1 JA̰A̰ 5:3 - Bibəl ta Sar̄

³ Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

Bible sar

³ Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

1 JA̰A̰ 5:3 Referans Kwoze

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

JA̰A̰ 15:10

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

2 JA̰A̰ 1:6

Ba yá̰á̰ ń i táŕ ní i rāā gō míndə gə̄ ń Nə́ɓā əda kadə̄ yā rāā ní. Ba gō míndə ń Nə́ɓā əda kadə̄ yā rāā ní, i kadə̄ ī-táriī naā, tītə̄ ń ōōīneé ta kəla gíŕ tə́ ní.

1 JA̰A̰ 2:3

Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.

NDŪ NAJƏ̄ 7:9

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

JA̰A̰ 15:14

Ré ī-rāāī yá̰a̰ kə gō míndə́ḿ anī, sḭḭ̄ i madə̄ kə́ráḿ gə̄.

DANIEL 9:4

m̄-ndɔ̄ȳ Kɔ́ɔ̄ɓē Nə́ɓā yāḿ ō, m-ə́dan gír majaĺ gə̄ ń toō ō, m-ə́da na: Kɔ́ɔ̄ɓē, ḭ̄ ń i Nə́ɓā kə́ bo ō, ī-to ɓōĺ ō, ā ī-ngɔ̄m̄ madə̄ naā yāí ō, ī-ra dɔ ndūí tə́ ō kə ngé gə̄ ń tárə̄n̄nī ō ngɔ̄mə̄n̄ gō míndí gə̄ ō ní,

HEBƏRO 8:10

Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

Makətūbə̄ ń Pol ndang adə̄ Rom gə̄ ní 7:12

Adə̄ ndū najə̄ i yá̰á̰ kə́ majaĺ alé ba i yá̰á̰ kə́ táĺ ō, gō míndə i yá̰á̰ kə́ táĺ ō, kə́ gōtə́ ō, kə́ majə ō.

Gōsə̄ najə̄ gə̄ 3:17

Róbə yān i róbə́ kə́ nel̄ ō, i róbə́ kə́ lɔm i tū tə́ ō.

PĀ GƏ̄ 119:140

Najə̄ yāí ɔjə tɔ́gən kə̄ ndágá rɔ̄kum ō, nge kəla yāí ndigə najə̄ yāí ngá̰ý ō.

PĀ GƏ̄ 119:45

M-ā m-ə̄nī kemḿ yā njə̄rań tɔdɔ̄ m̄-sāā gō yá̰a̰ gə̄ ń ī-ra kə de gēé ta rāā ní.

NDŪ NAJƏ̄ 5:10

Banī de gə̄ ń tármə̄n̄ ō, rāān̄ yá̰a̰ gə̄ ń m-ə́dádə́ kadə̄ rāān̄ ō ní, m-ā m̄-rāā kem majə sedə́ ō, kə dūbə̄ gír kojə yādə́ gə̄ malang ń a reēn̄ ɓáý ní ō.

Teē Ngán Israel gə̄ 20:6

Banī de gə̄ ń tármə̄n̄ ō, rāān̄ yá̰a̰ gə̄ ń m-ə́dádə́ kadə̄ rāān̄ ō ní, m-ā m̄-rāā kem majə sedə́ ō, kə dūbə̄ gír kojə yādə́ gə̄ malang ń a reēn̄ ɓáý ní ō.

MATIYE 23:4

Nin̄-tó̰ō̰n̄ yá̰a̰ kətō kə́ kɔȳ gə̄ tə́ndān̄ dɔ de gə̄ tə́, banī mbātə́n̄ kəla ta ngōn̄ jīdə́ nāań yá̰a̰ kətō gə̄ ní.

2 MBAN̄G 18:6

Ni-əhɔ gō Kɔ́ɔ̄ɓē kanjə̄ kəya̰ gōn. Ni ngɔ̄m̄ gō míndə gə̄ ń Kɔ́ɔ̄ɓē adə̄ Moijə ní.