1 JA̰A̰ 5:21 - Bibəl ta Sar̄

²¹ Ngánə́ḿ kə́ dūú gə̄, ī-ngɔ̄mī rɔ̄sí najə̄ yā ɓesə̄ gə̄ tə́.

Bible sar

²¹ Ngánə́ḿ kə́ dūú gə̄, ī-ngɔ̄mī rɔ̄sí najə̄ yā ɓesə̄ gə̄ tə́.

1 JA̰A̰ 5:21 Referans Kwoze

1 KORḚNTƏ 10:14

Adə̄ kó tár yāḿ gə̄, ī-lōōī rāā ɓesə̄.

1 KORḚNTƏ 10:7

Ī-lōōī rāā ɓesə̄ tītə̄ ń ngé kə́rēý gə̄ dáńdə́ tə́ rāān̄neé ní. Tɔdɔ̄ ndangən̄ kem makətūbə̄ yā Nə́ɓā tə́ na: Ngán Israel gə̄ na ndin̄ nang tə́ əsan̄ yá̰a̰ ō, a̰ȳn̄ ō, ba gō tə́ ɓáa na ḭḭn̄ dɔɔ́ na ndāmə̄n̄ naā.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

JEJU TEĒ KUM JA̰A̰ 14:11

Hor ń yá̰á̰ kə́ tōr̄ rāādə́ kum tə́ ní, saan əɓa guy guy kə dɔ ɓāl̄ gə̄ ɓāl̄ gə̄. De gə̄ ń rɔȳn̄ dā̰ ní ō, ndíĺ yá̰á̰ kə́ ɔsə kum gotə dā̰ ní ō, deē ń adə̄ əndān̄ tə́ré yá̰á̰ kə́ ɔsə kum gotə rī dā̰ ní rɔ̄n tə́ ō ní, de gə̄ ń noō a ɔrə̄n̄ koō kadaá aĺ ō ndɔ̄ɔ́ aĺ ō.