1 JA̰A̰ 5:7 - Bibəl ta Sar̄

⁷ Tɔdɔ̄ ngé kəda najə̄ kə́ kum tə́ gə̄ i mətá:

Bible sar

⁷ Tɔdɔ̄ ngé kəda najə̄ kə́ kum tə́ gə̄ i mətá:

1 JA̰A̰ 5:7 Referans Kwoze

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

KƏLA RĀĀ 5:32

Yá̰á̰ gə̄ ń noō ń rāān̄ yá̰á̰ ní jḭḭ i de kə́ kum tə́ gə̄ ō, i jḭḭ ō Ndíĺ kə́ Táĺ ń Nə́ɓā adə̄ ngé koō tan gə̄ ní ō.

JA̰A̰ 1:1

Ta kəla gíŕ yá̰a̰ gə̄ tə́ malang ní, Najə̄ to noó kɔ̄ɔ́. Najə̄ ndin̄ i naā tə́ kə Nə́ɓāá ō, Najə̄ i Nə́ɓā ō.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

1 JA̰A̰ 5:6

I Jeju Kərist n reē kə ta kūl̄ man̄ ō, mósə ō ní. Reē i kə ta kūl̄ man̄ ngóy alé, banī i kə ta kūl̄ man̄ ō mósə ō. Tá i Ndíĺ kə́ Táĺ n i nge kəda najə̄ kə́ kum tə́ dɔn tə́ ní, tɔdɔ̄ Ndíĺ kə́ Táĺ i najə̄ kə́ rɔ̄kum.

JA̰A̰ 8:54

Jeju tél ədadə́ na: Ré i mə̄kɔ́ n m-ɔ́sə gɔn rɔ̄ḿ anī, kɔsə gɔn yāḿ i yá̰á̰ kə́ karī. Deē ń ɔsə gɔnəḿ ní i Bɔbə́ḿ ń sḭḭ̄ ə́daī na i Nə́ɓā yāsí

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

NDŪ NAJƏ̄ 6:4

Israel gə̄, ōōī majə: I Kɔ́ɔ̄ɓē kal kógə̄ḿ beē ngóy n i Nə́ɓā yājí ní.

JA̰A̰ 5:26

Tɔdɔ̄ tītə̄ ń Bɔbə̄ Ngōn̄ i kɔ́ɔ̄ ndi kə kumuú ní, tītə̄ ń toō ni-adə̄ Ngōn̄ kadə̄ ni i kɔ́ɔ̄ ndi kə kumuú ō.

JEJU TEĒ KUM JA̰A̰ 19:13

Kūbə̄ ń əlan̄ rɔ̄n tə́ dɔ madə̄ gə̄ tə́ ní, i kə́ kəla kum mósə́ tə́ ō, rīn na i Najə̄ yā Nə́ɓā ō.

JA̰A̰ 12:28

Bɔbə́ḿ, ɔ́sə gɔn rīí! Anī ndū Nə́ɓā ɓār̄ dɔ rā̰ tə́, əda na: M-ɔ́sə gɔn rīḿ kɔ̄ɔ́ ɓá, ba m-ā m-ɔ́sə gɔnən ɓáý to̰.

JA̰A̰ 8:18

Mā m-ɔ̄r̄ najə̄ kə́ kum tə́ dɔ rɔ̄ḿ mə̄kɔ́ tə́ ō, Bɔbə́ḿ ń əlam̄ ní ɔr̄ najə̄ kə́ kum tə́ dɔḿ tə́ ō.

MATIYE 18:16

Ba ré ni-mbātə́ koō najə̄ yāí anī, āwī kə madí kógə̄ḿ, aláa kə madí gə̄ jōó, ə́ngeniī ɓáý to̰, tɔdɔ̄ ndangən̄ na: A gāngə̄n̄ sarya malang i kə gō najə̄ kɔr̄ de kə́ kum tə́ gə̄ jōó, aláa mətá.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

JA̰A̰ 14:17

De kə́ dɔ nang tə́ gə̄ asən̄ kəhɔn kə̄ rɔ̄də́ tə́ alé, tɔdɔ̄ nin̄-a̰a̰nən̄ aĺ ō, ger̄nən̄ aĺ ō. Ba sḭḭ̄ ī-ger̄niī, tɔdɔ̄ ni-ndi sesí ō, ndi kemsí tə́ ō.

JA̰A̰ 15:26

Loo ń m-ā m-ūgə̄ rɔ̄ Bɔbə̄ Ngōn̄ tə́ anī, m-ā m-ə́la kə nge ndi sesí ń i Ndíĺ najə̄ kə́ rɔ̄kum ní yā kadə̄sí. Loo ń a ugə̄ anī, a əda najə̄ kə́ kum tə́ yāḿ.

1 JA̰A̰ 5:8

I Ndíl ō, man̄ ō, mósə ō. Nin̄ mətá mbak ní, najə̄ kɔr̄də́ i gō naā tə́.