1 KORḚNTƏ 1:11 - Bibəl ta Sar̄

¹¹ Ngákó̰ó̰ḿ gə̄, yá̰á̰ ń mēr̄ kadə̄ m-ɔ̄rəń najə̄ ń toō sesí ní, i tām̄ koō kə́ m-ōō ta de gə̄ yā Kəlowe tə́ na kɔ̄l̄ naā na i dansí tə́.

Bible sar

¹¹ Ngákó̰ó̰ḿ gə̄, yá̰á̰ ń mēr̄ kadə̄ m-ɔ̄rəń najə̄ ń toō sesí ní, i tām̄ koō kə́ m-ōō ta de gə̄ yā Kəlowe tə́ na kɔ̄l̄ naā na i dansí tə́.

1 KORḚNTƏ 1:11 Referans Kwoze

1 TIMOTE 6:4

ni i de kə́ kɔjə rɔ̄ ādə̄n dɔ bo ō, ni i de kə́ ger̄ yá̰a̰ aĺ ō. Ngur nējə̄ naā najə̄ ō, kəhɔ naā najə̄ tə́ kə́ dan gān̄g aĺ ō i kemən tə́, adə̄ rāān kə́ mo̰y tə́. Nge ń noō a reē i kə kəndā naā nií ō, kɔ̄l̄ naá ō, tájə̄ naá ō, tetə kem kə́ majaĺ ō,

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

Gōsə̄ najə̄ gə̄ 18:6

Najə̄ ta de kə́ mbóo a ojə i kɔ̄l̄ naā, tan a ojə i kənda ndéy.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

GALATƏ 5:15

Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

TA KƏLA 37:2

Gotə najə̄ yā ngán Jakob gə̄ n toó: Jəjep rāā ɓāl̄ kutə gidə i sīrí anī aw̄ kə yá̰a̰ kul̄ gēé dɔ mu tə́. Nin̄ i naā tə́ kə ngán Bila gə̄ ō, ngán Silpa gə̄ ō. Bila ō, Silpa ō, i nə̄yá̰ bɔbə̄n gə̄. Jəjep reē kə najə̄ kɔr̄ ngákó̰o̰n kə́ majaĺ gēé əda bɔbə̄də́.

TA KƏLA 27:42

Dan ń ədan̄ Rebeka gotə najə̄ kɔr̄ Esau ń i ngōnə̄n kə́ ngatɔ́gə́ ní anī, ni-əla ɓāŕ Jakob ngōnə̄n kə́ nge ko̰ jōó tə́, ədan na: Á̰a̰ā̰, ngōkó̰ó̰í Esau əhɔī kemən tə́, a sāā tɔ̄lī.

PILIPƏ 2:14

Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō.

1 KORḚNTƏ 11:18

Yá̰á̰ kə́ ta kəga dɔ ní, ədamə̄n̄ na dan ń ré ī-kánī naā anī, kēgə̄ naā na to dɔ dáńsí tə́. Ba m̄-ger̄ majə kadə̄ i najə̄ kə́ sor̄ malang alé.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

1 KORḚNTƏ 1:12

Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

TITƏ 3:9

Banī ndəle gíŕ yá̰á̰ kə́ kanjə̄ kumən gə̄ ō, kɔr̄ gír kaa gə̄ ō, tṵ́ṵ̄ naā gə̄ ō, tɔ́tə̄ naā dɔ ndū najə̄ tə́ ń i yá̰á̰ kə́ teē yá̰a̰ aĺ ō, i yá̰á̰ kə́ kanjə̄ kumən gə̄ ō ní, ī-lōō kəla taí danaá.