1 KORḚNTƏ 1:10 - Bibəl ta Sar̄

¹⁰ Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

Bible sar

¹⁰ Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

1 KORḚNTƏ 1:10 Referans Kwoze

1 KORḚNTƏ 12:25

yā kadə̄ kēgə̄ naā gətóoń kem rɔ̄jí tə́, ba kadə̄ ngán rɔ̄jí gə̄ malang ní, o̰o̰də́ tɔdɔ̄ naā kadə̄ asə naā.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

1 KORḚNTƏ 11:18

Yá̰á̰ kə́ ta kəga dɔ ní, ədamə̄n̄ na dan ń ré ī-kánī naā anī, kēgə̄ naā na to dɔ dáńsí tə́. Ba m̄-ger̄ majə kadə̄ i najə̄ kə́ sor̄ malang alé.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

1 KORḚNTƏ 4:16

I beé ní m̄-rāāsí ɓɔ́, ba ī-téliī ngé ndájə̄ḿ gə̄.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

1 TESALONIK 5:13

Ī-rɔyīdə́ ngá̰ý kə tárá tām̄ kəla ń nin̄-rāān̄ tə́ ní. Ī-ndiī kə naá kə kem sɔl̄ lɔmɔɔ́.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

JA̰A̰ 10:19

Míndə kasə naā aĺ to dɔ dán Jipə gə̄ tə́ ɓáý to̰ tām̄ yā najə̄ gə̄ ń toō tə́.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

2 TIMOTE 4:1

m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

PILIPƏ 3:16

Ká i rí gə̄gē anī loo ń j-ugī tū tə́ toō ní, ādə̄ jə-njə̄rāī kumjí kə̄ loo kə́ kógə̄ḿ beē tə́.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

JA̰A̰ 7:43

Adə̄ kósə de gə̄ mbātə́n̄ najə̄ gō naā tə́ najə̄ yān tə́.

MARK 2:21

De kə́ yā kənī kum ngísə kūbə̄ kə ta kūbə̄ kə́ kijií gətóo. Ré i beé anī, ta kūbə̄ kə́ kijə ń ənīn̄neé kum kə́ ngísə́ ní a rāā kadə̄ kum kūbə̄ a rə̄yā̰ mān̄ kə́ kété ɓáý.

MATIYE 9:16

De kə́ yā kənī kum ngísə kūbə̄ kə ta kūbə̄ kə́ kijií gətóo, tɔdɔ̄ ta kūbə̄ kə́ kijə ń ənīn̄neé kum kə́ ngísə́ ní a ndɔ́r̄ ngísən ní kə̄ rɔ̄n tə́ kadə̄ a rə̄yā̰ tɔȳ kə́ kété ɓáý.

1 TIMOTE 5:21

m̄-rāāī ɓɔ́ ta kum Nə́ɓā tə́ ō, ta kum Kərist Jeju tə́ ō, ta kum de kə́ dɔ rā̰ tə́ gə̄ ń gə̄rān̄də́ ní tə́ ō, ī-rāā yá̰a̰ gə̄ ń m-ɔ́jiī toó kanjə̄ kəya̰ kógə̄ḿ kɔ̄ɔ́ ō, kanjə̄ rāā yá̰a̰ kógə̄ḿ tām̄ ta kum deē ō.

2 TESALONIK 2:1

Ngákó̰ó̰jí gə̄, najə̄ kə́ dɔ tél Kɔ́ɔ̄ɓē yājí Jeju Kərist tə́ ō, kə́ dɔ kán̄jí naā rɔ̄n tə́ ō ní,

GALATƏ 4:12

Ngákó̰ó̰ḿ gə̄, m̄-rāāsí ɓɔ́ kadə̄ ī-tél ī-toī tītə̄ḿ mā, tɔdɔ̄ mā m̄-tél m̄-to tītə̄sí ō. Sḭḭ̄ ī-rāāī yá̰á̰ kógə̄ḿ kə́ gō tə́ aĺ seḿ alé.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

Makətūbə̄ ń Pol ndang adə̄ Rom gə̄ ní 15:30

Banī ngákó̰ó̰ḿ gə̄, yá̰á̰ ń m̄-dəjesí, kə ta kūl̄ Kɔ́ɔ̄ɓē yājí Jeju Kərist ō, kə ta kūl̄ táŕ ń Ndíĺ a adə̄ deē ō ní n toó: Ī-rɔ̄ɔ̄ī naā tə́ seḿ, kə ta kūl̄ ndɔ̄ȳ Nə́ɓāá tām̄ yāḿ tə́.

JA̰A̰ 9:16

De kə́rēý gə̄ dɔ dan Parijiyḛ gə̄ tə́ ədan̄ na: Deē ń toō ḭḭ i rɔ̄ Nə́ɓā tə́ alé, tɔdɔ̄ ni-ngɔ̄m̄ ndɔ̄ sabat alé. De kə́ rang gə̄ ədan̄ na: De kə́ nge rāā majaĺ asə rāā yá̰á̰ kə́ yáā kə́ tītə̄ ń noō gə̄ i ba̰ý? Adə̄ míndə kasə naā aĺ to dandə́ tə́.

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

1 KORḚNTƏ 1:11

Ngákó̰ó̰ḿ gə̄, yá̰á̰ ń mēr̄ kadə̄ m-ɔ̄rəń najə̄ ń toō sesí ní, i tām̄ koō kə́ m-ōō ta de gə̄ yā Kəlowe tə́ na kɔ̄l̄ naā na i dansí tə́.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

2 KORḚNTƏ 13:9

Dan ń jə-ngan̄g aĺ ɓáa jə-rāā rɔ̄nel̄, banī sḭḭ̄ i de kə́ ngan̄g gə̄. I tām̄ najə̄ ń noō tə́ n jə-dəje kem ndɔ̄ȳ yājí tə́, kadə̄ ī-téliī de kə́ majə ɔtə̄ kə taá gə̄ ní.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

JOJUE 22:15

Nin̄ aw̄n̄ rɔ̄ ngán Ruben gə̄ tə́ ngán Gad gə̄ tə́ ō, de kə́ gír ɓē yā Manase tə́ dɔ nang kə́ Galaad tə́ gə̄ ō, ba ədan̄də́ na:

MARK 3:24

Ré kem ɓē ko̰o̰ kógə̄ḿ tə́ de kə́ kemeé gə̄ a mbātə́n̄ naā anī, ɓē ko̰o̰ ń noō a ndi ngan̄g alé.