1 KORḚNTƏ 1:2 - Bibəl ta Sar̄

² əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

Bible sar

² əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju *Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

1 KORḚNTƏ 1:2 Referans Kwoze

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

HEBƏRO 13:12

I tām̄ najə̄ ń noō tə́ n Jeju oyń gidə ɓē tə́ ndágá ō yā tə́goń de gə̄ kadə̄ unjə̄n̄ njáý njáý kə ta kūl̄ mósən nəkɔ́ ní.

1 TESALONIK 4:7

Tɔdɔ̄ Nə́ɓā ɓāŕjí i yā kadə̄ jḭḭ̄ i de kə́ majaĺ tákə̄də́ gə̄ alé, banī kadə̄ jḭḭ̄ i de kə́ háĺjí i háĺ kə́ unjə̄ njáý njáý gə̄.

HEBƏRO 10:10

Kərist rāā yá̰á̰ ń Nə́ɓā ndigə ní. Ni-adə̄ rɔ̄n yá̰a̰ tun̄ tə́ nja kógə̄ḿ kadə̄ gír gāngəń. Loo ń noō tə́ majaĺ yājí i kə kun kɔ̄ɔ́ dɔjí tə́ adə̄ jə-téliī de kə́ kɔr̄ kam̄ tām̄ yā Nə́ɓā gə̄ tə́.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

KƏLA RĀĀ 9:14

Tá laā ní ngol gə̄ kə́ dɔ ngé tun̄ yá̰a̰ gə̄ tə́ adə̄nən̄ ta róbə kadə̄ kə tṵ́ṵ̄ de gə̄ malang ń a ɓārə́n̄ rīí ní kə kəlaá.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

HEBƏRO 2:11

Jeju nge kɔ̄r̄ kam̄ de gə̄ tām̄ yā Nə́ɓā tə́ ō, ngé gə̄ ń ni-ɔr̄ kam̄də́ tām̄ yā Nə́ɓā tə́ ō ní, ni gē nin̄ gē ní, bɔbə̄də́ i kógə̄ḿ beē. I tām̄ najə̄ ń toō tə́ n rɔ̄n sɔlə̄n loo ɓāŕdə́ ngákó̰o̰n gə̄ tə́ aĺ ní.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

2 TESALONIK 1:1

I Pol nin̄ kə Silas ō, Timote ō n əlan̄ kə makətūbūú adə̄n̄ Egəlijə kə́ Tesalonik tə́ ń ɓoo naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní.

1 TESALONIK 1:1

I Pol nin̄ kə Silas ō, Silas ō, Timote ō n əlan̄ kə makətūbə̄ ń toō adə̄n̄ Egəlijə kə́ Tesalonik tə́ ń ɓoon̄ naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní. Ādə̄ Nə́ɓā rāā kem majə sesí ō, sɔl̄ kemsí ō.

EPEJƏ 5:26

I tītə̄ ń noō n ni-ɔrə̄ń kam̄ ngé kán̄ naā gə̄ kə ta kūl̄ tə́gódə́ kə maná kadə̄ unjə̄n̄ ní, adə̄ i kə ta kūl̄ najá.

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

Makətūbə̄ ń Pol ndang adə̄ Rom gə̄ ní 10:12

Adə̄ yá̰á̰ kə́ ɔr̄ kam̄ de gə̄ kadə̄ i Jipə gə̄ ń toó aláa Gərek gə̄ n toó ní gətóo. Nin̄ malang ní Kɔ́ɔ̄ɓē yādə́ i kógə̄ḿ beē. De gə̄ malang ń a ɓāŕnən̄ ní ni a rāā majə sedə́ ngá̰ý.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

KƏLA RĀĀ 22:16

Ba ń toō ɓáa yá̰á̰ kə́ rang kə́ yā kadə̄ ī-ngóō i rí ɓáý? Ḭ́ḭ dɔɔ́ ādə̄ rāāniī batém ō, ādə̄ tə́gon̄ yá̰á̰ kə́ majaĺ gə̄ ń ī-rāā ní kɔ̄ɔ́ ō, kə ta kūl̄ ɓāŕ kə́ ī-ɓārə́n kadə̄ rāā seí tə́.

KƏLA RĀĀ 18:1

Gō tə́ anī Pol ḭḭ Aten aw̄ Korḛntə.

KƏLA RĀĀ 15:9

Nin̄ ō, jḭḭ̄ ō ní jə-tītī naā ta kum Nə́ɓā tə́. Ni-ɔr̄ majaĺ kə́ kemdə́ tə́ kɔ̄ɔ́ adə̄ kemdə́ unjə̄ njáý njáý i kə ta kūl̄ taā ń nin̄-taān̄ kem ní.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

KƏLA RĀĀ 9:21

De gə̄ malang ń oōn̄ najə̄ kɔrə̄n ní ɔr kumdə́ ngá̰ý, adə̄ ədan̄ na: I deē ń toō n i nge rāā ngé ɓāŕ rī Jeju gə̄ ndoō tə́ ngá̰ý kem ɓē kə́ Jerusalem tə́ ní aĺ a? Tá reē laā i tṵ́ṵ̄də́ tə́ kə kəlaá yā kaw̄ sedə́ rɔ̄ ngol gə̄ kə́ dɔ ngé tun̄ yá̰a̰ gə̄ tə́ tə́ aĺ a?

PĀ GƏ̄ 45:11

Ngōnə̄ḿ kə́ dəyá̰, ōō! Á̰a̰ā̰ ō, ī-nēl̄ mbīí majə ō. Ādə̄ dɔí ndígə̄nal gír deē yāí gə̄ ō, gír kojə yāí ō.

TA KƏLA 12:8

Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.

TA KƏLA 4:26

Set ojə ngōn̄ kə́ dəngam ō. Ni-əndā rīn na i Enos. I loo ń noō tə́ n de gə̄ əlanə̄ń gír ɓāŕ Nə́ɓā na i Kɔ́ɔ̄ɓē dan ń a ndɔ̄ȳnən̄ tə́ ní.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

GALATƏ 1:2

i mā ō, ngákó̰ó̰jí gə̄ malang ń i seḿ ní ō n, j-əla kə makətūbə̄ ń toō ní. J-əlań j-ādə̄ i de gə̄ kə́ kem Egəlijə gə̄ kə́ gō nang kə́ Galasi tə́.

KƏLA RĀĀ 9:13

Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

1 KORḚNTƏ 12:27

Sḭḭ̄ malang i rɔ̄ Kərist kə taá ō, sḭḭ̄ kógə̄ḿ kógə̄ḿ i ngán rɔ̄n gə̄ ō.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.