1 JA̰A̰ 5:18 - Bibəl ta Sar̄

¹⁸ Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n Sətan ń i de kə́ majaĺ ní ɔdəń rɔ̄n aĺ ní.

Bible sar

¹⁸ Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n *Sətan ń i de kə́ majaĺ ní ɔdəń rɔ̄n aĺ ní.

1 JA̰A̰ 5:18 Referans Kwoze

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

1 JA̰A̰ 5:4

Tɔdɔ̄ de gə̄ malang ń Nə́ɓā ojədə́ ní, tetən̄ de kə́ dɔ nang tə́ laā gə̄ rɔ̄ɔ̄ kɔ̄ɔ́. Ba yá̰á̰ ń jə-tetiīneé de kə́ dɔ nang tə́ laā gə̄ rɔ̄ɔ̄ ní, i taā kə́ jə-taāī kem.

Makətūbə̄ ń Jud ndang ní 1:21

Sḭḭ̄ kɔ́ gə̄ ī-ngɔ̄mī rɔ̄sí. Ī-raī dɔ táŕ ń Nə́ɓā táŕsí tə́ ní ī-ngóōīneé ta ndi kə kumuú kə́ ngándáńg ń Kɔ́ɔ̄ɓē Jeju Kərist a adə̄sí kə ta kūl̄ kem majə yānneé ní.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

JA̰A̰ 15:9

Mā m̄-táŕsí tītə̄ ń Bɔbə́ḿ tármə̄ń ní, ī-ndiī kem tár yāḿ tə́.

PĀ GƏ̄ 119:101

m̄-mbātə́ kun róbə rāā majaĺ i yā kadə̄ m̄-ngɔ̄məń najə̄ yāí.

PĀ GƏ̄ 18:23

m̄-ngɔ̄m̄ ndū najə̄ yān gə̄ malang ta kumḿ tə́ ngándáńg ō, gō míndən gə̄ ní m̄-ḭ́ḭ bal dɔ tə́ aĺ ō.

PĀ GƏ̄ 17:4

M-á̰á̰ yá̰a̰ rāā de gə̄ anī, m̄-rā dɔ najə̄ yāí tə́, m̄-ngɔ̄m̄ rɔ̄ḿ najə̄ róbə yā ngé dɔ́nɔ gə̄ tə́.

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

1 JA̰A̰ 5:21

Ngánə́ḿ kə́ dūú gə̄, ī-ngɔ̄mī rɔ̄sí najə̄ yā ɓesə̄ gə̄ tə́.

1 JA̰A̰ 4:6

Jḭḭ̄ i yā Nə́ɓā. Deē ń ger̄ Nə́ɓā ní, a oō yājí. Deē ń i yā Nə́ɓā aĺ ní, a oōjí alé. J-a jə-gerī Ndíl najə̄ kə́ rɔ̄kum ō, ndíĺ kə́ nge ndúm̄ kə deé ō i tītə̄ ń noō.

JA̰A̰ 15:7

Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

JA̰A̰ 1:13

Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

PĀ GƏ̄ 39:1

Pā kə́ kem makətūbə̄ yā ngār yā gōsə̄ pā gə̄ tə́, adə̄ i yā Yedutun. I pā yā Dabid.

1 JA̰A̰ 3:12

Ba i kadə̄ jə-toī tītə̄ Kain ń ni i deē yā De kə́ Majaĺ adə̄ tɔ̄l̄ ngōkó̰o̰n ní alé. Ba ni-tɔ̄lən i tām̄ rí tə́? I tām̄ kəla rāān i kə́ majaĺ, banī yā ngōkó̰o̰n i kə́ gō tə́.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

JA̰A̰ 15:4

Ī-ndiī kemḿ tə́ tītə̄ ń mā m̄-ndiń kemsí tə́ ní. Ta jī kāgə̄ a a̰a̰n̄ kə dɔneé alé, ba a a̰a̰n̄ i loo ń ni i tū kāgə̄ tə́ tá ní. Ré sḭḭ̄ ī-ndiī kemḿ mā tə́ aĺ anī, sḭḭ̄ ā ānī aĺ ō.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

PĀ GƏ̄ 119:3

Nin̄ rāān̄ yá̰á̰ kə́ majaĺ alé, banī rāān̄ i yá̰á̰ ń Nə́ɓā mēr̄də́ rāā ní.

MATIYE 5:37

Ādī ré najə̄ kɔrsí i a̰á̰ā̰ ɓáa i a̰á̰ā̰ ō, ré i a̰ á̰ ɓáa, i a̰ á̰ ō. Najə̄ kə́ rang gə̄ malang ń utə̄n̄ gō ní, teēn̄ i rɔ̄ ndíĺ kə́ nge ngól̄ loo gə̄ tə́.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

1 JA̰A̰ 5:15

Dan ń jə-gerī kadə̄ ni-oōjí loo ń jə-dəjeniī yá̰á̰ kə́rēý ní, jə-gerī kadə̄ j-əngeī yá̰á̰ ń jə-dəjeniī ní.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

LEBI GƏ̄ 11:37

Ré nīń dā̰ ní əsō i dɔ kum kōō kə́ yā dubə̄ tə́ anī, kum kōō ní to karī.