1 KORḚNTƏ 1:12 - Bibəl ta Sar̄

¹² Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

Bible sar

¹² Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

1 KORḚNTƏ 1:12 Referans Kwoze

JA̰A̰ 1:42

Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

GALATƏ 3:17

Najə̄ ń m-ə́dá ní n toó: Kété ní Nə́ɓā ənī míndən ba ɔjə yá̰a̰ gə̄ kə́ dɔ tə́ kə́ yā rāā. Ɓāl̄ ɓú sɔ́ kə kutə mə́ta gō tə́ anī, ndū najə̄ reē yān. Ba ndū najə̄ ní asə nujə ndū Nə́ɓā ń ənī ní alé. Ré i beé aĺ anī ndū Nə́ɓā ń ənī ní i yá̰á̰ kə́ kanjə̄ kumən.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

2 KORḚNTƏ 9:6

Ādə̄ əga kemsí dɔ najə̄ ń toō tə́: Nge ń ənda i sḛ́ý beē anī a əja i sḛ́ý beē ō, nge ń ənda i ngá̰ý anī a əja i ngá̰ý ō!

1 KORḚNTƏ 16:12

Ba yā ngōkó̰ó̰jí Apolos tā anī, m-ɔ́sə seneé ngá̰ý ta kaw̄ loosí naā tə́ kə ngákó̰ó̰jí gēé, banī ni-gḛy kaw̄ ngɔr ń toō tə́ aĺ ɓáý. Ré ənge ta róbə́ tá a aw̄ ɓáý.

1 KORḚNTƏ 15:50

Ngákó̰ó̰ḿ gə̄, yá̰á̰ ń m̄-gḛy kəda ní n toó: Dā̰ rɔ̄ ō mósə ō asən̄ kənge Ɓē ko̰o̰ yā Nə́ɓā aĺ ō, yá̰á̰ kə́ ndum asə kənge yá̰á̰ kə́ a ndum aĺ aĺ ō.

1 KORḚNTƏ 15:5

Ni-teē hɔy kə̄ rɔ̄ Piyer tə́ ō, gō tə́ anī teē hɔy kə̄ rɔ̄ ngámbang kəla gə̄ kə́ kutə gidə i jōó tə́ ō.

1 KORḚNTƏ 9:5

Ni-adə̄jí ta róbə kun dəyá̰ kə́ taā kem Kərist kadə̄ aw̄ sejí tītə̄ ń ngámbang kəla kə́rēý gə̄ ō, ngákó̰ó̰ Kɔ́ɔ̄ɓē gə̄ ō, Kepas ō rāān̄neé ní aĺ a?

1 KORḚNTƏ 7:29

Ngákó̰ó̰ḿ gə̄, najə̄ ń m̄-sāā kədasí ní n toó: Na̰y ndɔ̄ i ngá̰ý alé. Adə̄ majə kadə̄ ngɔlaā ní ngé dəyá̰ gə̄ ndin̄ tītə̄ kə́ taān̄ dəyá̰ aĺ beé ō,

1 KORḚNTƏ 4:6

Ngákó̰ó̰ḿ gə̄, m̄-tūr̄ najə̄ ń toō m̄-reēń dɔ Apolos tə́ ō, dɔḿ mə̄kɔ́ tə́ ō, i tām̄ yāsí tə́, kadə̄ ī-rāāījí yá̰á̰ ndájə̄ tə́, ba ī-ndóōī loo kɔjə rɔ̄sí kə ta kūl̄ ndigə najə̄ gō de kə́rēý tə́, ba mbātə́nń najə̄ gō de kə́ noō tə́ alé.

KƏLA RĀĀ 18:24

Jipə kógə̄ḿ kə́ rīn na i Apolos reē ugə̄ kem ɓē kə́ Epejə tə́. Ojənən̄ i Aleksandəri. I de kə́ nge gōsə̄ najə̄ ō, i de kə́ ger̄ najə̄ gə̄ kə́ kem makətūbə̄ yā Nə́ɓā tə́ ngá̰ý ō.

MATIYE 23:8

Ba sḭḭ̄, ī-lōōī kadə̄ de gə̄ ɓārə́n̄sí ngoldə́ gə̄, tɔdɔ̄ sḭḭ̄ malang i ngákó̰o̰ naā gə̄ ō, ngolsí i kógə̄ḿ beē ō.

KƏLA RĀĀ 19:1

Dan ń Apolos ndi Korḛntə ní, Pol ənda gō nang kə́ ḭḭ kə̄ dɔɔ́ gə̄ kə́ Aji tə́ gān̄g ba reē ugə̄ kem ɓē kə́ Epejə tə́. Ni-ənge ngé ndóō yá̰á̰ kə́rēý gə̄ noó.

1 KORḚNTƏ 1:11

Ngákó̰ó̰ḿ gə̄, yá̰á̰ ń mēr̄ kadə̄ m-ɔ̄rəń najə̄ ń toō sesí ní, i tām̄ koō kə́ m-ōō ta de gə̄ yā Kəlowe tə́ na kɔ̄l̄ naā na i dansí tə́.

2 KORḚNTƏ 10:7

Sḭḭ̄ ā á̰a̰ī i gidə yá̰á̰ kə́ ndágá! Adə̄ ré de kə́rēý gír̄ kemən tə́ kadə̄ ni i deē yā Kərist anī, ādə̄ kɔ́ɔ̄ tél gír̄ rang ɓáý to̰ na ré ni i yā Kərist anī, jḭḭ i yān ō.

1 MBAN̄G GƏ̄ 16:21

Gō yo Jimri tə́ ní Israel gə̄ kə̄gə̄n̄ naā gír loo jōó. Núsə de kə́rēý gə̄ i gō Tibəni ngōn̄ Ginat tə́, nin̄ ndigən̄ kəndān mban̄g. Ba núsə de kə́rēý gə̄ i gō Omri tə́.