ý kɔ̄ɔ́ ɓá: Adə̄ i taā kem ō, ger̄ kɔr̄ najə̄ ō, yá̰a̰ ger̄ ō, kəndā rɔ̄ ta yá̰á̰ tə́ kanjə̄ dəba ō, táŕ kə́ tayā tayā gə̄ malang ń sḭḭ̄ ə́ngeī rɔ̄jí tə́ ní ō. Adə̄ kəla kem majə ngeé ń toō ní jḭḭ jə-gḛy kadə̄ ī-rāāī ngá̰ý ō.

KOLOSƏ 2:3

Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

PILIPƏ 1:9

Ba yá̰á̰ ń m̄-gəde Nə́ɓā kem ndɔ̄ȳ yāḿ tə́ tām̄ yāsí tə́ ní, i kadə̄ tár yāsí i ngá̰ý kum kə̄ kété kété ō, kadə̄ yá̰a̰ ger̄ kə́ rɔ̄kum ō, ger̄ najə̄ ngá̰ý ō, i tū tár yāsí ní tə́,

Makətūbə̄ ń Pol ndang adə̄ Rom gə̄ ní 15:14

Ngákó̰ó̰ḿ gə̄, mə̄kɔ́ m̄-ger̄ majə kadə̄ kem majə yāsí i ngá̰ý ō, kadə̄ ī-gerī yá̰a̰ malang majə ō, ásiī kɔjə̄ naā ō.

JAKƏ 3:13

I náa n i de kə́ kumən edə̄ ō, kə́ ger̄ yá̰a̰ ō, dɔ dáńsí tə́ ní? Ādə̄ ni-ɔjə hál dɔ sɔl̄ ō, kum kedə̄ yān ní ō kə̄ ndágá.

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

1 KORḚNTƏ 12:8

Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

1 KORḚNTƏ 14:26

Loo ń noō tə́ ní ngákó̰ó̰ḿ gə̄, ā ī-rāāī i ba̰ý? Dan ń a ī-kanī naā anī, ré deē kógə̄ḿ aw̄ kə pā kógə̄ḿ ō, de kə́rēý aw̄ kə yá̰á̰ kógə̄ḿ kə́ yā kadə̄ ni-ndóō de gə̄ ō, de kə́ rang aw̄ kə yá̰á̰ kə́ Nə́ɓā teē kumən dɔ tə́ ō, de kə́ rang ɓáý to̰ aw̄ kə najə̄ kógə̄ḿ kə́ yā kɔr̄ kə ta kə́ tayāá ō, de kə́ rang ger̄ kum najə̄ ní yā kəda ō anī, ādə̄ i kə́ yā rāā yá̰a̰ gə̄ ń noō malang yā kadə̄ ngé kán̄ naā gə̄ taān̄neé kem Kɔ́ɔ̄ɓē kum kə̄ kété kété.

1 KORḚNTƏ 13:8

Tár a to ngándáńg. Gír kəda najə̄ kə́ Nə́ɓā əndā ta deē tə́ a gān̄g ō, gír kɔr̄ najə̄ kə ta kə́ tayā gə̄ a gān̄g ō, gíŕ yá̰a̰ ger̄ kə́ kə ta kūl̄ Ndíĺ kə́ Táĺ a gān̄g ō.

1 KORḚNTƏ 12:10

adə̄ de kə́ rang tɔ́gə rāā yá̰á̰ kə́ yáā gə̄ ō, adə̄ de kə́ rang tɔ́gə kəda najə̄ kə́ Nə́ɓā əndā tan tə́ ō, adə̄ de kə́ rang ɓáý to̰ tɔ́gə ger̄ gíŕ ndíĺ gə̄ ō, adə̄ de kə́ rang tɔ́gə kɔr̄ najə̄ kə ta kə́ tayā gə̄ ō, adə̄ de kə́ rang ɓáý to̰ tɔ́gə ger̄ kum ta kə́ tayā gə̄ ní ō.

1 KORḚNTƏ 8:11

Adə̄ nge tɔ́gə gətóó ń i ngōkó̰ó̰í kə́ Kərist oy tām̄ yān tə́ ní, a udə kɔ̄ɔ́ sɔɔ̄ń ger̄ yá̰a̰ yāí.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

Makətūbə̄ ń Pol ndang adə̄ Rom gə̄ ní 11:12

Ba ré kəsō ń əsōn̄ ní teē kə nápar de kə́ rang gə̄ dɔɔ́ anī, tél reēdə́ gogə́ tū kajə tə́ ní a rāā yá̰á̰ kə́ bo tɔȳ nge ń noō aĺ a?

KƏLA RĀĀ 2:4

Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.